သိုလှောင်သီးနှံဖျက်ပိုးဒဏ်မှကင်းဝေးရန် သိုလှောင်ရုံပြင်ဆင်ခြင်း

သိုလှောင်ရုံတစ်ခုတွင် ရှိသင့်ရှိထိုက်သော အင်္ဂါရပ်များနှင့်အညီ ဆောက်လုပ်ပြီးသော သိုလှောင်ရုံတစ်ခုအတွင်း သီးနှံများထားသိုရာတွင်လည်း စနစ်တကိရှိရန် လိုအပ်ပါသည်။ သိုလှောင်ရုံတစ်ခုသည် မည်မျှပင် ခေတ်မီစွာ တည်ဆောက်ထားသော်လည်း သိုလှောင်မှုစနစ်မမှန်ပါက အပျက်အဆီးများနိုင်ပါသည်။

(က) သီးနှံပြင်ဆင်ခြင်း

၁) သီးနှံအစေ့အဆန်များကိုအမျိုးအစားအလိုက်သတ်မှတ်ချက်အတိုင်းကောင်းမွန်မွာခြောက်သွေ့စေရ မည်။

၂) ဖုံ၊ ခဲ၊ သဲ၊ ပေါင်းစေ့များကင်းစင်ပေးရမည်။

၃) ပိုးထိုးပိုးကိုက် အကျိုးအပဲ့များ ကင်းစင်စေရမည်။

၄) အရွယ်အစား၊ အရောင်အဆင်း၊ အဆင့်အတန်းခွဲခြားရမည်။

၅) အစေ့အဆန်များကို နေလှန်းပြီးအေးသွားမှသာ အိတ်သွတ်ရမည်။

၆) အိတ်သွတ်ရာတွင် အလေးချိန်သတ်မှတ်ချက်ရှိရမည်။

၇) ဆေးစီရင်မှုပြုလုပ်မည်ဆိုပါက အိတ်မသွတ်မီပြုလုပ်ရမည်။

၈) သီးနှံကာကွယ်ရေးဌာနခွဲ၊ စိုက်ပျိုးရေးဦးစီးဌာနမှ ထောက်ခံထားသော ဆေးမှတစ်ပါး မည်သည့် ဆေးမှမသုံးရ။

(ခ) သိုလှောင်ရုံပြင်ဆင်ခြင်း

၁) သိုလှောင်ရုံအတွင်းအပြင် သန့်ရှင်းရေးကို အထူးဂရုပြုဆောင်ရွက်ရမည်။

၂) အမှိုက်သရိုက် ဖုံများသာမက ပင့်ကူအိမ်များပါ သန့်ရှင်းရမည်။

၃) တစ်ကြိမ်သိုလှောင်ပြီးတိုင်း အထူးသန့်ရှင်းရေး ပြုလုပ်ရမည်။

၄) အောက်ခံသစ်သားခုံများကိုလည်း သန့်ရှင်းရေးပြုလုပ်၍ နေလှန်းရမည်။

၅) ကြမ်းခင်းနံရံများတွင် အကွဲအအက်များရှိပါက ဖာထေးရမည်။

၆) အမိုး လုံ၊ မလုံစစ်ဆေး၍ ပြုပြင်ဖာထေးပေးရမည်။

၇) သန့်ရှင်းရေးလုပ်ရာတွင် လိုအပ်ပါက ပိုးသတ်ဆေးဖျန်းပေးရမည်။

သီးနှံသိုလှောင်ခြင်း

၁) သိုလှောင်ရုံကြမ်းပြင်တွင် ရေးဆွဲထားသော မျဉ်းဝါအတွင်း၌သာ သီးနှံများပုံရမည်။

၂) သီးနှံအပုံများအောက်တွင် ခုခံရန်သစ်သားခုံ (၅ ပေ x ၂ ပေ x ၄လက်မ) များလုံလောက်စွာ ပြုလုပ်ထားရှိရမည်။

၃) သစ်သားခုံများပေါ်တွင် သီးနှံအိတ်များကိုစီထပ်ရာတွင် အိတ်အစွန်းထွက်ခြင်း၊ ခုံအစွန်းထွက်ခြင်း များ မဖြစ်စေရ။

၄) ပိုသောသစ်သားခုံများကို သိုလှောင်ရုံအတွင်း၌ထားမည်ဆိုပါက ရေးဆွဲထားသောမျဉ်းအတွင်း၌သာ စုပုံထားရမည်။

၅) သီးနှံအစေ့အဆန်ထည့် ဂုန်နီအိတ်အထုပ်များကိုလည်း သစ်သားခုံများခံ၍ မျဉ်းအတွင်း၌သာ စုပုံရမည်။

၆) အစေ့အဆန်အိတ်များကို အိတ်အရည်အတွက် အပုံအရွယ်အစား အလေးချိန်သတ်မှတ်၍ အပုံပြု လုပ်ရမည်။

၇) အပုံ၏ အမြင့်သည် အနံထက်မပိုစေရ။

၈) အပုံမျက်နှာပြင်သည် အပေါ်လေဝင်ပေါက်၏ အောက်ဘောင်နှင့်တစ်တန်းတည်း သို့မဟုတ် ထုတ် နှင့် (၃ ပေ) ကွာထားသင့်သည်။

၉) အပုံတစ်ပုံနှင့်တစ်ပုံအကြား (၂ ၁/၂ - ၃) ပေ ကွာထားသင့်သည်။ အဓိကဝင်လမ်းကိုမူ အနည်းဆုံး (၅) ပေ ရှိသင့်သည်။

၁၀) အပုံများပုံပြီးသောအခါ ယိုဖိတ်နေသော အစေ့များကို ရှင်းလင်းပစ်ရမည်။

၁၁) အပုံများတွင် နံပါတ်ပြားများ တပ်ဆင်ပြီးအပုံ၏ မှတ်တမ်းများကို ရေးဆွဲချိတ်ဆွဲထားရမည်။

၁၂) သီးနှံအစေ့အဆန်များ ဇကာချခြင်း၊ အိတ်သွတ်ခြင်းကို ဂိုဒေါင်အတွင်းမပြုလုပ်သင့်ပါ။

၁၃) သိုလှောင်ရုံအတွင်း ပစ္စည်းပေါင်းစုံသိုလှောင်ခြင်း မပြုလုပ်သင့်ပါ။ အစေ့အဆန်၊ ဓာတ်မြေသြဇာ၊ ပိုးသတ်ဆေး၊ ထွန်ထယ်ကိရိယာစသည်များ ရောနှောမထားသိုသင့်ပါ။

၁၄) ပျက်စီးနေသော အစေ့အဆန်များကို သိုလှောင်ရုံမှ ချက်ခြင်းဖယ်ရှားရမည်။

Source - စိုက်ပျိုးရေးဦးစီးဌာန (သီးနှံကာကွယ်ရေးဌာနခွဲ)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...