စပါးပင်တွင်ဖော့စပရပ် ချို့တဲ့လက္ခဏာနှင့် ပြုပြင်ကုစားနည်းများ

ဖော့စပရပ်ဓာတ်ချို့တဲ့မှုကို စပါးစိုက်ပျိုးသည့်ဒေသတိုင်းတွင် ကျယ်ပြန့်စွာတွေ့ရသည်။ အထူးသဖြင့် အချဥ်ပေါက်သော ယာစပါးခင်းများတွင် မြေဆီလွှာတွင်းမှ P ဓာတ်ကိုထိမ်းချုပ်မှုများသဖြင့် အပင်ကြီးထွားမှုကို အထူးထိခိုက်စေသည်။ P ဓာတ်ချို့တဲ့မှုကြောင့် အပင်ပွားမှု၊ အမြစ်ဖွံ့ဖြိုးမှု၊ အနှံထွက်နောက်ကျခြင်း၊ ရင့်မှည့်မှုနောက်ကျခြင်းများဖြစ်စေသည်။

လက္ခဏာ

အပင်မကြီးထွားဘဲ ပင်ပွားလည်းနည်းသည်။ အရွက်များ အစိမ်းရင့်ရောင်ဖြစ်ပြီး ကျဥ်း၊ တို ၊ ထောင်မတ်သည်။ ရွက်နုများကျန်းမာသော်လည်း ရွက်ဟောင်းများ အညိုရောင်ပြောင်းသွားသည်။ စပါးမျိုးကိုလိုက်၍ အနီရောင် (သို့မဟုတ်) ပန်းရောင် အဖြစ်ပြောင်းကာ အရွက်ပေါ်၌ amthocyanin pigment များထုတ်ပေးသည်။ Amthocyanin ဆိုသည်မှာ အနီ၊ ခရမ်း နှင့် အပြာရောင်များပါဝင်သည့် ရေတွင်ပျော်ဝင်သော ဘုံမြင့်ပင်များ၏ ဆဲလ်၌ပါဝင်သည့် အင်းဆက် နှင့် ငှက်များကို ဆွဲဆောင်ပေးသည့်ဓာတ်တစ်မျိုးဖြစ်သည်။

ပြုပြင်ရန်နည်းလမ်း

အရည်အသွေးကောင်း၊ အထွက်ကောင်းမျိုးစေ့ကိုသုံးပါ။
အချဥ်ဓါတ်များသော ယာစပါးစိုက်ခင်းများတွင် P ကို စုပ်ယူမှု အားကောင်းသော စပါးမျိုးကို ရွေးချယ် စိုက်ပျိုးပါ။
စပါးပြီး စပါးစိုက်ပျိုးသော ဒေသများတွင် ရိတ်သိမ်းပြီး ၂ ပတ်အတွင်း အခြောက်ထယ်ရေး တိမ်တိမ် (၁၀ စင်တီမီတာခန့်) ထိုးထားပါ။ မြေချဥ်ပေါက်ပြီး ၊ အာဟာရနည်းသော မိုးကောင်းသောက်လယ် နှင့် တောင်ယာစပါးခင်းများတွင် မဂ္ဂနီစီယမ်၊ ပိုတက်စီယမ်နှင့် အခြား အနည်းလို အာဟာရ များကိုပါ ၊ P ဓာတ်မဖြည့်တင်းမီ ဦးစွာထည့်ထားရမည်။
ကောက်ရိုး နှင့် ရိုးပြတ်များကို ထယ်ထိုးမြေမြှုပ်ပေးခြင်းဖြင့် ရေရှည်တွင် P ပါဝင်မှုကို မျှတစေသည်။
N နှင့် K မြေသြဇာများ နှင့် အနည်းလိုအာဟာရများကို သင့်တော်သည့်နှုန်းထားအတိုင်းကျွေးပေးပါ။
သစ်ဆွေးမြေသြဇာ နှင့် မြေဆွေး များကိုပါ P ဓာတ်မြေသြဇာနှင့်အတူ ထည့်သွင်း၍ ရိတ်သိမ်းသီးနှံ နှင့်အတူဆုံးရှုံးသွားသော P ဓာတ်ကိုပြန်လည်ဖြည့်တင်းပေးပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။