ရန်ကုန် ဝါးတန်းဈေးကွက် ဆန်ဈေးများတက်

ရန်ကုန်၊ ဝါးတန်းဈေးကွက်မှာတော့ ဆန်ချောအမျိုးအစားအတော်များများ ဈေးတွေ တက်လာတာ ဖြစ်ပါတယ်။

ဆန်ကြမ်းဈေးတွေကတော့ ထူးထူးခြားခြား ဈေးတက်တာမျိုး မရှိပါဘူး။ 

သိသိသာသာဈေးတက်တာက ရွှေဘိုပေါ်ဆန်း(သစ်) ဆန်ပါ။ ဟိုအရင်က တစ်အိတ်(၁.၅ တင်း) ကို ပုံမှန်အားဖြင့် ၅၄၀၀၀ - ၆၆၀၀၀ ကြား ရှိရာကနေ ဇူလိုင် ၂၁ ကစလို့ ၆၀၀၀၀-၇၀၀၀၀ ထိ ဈေးတက်သွားတဲ့ ရွှေဘိုပေါ်ဆန်း(သစ်)ဟာ ဒီနေ့မှာတော့ တစ်အိတ်ကို ကျပ် ၁၀၀၀၀ ခန့် ဈေးတက်လာပြီး ၇၀၀၀၀-၇၆၀၀၀ ဈေးရှိနေတာ ဖြစ်ပါတယ်။

ဖျာပုံပေါ်ဆန်းမွှေးနဲ့ ဒေးဒရဲပေါ်ဆန်းမွှေးတွေလည်း တစ်အိတ်ကို ကျပ် ၄၀၀၀ ကနေ ၅၀၀၀ ခန့်ထိ ဈေးတွေတက်လာပါတယ်။

မြောင်းမြပုသိမ်ပေါ်ဆန်းမွှေး၊ ပေါ်ဆန်းနယ်စုံသစ်၊ ကျားပျံရှယ်(သစ်)၊ ဖျာပုံတောင်ပျံ(သစ်)၊ ပေါ်ဆန်းရှယ်(သ) တို့လည်း တစ်အိတ်ကို ၂၀၀၀ ကနေ ၅၀၀၀ ကြား ဈေးတွေအသီးသီးတက်လာပါတယ်။

ဇူလိုင် ၂၆ ရက် ရန်ကုန်ဝါးတန်းဈေးကွက်ဆန်ဈေးနှုန်း(၁.၅ တင်း) တွေကတော့ အောက်ပါအတိုင်းဖြစ်ပါတယ်။

ဆန် (ဖျာပုံပေါ်ဆန်းမွှေး)(သ)         - ၅၃၀၀၀ မှ ၅၅၀၀၀ ကျပ်

ဆန်(ဒေးဒရဲပေါ်ဆန်းမွှေး) (သ)         - ၅၂၀၀၀ မှ ၅၅၀၀၀ ကျပ်

ဆန်(မြောင်းမြ၊ပုသိမ်ပေါ်ဆန်းမွှေး)(သ)  - ၅၃၀၀၀ မှ ၅၅၀၀၀ ကျပ်

ဆန်(ပေါ်ဆန်းနယ်စုံသစ်) (သ)        - ၅၀၀၀၀ မှ ၅၂၀၀၀ ကျပ်

ဆန်(ဧည့်မထ)(သ)                      - ၃၁၀၀၀ မှ ၃၂၀၀၀ ကျပ်

ဆန်(ငစိန်)(သစ်)                     - ၃၃၀၀၀ မှ ၃၅၀၀၀ ကျပ်

ဆန်(မြီးဒုံး)(သစ်)                      - ၄၀၀၀၀ မှ ၄၂၀၀၀ ကျပ်

ဆန်(ရွှေဘိုပေါ်ဆန်း) (သစ်)        - ၇၀၀၀၀ မှ ၇၆၀၀၀ ကျပ်

ဆန်(ဧည့်မထ ၂၅%)(သစ်)        - ၃၀၅၀၀ မှ ၃၁၀၀၀ ကျပ်

ဆန်(ရက် ၉၀ သစ်ရှယ်)         - ၃၄၅၀၀ မှ ၃၆၅၀၀ ကျပ်

ဆန်(သီးထပ်)(သ)                  - ၃၁၂၀၀ မှ ၃၃၀၀၀ ကျပ်

ကြားပျံရှယ်(သစ်)                  - ၅၅၀၀၀ မှ ၆၀၀၀၀ ကျပ်

ပေါ်ဆန်းရှယ်(သ)                  - ၅၀၀၀၀ မှ ၅၃၀၀၀ ကျပ်

တောင်ပျံ(ဖျာပုံ)(သစ်)                  - ၅၅၀၀၀ မှ ၅၈၀၀၀ ကျပ်

ပေါ်ကျွဲ(ဖျာပုံ)(သစ်)                  - ၄၁၀၀၀ မှ ၄၄၀၀၀ ကျပ်

တောင်ပျံ(မော်ကျွန်း)(သစ်)         - ၅၁၀၀၀ မှ ၅၃၀၀၀ ကျပ်

ပေါ်ကျွဲ(မော်ကျွန်း)(သ)         - ၄၀၀၀၀ မှ ၄၂၀၀၀ ကျပ်

ကြက်သွန်နီဈေးတွေလည်း ထပ်တက်လာပြီး အမျိုးအစားအလိုက် တစ်ပိဿာကို ၁၃၅၀ ကနေ ၁၉၅၀ ကျပ်ထိ ပေါက်ဈေးအသီးသီးရှိနေတာဖြစ်ပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါတယ်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်