ကြာရှည်အထားခံတဲ့ ဆန်ပြုတ်မှုန့်လုပ်နည်း

08/09/2021 11:30 AM တွင် ကျော့နန္ဒာစိုး ကျော့နန္ဒာစိုး မှ ရေးသား

    ၇ လအထိ အထားခံတဲ့ ဆန်ပြုတ်မှုန့်ကို လုပ်ထားဖို့အချိန်ပါပဲ။ ဘယ်လိုအခြေအနေမှာပဲဖြစ်ဖြစ် အလွယ်တကူစားလို့ရတဲ့ ကုန်ခြောက်ပစ္စည်းတစ်မျိုးပါ။ နို့ဖြတ်ခါစကလေးငယ် အစာကြီးတွေမဝါးနိုင်သေးတဲ့ ကလေးငယ်တွေအတွက်လည်း အကောင်းဆုံးအစားအစာတစ်ခုပဲဖြစ်ပါတယ်။

လိုအပ်တဲ့ပစ္စည်းများ

ဆန် ၄ ဗူး

ကုလားပဲ ၁ ဗူး

ပြုလုပ်ပုံ

- ဆန်ကို ရေနဲ့ ၃ ခေါက်လောက် ပြောင်အောင်ဆေးပါ။ နောက် သန့်ရှင်းတဲ့အဝတ်စမှာဖြန့်ပြီး နေလှန်းပေးပါ။ ကုလားပဲကိုလည်း ထိုနည်းအတူ သန့်စင်ဆေးကြောပြီး ခြောက်အောင်ပြုလုပ်ပါ။

- ခြောက်သွားသော ဆန်ကို မီးအသင့်အတင့်နဲ့ ၅ မိနစ်ခန့်လှော်ပေးပါ။ ကုလားပဲကိုလည်း သင့်ရုံအနေအထားအတိုင်း သပ်သပ်လှော်ပါ။

- သီးခြားစီလှော်ထားသော ဆန်နဲ့ကုလားပဲကို ရောကြိတ်ပြီး လေလုံသောဘူးထဲတွင် ထည့်သိမ်းထားနိုင်ပါပြီ။

- လိုအပ်တဲ့အချိန်မှာ လိုအပ်သလောက် ရေနဲ့အလွယ်တကူပြုတ်စားလို့ရပါပြီ။ ပြုတ်တဲ့အချိန်မှာ လိုအပ်တဲ့အရသာများရောစပ်ပြီး စားသုံးနိုင်ပါတယ်။

    အချိုးအစားကိုတော့ မှန်းရလွယ်အောင် ဆန် ၄ ဗူးနှုန်းနဲ့ဖော်ပြထားပါတယ်။ လိုအပ်သလို ဆန်နဲ့ကုလားပဲချိန်ဆပြီး ပြုလုပ်နိုင်ပါတယ်။ ကုလားပဲ မသုံးလိုတဲ့သူတွေအတွက်လည်း ဆန်တစ်မျိုးတည်းနဲ့ ပြုလုပ်ထားလို့ရပါတယ်။

ဒီဆန်ပြုတ်မှာပါဝင်တဲ့အာဟာရတန်ဖိုးတွေက

ကယ်လိုရီ

ပရိုတင်း

အိုင်းရွန်း

ကယ်ရိုတင်းဓာတ်တို့ ပါဝင်တယ်လို့ သိရပါတယ်။

ကိုးကား- https://www.mylittlemoppet.com/instant-rice-porridge-powder-recipe/

အားလုံးပဲ ဘေးကင်းကျန်းမာကြပါစေ။