ရေတာရှည်မြို့နယ်တွင် ပြောင်းစိုက်ပျိုးမှု ပိုမိုများပြားလာ

Photo -

 

စပါးကို အဓိကအားထားစိုက်ပျိုးလျက်ရှိသော တောင်သူများအနေဖြင့် သီးနှံတစ်ခုတည်းအပေါ်မှီခိုစိုက်ပျိုးခြင်းထက် အာမခံမှုရှိသော အခြားသော သီးနှံတစ်မျိုးဖြစ်သည့် ထိုင်းနိုင်ငံမှ မျိုးစေ့တင်သွင်း၍ ပြောင်းစိုက်ပျိုးမှုများ ယခင်ကထက် ပိုမိုများပြားလျက်ရှိကြောင်းသိရသည်။

 

ခုဆိုရင် ပြောင်းစိုက်ပျိုးတဲ့ တောင်သူတွေ ပိုများလာတယ်။ များလာရတဲ့ အကြောင်းရင်းက စျေးကွက်ခိုင်မာမှုရှိတယ်လို့ ပြောရင်ရတယ်။ ထိုင်းနိုင်ငံက မျိုးတင်သွင်းတယ်။ ကုမ္ပဏီက ရေတွင်းတွေ အခမဲ့တူးပေးတယ်။ နည်းပညာတွေ ပံ့ပိုးပေးတယ်။ ထွက်လာသမျှ ပြောင်းကိုလည်း ကာလပေါက်စျေးနဲ့ ပြန်လည်ဝယ်ယူတာဖြစ်တဲ့အတွက် တောင်သူတွေလည်း အဆင်ပြေကြတာ တွေ့ရတယ်" ဟု ဧပြီ ၃၀ ရက် နံနက်ပိုင်းက ကျင်းပသည့် ရေတာရှည် မြို့နယ်အင်ကျင်းကုန်းကျေးရွာ တောင်သူဦးမြဝင်း၏ ပြောင်းစံပြကွက်ရိတ်သိမ်းပွဲတွင် မြို့နယ်စိုက်ပျိုးရေးဦးစီးဌာ မြို့နယ်ဦးစီးမှု ဦဂဝင်းမြင့်က ပြောကြားသည်။

 

မြို့နယ်စိုက်ပျိုးရေး ဦးစီးဌာန နှင့်ထိုင်းနိုင်ငံ အခြေစိုက် စီစီပီဓာတ်မြေသြဇာ ကုမ္ပဏီ ကူဘိုတာ လယ်ယာသုံး စက်ပစ္စည်း ကုမ္ပဏီတို့ ပူးပေါင်းဆောင်ရွက်ခဲ့ခြင်းဖြစ်ပြီး ကုန်းကြီးကျေးရွာအုပ်စုအတွင်းရှိ ကျေးရွာငါးရွာမှ ဒေသခံပြည်သူ ၁၅၀ ကျော်လာရောက်လေ့လာခဲ့သည်။

 

စီစီပီကုမ္ပဏီက စျေးကွက်ပေါက်စျေးနဲ့ ဝယ်ယူတော့ တောင်သူတွေ အဆင်ပြေတာပေါ့။ ရှေ့နှစ်ရာသီပြောင်းစိုက်ပျိုးသူတွေ ပိုများလာလိမ့်မယ်လို့ထင်တယ်" ဟု အင်းကျင်းကုန်းကျေးရွာမှ ဒေသခံတောင်သူတစ်ဦးက သုံးသပ်ပြောကြားသည်။

 

 

ကိုလွင် (ဆွာ)

 

 

ကြေးမုံသတင်းစားမှ ကူးယူဖော်ပြပါသည်။

 



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"ဖွဲထောင်းလို့ ဆန်ကောင်းမရ"