အထွက်နှုန်းမကျဆင်းစေရန် စပါးစိုက်ခင်းတွင် ကြိုတင်ကာကွယ်ရမည့်အချက်များ

စာရေးသူ၏ ကွင်းဆင်းလေ့လာမှုများ၊ တောင်သူများလာရောက် မေးမြန်းချက်များအရ အခုနောက်ပိုင်းတွင် ၈၀ ရာခိုင်နှုန်းသော် စပါးစိုက်ခင်းများတွင်

• ၁ - Zinc သွပ် ဓာတ် ချို့တဲ့လာပါလိမ့်မည်။
• ၂ - နီတို(သံဆိပ်သင့်) ခြင်းများနှင့်
• ၃ - ဆာလဖိုက် အဆိပ်သင့်ခြင်းများ ဖြစ်ပေါ်လာပါလိမ့်မည်။

ထို့ကြောင့် အစိမ်းရောင်လမ်းမိတ်ဆွေများ ကြိုတင်ပြင်ဆင်မှုများ ပြုလုပ်နိုင်ရန်အတွက် ဖော်ပြပေးလိုက်ရပါသည်။

အနယ်နယ်အရပ်ရပ်က စပါးစိုက် တောင်သူပေါင်း - ၂၀၀ ကျော်၊ ကွင်းဝန်ထမ်း - ၅၀ ကျော်၊ ဆိုင်ဝန်ထမ်း - ၂၀ ကျော်နှင့် ဆိုင်သမား - ၃၀ ကျော်၏ စကားသံများနှင့် မိမိ၏ကွင်းဆင်းသုံးသပ်ချက်များအရ စပါးအထွက် တစ်ဧက ၁ တင်း မှ တင်း ၂၀ ကျော် အထိကျဆင်းနိုင်ပါသည်။ အကြောင်းအရင်းမှာ မြေ၊ ရာသီနှင့် ပေါင်းသတ်ဆေး၊ မြေဩဇာသုံးစွဲပုံ၊ စိုက်နည်းစနစ်တို့ကြောင့်ဖြစ်ပါသည်။

ကြိုတင်ကာကွယ် လုပ်ဆောင်ရမည့်အချက်များ

(၁) ရေကို အကြာကြီးအခင်းထဲတွင် မထိန်းထားရပါ။ တစ်ဧကလျှင် ကျောက်မှုန့် သို့ ဒိုလိုမိုက် ၁၀၀ ကီလိုကို ပက်ထည့်ပါ။ ပြီးလျှင် ရေထုတ်ပါ။ ထုတ်ပြီးနောက်နေ့ ရေပြန်သွင်းမှုမျိုး ပြုလုပ်ရမည်။

(၂) ရေသွင်းပြီးရင် နိုက်ထရိုဖီနောဟော်မုန်းနှင့် ဟူးမစ်ပါသည့် တစ်ခုခု သုံးပါ။ တစ်ကြိမ်ဆိုလျှင် ရပါပြီ။

(၃) ဇင့်ပါသောရွက်ဖျန်းတစ်ခုခုကို အနှံမထွက်ခင်အချိန်အထိ (၇)ရက်လျှင် တစ်ခါ ဖျန်းပါ။

(၄) စပါးစိုက်မြေ ထယ်ထိုးထွန်မွှေချိန်တွင် ဩဂဲနစ်ဓာတ်ကြွယ်ဝအောင်ထားရမည်။(နွားချေး၊ ပင်ကြွင်းပင်ကျန်များ ၊ တီကျစ်၊ ဘိုကာချီစသည်တို့ကို နိုင်သလောက် ထည့်ခြင်းဖြင့် အဆင်ပြေပါသည်။

စပါးအထွက်ပိုမို ရရှိပါစေကြောင်း ဆုမွန်ကောင်းတောင်းလျက်

ဖုန်းမာန်တိုး

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။