ယခုတစ်ပတ်အတွင်း စျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

15/06/2018 15:11 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

(၁၁.၆.၂၀၁၈ မှ ၁၅.၆.၂၀၁၈)ထိ

မတ်ပဲ (FAQ/RC)

မတ်ပဲကတော့ ဒီတစ်ပတ်မှာ ဈေးအတော်ကျဆင်းသွားခဲ့ပါတယ်။ဇွန်လကနေ သြဂုတ်လအတွင်းမှာ တန်ချိန် ၁ သိန်းခွဲကို ရောင်းချရမှာဖြစ်ပေမယ့် ပြည်ပ နိုင်ငံက ဈေးနှိမ်ဝယ်ယူတဲ့အတွက် ကြောင့် ဈေးက ကျဆင်း သွားတာလည်း ဖြစ်ပါတယ်။ပြည်တွင်း ပဲပိုလျံမှုကြောင့် ပြည်ပနိုင်ငံက အခွင့်ကောင်းယူကာ ဈေးနှိမ်ဝယ်ယူနေ တယ်လို့လည်းကုန်သည်တွေက သုံးသပ်ထားပါတယ်။ ထို့ပြင် ပြည်ပကိုတင်ပို့ရန်အတွက် ကုန်သည်တွေက ဝယ်ယူစုဆောင်းနေပြီး ရောင်းချသူတွေကလည်း မျှော်လင့်ချက်နဲ့အတက်ဈေးကို စောင့်နေတဲ့အခြေအနေတွေမှာ ဈေးနှုန်းတွေက အတက်အကျမတည်ငြိမ်တာကိုလည်း တွေ့ရပါတယ်။ ပြီးခဲ့တဲ့အပတ်အထိ တစ်တန်ကို ၅ သိန်းခွဲအထိ ဈေးမြင့်နေခဲ့ပေမယ့် ဒီတစ်ပတ်မှာတော့ တစ်တန်ကို ၄ သိန်း ၇ သောင်းအထိ ဈေးက ကျဆင်းသွားခဲ့ပါတယ်။ တစ်ပတ်ကျော်အတွင်း တစ်တန်ကို ၈၀၀၀၀ နီးပါး ဈေးက ကျဆင်းသွားတာပါ။ လက်ရှိမှာ မတ်ပဲဈေးက ပဲစင်းငုံနီ ဈေးအောက်ကိုပါ ရောက်ရှိသွားခဲ့ပါတယ်။ ပြည်ပတင်ပို့တဲ့ ဈေးနှုန်းတွေက ကျဆင်းနေပေမယ့် ပြည်တွင်းဝယ်ယူမှုမှာတော့ ဈေးကတက်လာပါတယ်။ မုံရွာကုန်စည်ဒိုင်မှာ တစ်ပတ်အတွင်း တစ်တင်းကို ၁၅၀၀ ကျပ်လောက်ဈေးတက်လာပြီး ၁၆၀၀၀ ကျပ်ပေါက်ဈေးရှိပါတယ်။ နေပြည်တော်ကုန်စည်ဒိုင်မှာလည်း တစ်တင်းကို ၁၆၆၀၀ ကျော်ပေါက်ဈးရှိပြီး ၂၀၀ နီးပါး၊ဈေးတက်လာပါတယ်။ ပြည်ကုန်စည်ဒိုင်မှာတော့ အရောင်းအဝယ်အေးတဲ့အတွက် တစ်တင်းကို ၁၀၀၀ ကျပ်လောက်ဈေးကျဆင်းခဲ့ပြီး ၁၆၀၀၀ ကျပ်ပေါက်ဈေးရှိပါတယ်။

ပဲစင်းငုံနီ

ပဲစင်းငုံနီကလည်း မတ်ပဲနည်းတူ ပြည်ပက ဈေးနှိမ်ပြီး ဝယ်ယူတဲ့အတွက်ဈေးက ကျဆင်းသွားခဲ့ပါတယ်။ ဈေးကျဆင်းခဲ့ပေမယ့် လက်ရှိမှာ မတ်ပဲထက်ကို ဈေးကောင်းရနေတဲ့အခြေအနေလို့ပြောလို့ရပါတယ်။ ပဲစင်းငုံနီက မတ်ပဲ နဲ့ယှဉ်ရင် ပြည်ပဝယ်ယူမှုမှာ တန်ချိန်များတဲ့အတွက်ကြောင့် ပြည်တွင်း ဝယ်လှောင်သူတွေက ဈေးကောင်းပေးပြီး ဝယ်ယူနေတဲ့အတွက် ဈေးကဆက်ပြီး ကျဆင်းမသွားနိုင်ဘူးလို့လည်း ခန့်မှန်းထားပါတယ်။ ထို့ပြင် သြဂုတ်လ နောက်ဆုံးထားပြီး အချိန်မှီတင်ပို့ရမှာဖြစ်တဲ့အပြင် အလုံးအပြင် ခွဲခြမ်းပါ တင်ပို့ရမှာဖြစ်တဲ့အတွက် ဈေးကထပ်ပြီး တက်လာနိုင်တယ်လို့ကုန်သည်တွေက သုံးသပ်ထားပါတယ်။ ပြီးခဲ့တဲ့ အပတ်ကအထိ တစ်တန်ကို ၅ သိန်း၃ သောင်းကျော်အထိ ဈေးတက်ခဲ့ပေမယ့် ဒီတစ်ပတ်မှာတော့ တစ်တန်ကို ၅ သောင်း လောက်ဈေးကျဆင်းသွားခဲ့ပါတယ်။ ပဲစင်းငုံနီကတော့ ပြည်ပဝယ်ယူမှုမှာလည်း ဈေးကျဆင်းခဲ့ပြီး ပြည်တွင်း ဝယ်ယူမှုမှာလည်း ဈေးက အနည်းငယ်ဈေးကျဆင်းသွားခဲ့ပါတယ်။ မုံရွာကုန်စည်ဒိုင်မှာ တစ်တင်းကို ၁၃၀၀၀ ကျော်ရှိပြီး ၁၅၀၀ ကျပ်ဈေးကျဆင်း သွားခဲ့ပါတယ်။ ပခုက္ကူကုန်စည်ဒိုင်မှာတော့ တစ်တင်းကို ၁၅၀၀၀ ကျော်ရှိပြီး တစ်တင်းကို ၆၀၀ ကျပ်၊ပြည်ကုန် စည်ဒိုင်မှာတော့ တစ်တင်းကို ၁၄၀၀၀ နဲ့ ၂၀၀ ကျော်အသီးသီးဈေးကျဆင်းသွားပါတယ်။             

ပဲတီစိမ်း

ဒီတစ်ပတ်မှာတော့ ပဲတီစိမ်းက ဈေးတက်နေပေမယ့် အသစ်ဝင်လာတဲ့ပဲတွေက မိုးကြောင့် အရည်အသွေး ညံ့နေပြီး ဈေးကောင်းမရတဲ့ အနေအထားဖြစ်နေပါတယ်။ တရုတ်ဝယ်လက်ရှိတဲ့အတွက် ပုံမှန်အရောင်းအဝယ် ရှိနေပေမယ့် အရည်အသွေးကောင်းတာကိုသာ ဈေးကောင်းပေးဝယ်တာဖြစ်တဲ့အတွက် အနည်းငယ်တော့ ဈေးကတန့်သွားပါတယ်။ ပဲအသစ်တွေက ပြီးခဲ့တဲ့အပတ်အထိ တစ်တင်းကို ၄၀၀၀၀ ကျော်အထိ ရရှိခဲ့ပေမယ့် ဒီတစ်ပတ်မှာတော့ တစ်တင်းကို ၃၀၀၀၀ ကနေ ၃၅၀၀၀ အထိ ဈေးက ကျဆင်းသွားခဲ့ပါတယ်။ မုံရွာကုန်စည်ဒိုင်မှာ ပဲတီစိမ်းက တစ်တင်းကို ၃၃၀၀၀ ကျော်အထိ ပေါက်ဈေးရှိပြီး တစ်တင်းကို ၃၀၀၀ ကျော်ဈေးကျဆင်းသွားပါတယ်။ မြင်းခြံကုန်စည်ဒိုင်မှာတော့ တစ်တင်းကို ၃၄၀၀၀ ကျော်ရှိပြီး တစ်တင်းကို ၁၅၀၀ ကျပ်၊ဈေးကျဆင်းသွားပါတယ်။ နေပြည်တော်ကုန်စည်ဒိုင်မှာတော့ တစ်တင်းကို ၃၀၀၀ ကျော်ဈေးတက်လာပြီး ဒီတစ်ပတ်ပေါက်ဈေးက တစ်တင်းကို ၃၆၀၀၀ ကျော်ရှိပါတယ်။ ပဲတီစိမ်းဈေးက လက်ရှိပဲတွေထဲမှာ အမြင့်ဆုံးဈေးရရှိနေသေးတဲ့ ပဲဖြစ်နေပါတယ်။ ဒါပေမယ့် နှစ်ပတ်ဆက်တိုက်နယ်ကုန်စည်ဒိုင်တွေမှာ ဈေးအနည်းငယ်ကျဆင်းသွားခဲ့ပါတယ်။

ကြက်သွန်ဖြူ

ကြက်သွန်ဖြူ(ကြူကုတ်)ကတော့ လက်ရှိမှာ အသစ်တွေ ဝင်ရောက်လာတော့မှာ ဖြစ်ပေမယ့် အသစ်တွေကို မသွင်းသေးပဲ လက်ကျန်တွေကို အပြတ်ဖြတ်နေတဲ့အတွက် လက်ကျန်ကြက်သွန်တွေ ဈေးတက်နေပါတယ်။ ရန်ကုန်ဈေးကွက်မှာ တစ်ပိဿာကို ၁၄၅၀ နဲ့၁၀၀ ကျပ်ဈေးတက်လာပါတယ်။ နေပြည်တော်ကုန်စည်ဒိုင်မှာတော့ ၁၆၀၀ ရှိပြီး ၁၀၀ ကျပ်ဈေးတက်လာပါတယ်။ ကြူကုတ်ကလက်ရှိမှာ သုံးပတ်ဆက်တိုက်ဈေးတက်နေခဲ့ပါတယ်။

အာလူး

အာလူးကတော့ လက်ရှိတရုတ်နိုင်ငံက တင်သွင်းမှုတွေကို နယ်စပ်တွေမှာ တားဆီးနေတဲ့အတွက် ပြည်တွင်း အာလူးတွေ အရောင်းအဝယ်ဖြစ်ပြီး ဈေးတက်လာခဲ့ပါတယ်။ နယ်ကုန်စည်ဒိုင်အချို့မှာတာ့ ဈေးငြိမ်နေတာကို လည်း တွေ့ရပါတယ်။ ရန်ကုန်ကုန်စည်ဒိုင်မှာ အာလူး (ဟဲဟိုး)က တစ်ပိဿာကို ၅၀၀ ကနေ ၆၇၀ ပေါက်ဈေးရှိပြီး ၅၀ ကျော်ဈေးတက်လာပါတယ်။ နေပြည်တော်မှာတော့ တစ်ပိဿာကို ၆၀၀ ကနေ ၁၀၀၀၊ပြည်ကုန်စည်ဒိုင်မှာတော့ တစ်ပိဿာကို ၅၀၀ ကနေ ၇၀၀ ရှိပြီး ဈေးငြိမ်နေပါတယ်။

 

မဝတ်ရည်မွန်(AMIA)


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်