တောင်သူလယ်သမားကြီးများအတွက်နှိုးဆော်ချက် (ဇန်နဝါရီလ)

ဆောင်းသီးနှံစိုက်ပျိုးသူများနှင့် နွေစပါးစိုက်တောင်သူများအတွက် ဆောင်ရွက်သင့်သည်များ နှင့် လယ်ယာထွက်ကုန် အရည်အသွေးမြင့်မားရေးဆိုင်ရာများကို ယခုလအတွက်နှိုးဆော်လိုပါသည်။

ဆောင်းရာသီစိုက်ပျိုးသီးနှံများ

မြေကောင်း၊ အစိုဓာတ်ကောင်းလို့ စိုက်ပျိုးထားသော ဆောင်းသီးနှံတွေ အောင်မြင်ဖြစ်ထွန်းတာ ကြည့်ပြီး အားရနေလို့ မဖြစ်ပါ။ ဆက်လက်သီးပွင့်ရင့်မှည့်စေဖို့လိုအပ်သည်များကို လုပ်ပေးရဦး မည်။ ပြည်တွင်းပြည်ပက မြေသြဇာအာဟာရ အရည်တွေဝယ်ယူသုံးစွဲပြီး မကောင်းလျင်ကောင်းအောင် လုပ်နေကြတာတွေ့မြင်နေရပါသည်။

မြေသြဇာအာဟာရအရည်တွေလိုပဲ ပိုးမွှားရောဂါကာကွယ်နှိမ်နင်းရေး စိုက်ပျိုးရေးဆေးဝါးတွေ အလွယ်တကူ ဝယ်ယူသုံးစွဲ နိုင်သည်။ တစ်ခုတော့ပြောလိုပါသည်။ ကြိုတင်ကာကွယ်ရန်ဖြစ်သည်။ ဆောင်းသီးနှံအမျိုးအစားအပေါ်မူတည်ပြီး ကျရောက်လေ့ရှိသည့်ပိုးမွှားရောဂါ၊ ကျရောက်လေ့ရှိသည့် အချိန်တို့ကိုသိဖို့လိုသည်။ သိရုံဖြင့်မပြီးသေး ကြိုတင်ကာကွယ်ဖို့၊ ကျရောက်လျင်ကျရောက်ချင်း ထိထိရောက်ရောက်နှိမ်နင်းဖို့လိုပါသည်။

သီးနှံအလိုက်အပင်ဖြစ်ထွန်းစဉ် ကျရောက်တတ်သောပိုးမွှားရောဂါများကို ကင်းထောက် စစ်ဆေးသင့်ပါသည်။ လိုအပ်ပါက ကျရောက်သည့်ပိုးမွှားရောဂါအမျိုးအစားနှင့် ကာကွယ်နှိမ်နင်းနည်း စနစ်မှန်တို့ကိုသိဖို့၊ နီးစပ်ရာ စိုက်ပျိုးရေးပညာပေးရေး ဝန်ထမ်းများထံ မေးမြန်းဆွေးနွေး နည်းပညာ ရယူရန် ဖြစ်ပါသည်။

နွေစပါးသီးနှံ

မြန်မာနိုင်ငံအောက်ပိုင်းနှင့် အထက်ပိုင်း နွေစပါးစိုက်ပျိုးကြတာ မတူပါ။ မြန်မာနိုင်ငံအထက်ပိုင်းဒေသ တွေမှာ အချို့က မိုးစပါးကိုတောင် ရိတ်သိမ်းဆဲဖြစ်သည်။ အချို့က ဆောင်းသီးနှံစိုက်ထားသည်။ နွေစပါး အတွက် အလှည့်မပေးနိုင်သေးသလို ရာသီဥတုကလည်း အေးလွန်းနေသေးသည်။

မြန်မာနိုင်ငံအောက်ပိုင်းဒေသများအတွက်တော့ နွေစပါးစိုက်ပျိုးရန်ုအသင့်တော်ဆုံးအချိန်ဟု ပြောလိုပါ သည်။ ဒီဇင်ဘာလအတွင်း စတင်စိုက်ပျိုးသူများ စိုက်သည်။ မစိုက်ရသေးသူများ အချိန်မနောက်ကျမီ အမြန် စိုက်သင့်ပါသည်။ ပြောလိုသည်များကို ဒီဇင်ဘာလတွင် ပြောခဲ့ပြီးဖြစ်သည်။ အဓိကမှာ မျိုးကောင်းမျိုးသန့်ကို အသုံးပြု ရေး၊ စိုက်ပျိုးရေကိုချွေတာရေး၊ စိုက်ပျိုးကုန်ကျစရိတ်သက်သာရေးနှင့် ပေါင်းမြက်ကာကွယ်နှိမ်နင်းရေးတို့ ဖြစ်ပါသည်။

လယ်ယာထွက်ကုန်များအရည်အသွေးမြင့်မားရေး

စိုက်ပျိုးထွက်ရှိသော သီးနှံထွက်ကုန်များ အရည်အသွေးအဆင့်အတန်းမြင့်မားဖို့လိုသည်။ ပြည်တွင်းရောင်းချရန်ပဲဖြစ်ဖြစ်၊ ပြည်ပတင်ပို့ရန်ပဲဖြစ်ဖြစ် ဈေးကွက်ဝယ်လိုအားကို ဆွဲဆောင်မှုရှိဖို့လို ပါသည်။

ပြည်တွင်းရောင်းမည့် စားနပ်ရိက္ခာထွက်ကုန်ဖြစ်ပါက စားသုံးသူများကြိုက်နှစ်သက်ဖို့လိုသည်။ အရည်အသွေးပေါ်မူတည်ပြီး ဈေးနှုန်းအနည်းအများရှိတတ်သည်။ ပြည်ပတင်ပို့မည့် လယ်ယာ ထွက်ကုန်သည် ကမ္ဘာ့ဈေးကွက်ကြိုက် အရည်အသွေးရှိဖို့ လိုသည်။ သို့မှသာတင်ပို့နိုင်ပါမည်။

ရောင်းဝယ်ဖေါက်ကားမှုတွင် စိုက်ပျိုးထုတ်လုပ်သူအဆင့်မှ စားသုံးသူအဆင့်အထိ စိတ်ဝင်စား မှုအမျိုးမျိုးရှိပါသည်။ ဖေါ်ပြရလျင်(၁)စိုက်ပျိုးထုတ်လုပ်သူသည် သီးနှံဈေးနှုန်းအမြင့်ဆုံးကိုရရှိလိုသည်။ ဈေးနှုန်းမြင့်မားပါက အကန့်အသတ် မရှိထုတ်လုပ်လိုသည်။ (၂)လယ်ယာထွက်ကုန်များကို အခြေခံ သော စက်မှုလက်မှုလုပ်ငန်းရှင်များကမူ ဈေးနှုန်းနည်းနည်းဖြင့် ဝယ်ယူလိုသည်။ အရည်အသွေး ကောင်းကောင်းကိုလည်းရယူလိုသည်။ (၃)ကုန်သည်နှင့် လက်လီရောင်းဝယ်ဖောက်ကား သူများက လည်း ဈေးနှုန်းနည်းနည်းဖြင့် အရည်အသွေးကောင်းကို ရယူလိုကြသည်။ (၄)စားသုံးသူများကလည်း ထို့အတူပင်။ ဈေးနှုန်းနည်းနည်းဖြင့် အရည်အသွေးကောင်းကောင်းစားသုံးလိုကြပါသည်။

စိုက်ပျိုးထုတ်လုပ်သူလယ်သမားများအနေဖြင့် အရည်အသွေးကောင်းသီးနှံထွက်ကုန်များကို စိုက်ပျိုးထုတ်လုပ်နိုင်မှသာ ဈေးကွက်တွင်ယှဉ်ပြိုင်ရောင်းချနိုင်ပြီး ဈေးကောင်းရရှိနိုင်မည့် အခြေအနေ ဖြစ်ရာ မိမိစိုက်ပျိုးသည့်သီးနှံအလိုက် ထွက်ကုန်အရည်အသွေးမြင့်မားရေးကိုလည်း ဦးတည် ဆောင်ရွက်သင့်ပါကြောင်း အသိပေးနှိုးဆော်အပ်ပါသည်။

ဆင်းသီဟ

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်