ရွှံ့ကဏန်း(Mud Crab)များကို စီးပွားဖြစ်မွေးမြူနည်း အပိုင်း-၂

(ဃ) ဒီရေတောနေရာများတွင် ခြံဖြင့်စီးပွားဖြစ် မွေးမြူခြင်း

• ရွှံ့ကဏန်းများကို ဒီရေတောများအနီးတွင် ခြံဖြင့်မွေးမြူပါက ခြံများအား ဒေသတွင်း ပေါက်သည့် ဝါးခြမ်းများ(သို့မဟု တ်) ကွမ်းသီးပင်တိုင်များ(သို့မဟုတ်) ကြိမ်များဖြင့် ပြုလုပ်နိုင်ပါသည်။

• ထိုကဲ့သို့ပြုလုပ်ခြင်းသည် ကဏန်းများအား ထိန်းသိမ်းနိုင်ရန်နှင့် ပြင်ပမှသားရဲတိရစ္ဆာန်များရန်မှ ကင်းဝေးရန်အတွက် မြေကြီးထဲသို့ ၁ - ၁.၅ မီတာဝင်နေရန် လိုအပ်ပါသည်။

• စီမံခန့်ခွဲရမည့်နေရာအကျယ်အဝန်းသည် ၁၀၀-၁၅၀ sq.m ရှိရမည်ဖြစ်သည်။

• ခြံအတွင်းတွင် အကျယ် ၀.၃-၀.၉ မီတာနှင့် ၀.၃ မီတာရှိသည့် ကျင်းအား တူးဖော်ရန် လိုအပ်သည်။

• ခြံအလယ်တွင် စိုက်ပျိုးထားသည့် ဒီရေတောပင်များသည် ကဏန်းများအတွက် အရိပ်ရစေပါ သည်။

• ခြံအတွင်း၌ အလေးချိန် ၁၀၀ ဂရမ်ရှိသည့် ကဏန်းကောင် ရေ စုစုပေါင်းအရေအတွက် ၁၀၀၀ မှ ၁၅၀၀ အထိ မွေးမြူနိုင်ပါသည်။

• ကဏန်းများအား တစ်နေ့လျှင် ၁ကြိမ်၊ ဒီရေတက်သည့်အချိန်တွင် တန်ဖိုးနည်းငါးများ၊ ယောက်သွားများ၊ ဂုံးကောင်များ၊ ခရုများ အစရှိသည်တို့ကို ကျွေးမွေးနိုင်ပါသည်။

• ကဏန်းများအား ၄လမှ ၇လ ကြာပြီးနောက် ဖမ်းဆီးရ မည်ဖြစ်သည်။

• ကဏန်းများအား ၄င်းတို့၏အလေးချိန် ၄၀၀ ဂရမ်(သို့မဟုတ်)ကျော်လွန်လာပါက ရွေးချယ်၍ ဖမ်းဆီးရမည်ဖြစ်သည်။

• ၄င်းစနစ်သည် သဘာဝပတ်ဝန်းကျင်နဲ့ ကိုက်ညီမှုရှိသည့်တိုင် ရှင်သန်မွေးမြူနိုင်သည့်နှုန်းသည် ၄၇-၅၀% သာရှိနိုင်သည်။

• ဆုံးရှုံးမှုများဖြစ်ပေါ်ရခြင်းမှာ အချင်းချင်းစားသောက်ခြင်း (Cannibalism)နှင့် လွတ်မြောက် ထွက်ပြေးသွားခြင်းကြောင့် ဖြစ်သည်။ ထိုကဲ့သို့ ဖြစ်ပေါ်ခြင်းမှ ကင်းဝေးရန်အတွက် အနည်းငယ် မွေးမြူခြင်းသည်သာ ဖြေရှင်းသည့်နည်းလမ်းတစ်ခု ဖြစ်နိုင် သည်။

(င)လှောင်အိမ်ဖြင့် မွေးမြူခြင်း (Suspended (သို့မဟုတ်) Fixed type)

၁။ လှောင်အိမ်တည်ဆောက်ပုံ

• ကဏန်းများ အသားတိုးလာစေရန်အတွက် cell ပုံစံရှိ သည့် ကြိမ်ဖြင့်ပြုလုပ်ထားသည့် လှောင်အိမ် အရွယ်အစား အလျားxအနံxအမြင့်(1m x1m x 20 cm )ဖြင့်ပြုလုပ်၍ ညီမျှ သည့်အကန့် ၉ခု ခွဲဝေ မွေးမြူနိုင်ပါသည်။

• ၄င်းတို့တွင် အဖုံးတစ်ခုစီထားရှိခြင်းဖြင့် ကဏန်းများမထွက်ပြေးနိုင်ရန် ထားရှိရမည်ဖြစ်သည်။

• ရေများလှောင်အိမ်ထဲသို့ လွယ်ကူစွာဝင်ရောက်နိုင်ရန်အထက်ပိုင်းရှိ ကြိမ်များ၏ကြားတွင် 5 mm ရှိသည့် အပေါက် များထားရှိရမည်ဖြစ်ကာ လှောင်အိမ်များဘေးတွင် 2.5 cm ရှိသည့် အပေါက် များ ထားရှိရမည်ဖြစ်သည်။

• လှောင်အိမ်၏အောက်ဘက်တွင်မူ ကဏန်းများလွယ်ကူစွာ ရွေ့လျားနိုင်စေရန်အတွက် အပေါက်များထားရှိရန် မလိုအပ် ပါ။

၂။ထည့်သွင်းမွေးမြူခြင်းနှင့် လှောင်အိမ်များအတွင်း အစာကျွေးခြင်း

• ကဏန်းတစ်ကောင်စီအား လှောင်အိမ်အတွင်းရှိ အကန့်တစ် ခုစီမှာ ထားရှိရမည်ဖြစ်သည်။

• ထိုသို့ပြုလုပ်ခြင်းဖြင့် square meter အကျယ်အဝန်း e.g.9 crabs/m² ရှိသည့်နေရာတွင် ကဏန်းအကောင်အရေအတွက် များစွာ ဝဖြိုးလာနိုင်မည်ဖြစ်သည်။

• နေရာဒေသပေါ်မူတည်၍ အစာကျွေးသည့်အခါတွင် တန်ဖိုးနည်းငါးများ၊ ယောက်သွား၊ ဂုံးကောင်များနှင့် အခြားအစာများအား ကျွေးမွေးနိုင်ပါသည်။

၃။ လှောင်အိမ်များအား နေရာချထားခြင်း

• ၄င်းလှောင်အိမ်များကို ဖောင်များပေါ်မှတဆင့် မျော၍ ပင်လယ်အော်များ၊ မြစ်ချောင်းများရှိ ရေသေနေသော အပိုင်းများ(သို့) ဒီရေတောအပင်များပေါက်ရောက်သည့် နေရာများမှာ ထားရှိ နိုင်ပါသည်။

• ၄င်းလှောင်အိမ်များကို ရေသေချောင်းများ(သို့)ပင်လယ်ကမ်းရိုးတန်းများ(သို့)ဒီရေတောပင်များ ပေါက်သည့်နေရာများ တွင် ထားရှိနိုင်ပါသည်။

• ၄င်းလှောင်အိမ်များအား အထဲတွင် အခန်းငယ်များထားရှိ ခြင်းမပြုဘဲ မွေးမြူရမည်ဖြစ်သည်။

• ထိုသို့လုပ်ဆောင်ခြင်းကြောင့် အချင်းချင်းစားသောက်ခြင်း (Cannibalism)မှ ကင်းဝေးကာ ရှင်သန်မှုနှုန်း ကောင်းစေမည် ဖြစ်သည်။

၄။ လှောင်အိမ်များအား ထိန်းသိမ်းမှု လုပ်ဆောင်ခြင်း

• လှောင်အိမ်များအတွင်း ရေများအလွယ်တကူစီးဆင်းနိုင် စေရန်အတွက် brush(ဘရပ်ရှ်) များဖြင့် အကြိမ်များစွာတိုက် ၍ သန့်စင်ပေးပါ။

• သံများအား လှောင်အိမ်များအတွင်း အသုံးပြုမည်ဆိုပါက ပင်လယ်ရေမှာကြာရှည်အသုံးခံနိုင်သည့် anodized MS/ copper/ SS သံများကို အသုံးပြုပါ။

• လှောင်အိမ်များအတွင်း ပျက်စီးမှုဖြစ်ပေါ်ပါက ချက်ချင်းပြုပြင်ပါ။

• မပြင်းထန်သည့် ရေစီးကြောင်းရှိသည့်အချိန်တွင် လှောင်အိမ်များအား ရေထဲသို့ထားရှိပါ။

• ရေမှော်ပင်များအား ကဏန်းများပေါ်တွင် တွေ့ရှိပါက ၄င်းတို့အား brush(ဘရပ်ရှ်)များဖြင့် သန့်စင်ပေးပါ။

မှီငြမ်း-ငါးလုပ်ငန်းဦးစီးဌာနတွင် သင်တန်းတက်ခဲ့စဥ်က လေ့လာသင်ယူခဲ့သော အချက်အလက်များ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...