နှင်းဆီပင်ကို အာလူး အသုံးပြု ၍ ပျိုးထောင်ခြင်း
အာလူးဟာ စား၍အရသာရှိရုံတင်မက တခြားနေရာတွေမှာလဲ အရမ်းအသုံးဝင်ပါတယ်။ အာလူးဟာ နှင်းဆီပင်ပျိုးဖို့ နှင်းဆီ ရိုးတံဖြတ်တွေအတွက် လုံလောက်တဲ့ အဟာရဓါတ်တွေ၊စိုထိုင်းဆ တွေနဲ့ပြည့်စုံပြီး နှင်းဆီပျိုးတံကို ကျန်းမာသန်စွမ်းတဲ့ အမြစ်တွေထွက်ရှိ…ဖွံ့ဖြိုးစေပါတယ်။
သင့်မှာနှင်းဆီပင်တွေရှိတယ်။မျိုးအတွက် ပျိုးပင်တွေ ထပ်ပျိုးချင်တယ်ဆိုရင်တော့အာလူးအသုံးပြု ပျိုးနည်းကို စဉ်းစားစေချင်ပါတယ်။ ဒီနည်းက အပင်စိုက်ပျိုးစ…သူတွေအတွက်ရိုးရှင်းလွယ်ကူတဲ့အပြင်…စိုက်ပျိုးကုန်ကျစရိတ် သက်သာချင်တဲ့သူတွေအတွက် အသုံးဝင်တဲ့နည်းတခု ဖြစ်ပါတယ်။
၁။ ပထမဦးဆုံးကျန်းမာသန်စွမ်းတဲ့ နှင်းဆီပင်တွေကနေ ၄၅ံ စောင်းပြီးထွက်နေတဲ့ နှင်းဆီ ရိုးတံ များကို ၈လက်မ အရှည် .. ဖြတ်ပါ။ ဖြတ်တဲ့ကတ်ကျေးဟာ ..ပိုးသတ်ပြီး .. သန့်ရှင်းစေရန် သတိပြုပါ။ အဲဒီဖြတ်ပြီးတဲ့ ရိုးတံများကို ချက်ချင်း.. စိုက်ပါ။( သို့မဟုတ်) ချက်ချင်းမစိုက်နိုင်ပါက ရိုးတံဖြတ်များကို.. သန့်ရှင်းသောရေထဲသို့အရင်းပိုင်းမှစိမ်ထားပါ။(သို့)ပလတ်စတစ် အိတ်ဖြင့်ထည့်ပြီး ရေခဲတုံးပေါ်တင်ပြီးသိမ်းပါ။ ရိုးတံများကို ဖြတ်ပြီးပြီးချင်း….ချက်ချင်းအသုံးပြုပါကပိုမိုကောင်းမွန်ပါသည်။
၂ ။ အပွင့်ညှိုး၊ အဖူးညှိုးနေတာတွေကို ဖယ်ရှားပစ်ပါ။ ရိုးတံအရင်းက အရွက်များကိုလည်းဖယ်ရှားပါ။ အဖျားပိုင်းမှ ကျန်းမာ သန်စွမ်းသော အရွက်များသာချန်ပါ။
၃။ အလယ်အလတ်ဆိုဒ်ပန်းအိုး၁ လုံး တွင် မြေသြဇာကောင်းမွန်သော မြေကို ထည့်ပါ။ စွတ်စိုစေရန် ..ရေ အနည်းငယ်ဖြန်းပါ။
၄။ မျက်စိများဖယ်ထားပြီးသောအာလူး(အရွယ်ခပ်ကြီးကြီး) ကို သန့်ရှင်းတဲ့ ဝက်အူလှည့်( Screw Driver) နဲ့ ၃လက်မလောက်အနက် အပေါက်ဖေါက်ပါ။ အပေါက်ရဲ့ အရွယ်အစားက ထည့်မဲ့ရိုးတံရဲ့ အရွယ်အစားနဲ့ညီအောင်ဖေါက်ပါ။ အပေါက်သေးနေပါက.. ရိုးတံထည့်လို့ရသည်အထိ ချဲ့ပါ။
၅။ ရိုးတံရဲ့အရင်းပိုင်းကို အမြစ်ထွက် ဟော်မုန်းအမှုန့်သုတ်လိမ်းပါ။ ပိုနေသည်များကိုခါချပစ်ပါ။ ဒီအဆင့်က မလုပ်လဲရပေမဲ့ အမြစ်ထွက်ဟော်မုန်းက အမြစ်ကြီးထွားသန်စွမ်းဖို့ အားပေးပြီးအပင်သန်စွမ်းစေပါတယ်။ အမြစ်ထွက် ဟော်မုန်းသုတ်လိမ်းထားသည့်ဘက်မှ..ရိုးတံအား… ကြိုတင်ဖေါက်ထားသည့် အာလူးအပေါက်ထဲသို့ထည့်ပါ။
၆။ ပန်းအိုးထဲမှမြေကြီးများကို အားလူးထည့်လို့ရသည်အထိ သန့်ရှင်းသော မြေတူးဇွန်းဖြင့် တူးပါ။
၇။ တူးထားသောကျင်းထဲသို့အာလူးကိုထည့်ပါ။ အာလူးသာမြုပ်ပြီး ရိုးတံအရင်းပိုင်းကမြေပေါ် ..ပေါ်နေစေရန်သတိပြုပါ။
၈။ သန့်ရှင်းခြောက်သွေ့သော ဆိုဒါဗူးခွံ၊ ကိုလာဗူးခွံ၊ တို့ကို ထိပ်၂ဖက် ဖြတ်ပြီး ပုံပါအတိုင်းပျိုးတံကိုစွပ်ပါ။ ဗူးခွံကိုမြေကြီးတွင်စွဲမြဲစေရန်…အောက်သို့လှည့်တွန်းပြီးထည့်ပါ။
၉။ ပျိုးအိုးကိုနေရောင်တိုက်ရိုက်မကျသော…. နွေး၍ အလင်းရသောနေရာမှာထားပါ။ ပျိုးပင် လေရှူ နိုင်အောင် ပလတ်စတစ်ဗူးခွံကိုနေ ့စဉ် မိနစ် အနည်းငယ်ခန့်ဖယ်ရှားပေးပါ။ ပျိုးပင်မှာအရွက်အတက် အသစ်များထွက်လာသည်ကို မတွေ့မချင်းဘာမှမလုပ်ပါနှင့်။ မြေကြီးအားကောင်းမွန် စိုစွတ်အောင်ထားပါ။ (ရေလဲအရမ်းမများအောင်ဂရုစိုက်ပါ။ ရေများပြီးအရမ်းစိုစွတ်လွန်းရင်ပျိုးပင်နဲ့အာလူးများပုပ်သွားနိုင်ပါတယ်။)
၁၀။ ၂ပတ်ခန့်အကြာ…. အပင်ရွှေ့ပြောင်းဖို့ခံနိုင်ရည်ရှိပြီလို့ သင်ထင်ပြီ ဆိုရင်တော့ ပျိုးပင်ကို အပေါ်သို့အနည်းငယ်ဆွဲထုတ်ကြည့်ပါ။ အမြစ်သစ်များကောင်းမွန်စွာ ထွက်နေတာကိုတွေ့ရပါမယ်။
၁၁။ ပလတ်စတစ်ဗူးခွံကိုဖယ်ပြီး၊ ပျိုးအိုးကို နေရောင်ပိုမိုရရှိပြီး အလင်းရောင်ကောင်းစွာရရှိတဲ့နေရာသို့ ပြောင်းရွှေ့ပါ။ပျိုးပင်ကောင်းမွန်စွာ..သန်မာကြီးထွားလာသည်အထိ ထိုနေရာတွင် ထားပါ။ မြေကြီးစိုစွတ်နေပါစေ။
၁၂။ပြင်ပအပူချိန် ခံနိုင်ရည်ရှိတဲ့ အထိပျိုးပင် ..သန်မာကြံ့ခိုင် လာအောင်. .လုံလောက်တဲ့ အလင်းရောင်ရရှိပြီး… အကာအရံရှိ တဲ့နေရာမှာ ပျိုးအိုးကို နေ့စဉ်နာရီ အနည်းငယ်ခန့်ထားပေးပါ။မြေကြီးများစိုစွတ်နေပါစေ။
၁၃။ ပျိုးပင်သန်မာကြံ့ခိုင်ပြီးတပတ်အကြာ… မိမိရဲ့ ဥယျာဉ်မြေကွက်လပ်သို့ရွှေ့ပြောင်းစိုက်နိုင်ပြီဖြစ်ပါတယ်။
ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။
အကြောင်းအရာ 1
အာလူးစိုက်ပျိုးနည်း
Thein Zaw Win
လွန်ခဲ့သော ၄ နှစ် ကအမြစ်ထွက်ရန်ဘာဟော်မုန်းဆေးလဲဆရာပြောပေးပါအုံးဆရာ
kyawkyawsan
လွန်ခဲ့သော ၅ နှစ် ကနှင်းဆီပင်ဘယ်လိုပြုပြင်အဆင်ပြေမလဲ
ဦးကြည်စိုး
လွန်ခဲ့သော ၅ နှစ် ကပလပ်စတစ်ဗူးခွံကိုဘယ်လိုစွပ်ရလဲရှင်းပြပါ စွပ်ထားပုံလေးလဲတင်ပေးစေချင်ပါတယ်၊ ပုံပါအတိုင်းဆိုပြီးပုံမတွေ့ရလို့ပါ။
ဆက်စပ်ဆောင်းပါးများ
ဆက်စပ်မေးခွန်းများ
လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။
U BHONE THWE HTAN • ဖြေကြားချက် 1 ခု
ပုံပါအတိုင်းဖြစ်ပြီး သေနေလို့ပါဗျ ဆေးလဲတစ်ခါမှ မဖျန်းရသေးတော့ ဆေးဖျန်းချင်ပါတယ် ပိုးသတ်ဆေးနဲ့ မှိုဆေးလေးညွှန်းပါ အကြံပေးပါဗျ
Aung Zay • ဖြေကြားချက် 4 ခု
ဆရာတို့ခင်ဗျ ဘူး ခဝဲ ရုံးပတီတီတို့မှာဒေါင်းနီးမှိုကာကွယ်ဆေးကိုဘယ်အချိန်မှာသုံးရမှာလဲခင်ဗျ ဘယ်ဆေးကိုသုံးရမှာလဲခင်ဗျ အလင်းပြပေးပါ🙏
မောင်ကျော်ခိုင် • ဖြေကြားချက် 1 ခု
ဒီနှစ် ကြက်သွန်နီစိုက်ခင်းကို အပင်အဟာရအတွက် ဂျီဗာမရူသမ်နဲ့ ဓာတ်မြေဩဇာတွဲ လှေးပိုးအတွက် သဘာဝပိုးသတ်ဆေးများ အထူးသဖြင့် နွားသေး+မီးခိုးပေါင်းခံရည် မှိုရောဂါအတွက် ထရိုင်ကိုဒါးမားနဲ့ ထုံးကန့်ဆေးရည်(ထုံးကန့်ဆေးက ဒေါင်းနီးနဲ့ တောက်တဲ့မြှီးကို ကောင်းကောင်းနိုင်လား ဒီမှိုရောဂါကို မနိုင်မှာ စိုးလို့ပါ ဒါကို အဓိက သိပါရစေဆရာ ပြီးတော့ ထုံးကန့်ဆေးက ဆေးယဥ်ပါးမှုဖြစ်တက်ပါသလား) ပေါင်းပင်အတွက်တော့ ပေါင်းသတ်ဆေး သုံးဖြစ်မယ်ထငိပါတယ်
Khing Hein • ဖြေကြားချက် 2 ခု
မတ်ပဲ ပွင့်ထွေးပိုးအရမ်းဆိုးနေလို့ အကိုင်းထဲတောင်ဝင်နေတယ် ဘာဆေးဖျန်းရမလဲ အပွင့်ကလှိုင်လှိုင်မပွင့်သေးဘူး ၅၀ရက်သားပါ ဆေးကောင်းတွေသုံးရမလား အပွင့်လှိုင်မှဆေးကောင်းသုံးရမလား ဆေးဆိုင်ကအပွင့်မလှိုင်သေးရင်ပေးစားလိုက်တဲ့ အပွင့်လှိုင်မှဖျန်းတဲ့ ဘာဆေးဖျန်းရမလဲ
Saw Samson • ဖြေကြားချက် 3 ခု
နောက်ဆုံး ဆောင်းပါးများ
ပတ်ဝန်းကျင်ဆိုင်ရာ သိပ္ပံပညာ (အပိုင်း-၆)
10/11/2026
နိုဝင်ဘာ ၉ မှ ၁၅ ရက်အတွင်း မြန်မာနိုင်ငံကို ခြိမ်းခြောက်နိုင်သည့် မုန်တိုင်းဖြစ်ပေါ်နိုင်ခြေ လုံးဝမရှိ
09/11/2026
အပင်ရဲ့ အစာချက်လုပ်မှုကို ထိခိုက်စေတဲ့ သရက်ခေါင်ညွန့်စားပိုး(သို့) သရက်ရွက်အိမ်ဖွဲ့ပိုး
09/11/2026
တစ်ပတ်စာ ဈေးကွက်သုံးသပ်ချက် (2-6.11.2026)
06/11/2026
စစ်ကိုင်းတိုင်း၊ ကချင်ပြည်နယ်နှင့် ရှမ်းပြည်နယ် (မြောက်ပိုင်း) ဒေသများအတွက် မိုးလေဝသခန့်မှန်းချက် (နိုဝင်ဘာ ၅ -၁၁အထိ)
06/11/2026
More from Green Way
အားလုံး
ဗီဒီယို
GPS မဖွင့်ဘဲ မိုးလေဝသ ကြည့်လို့ရပြီ
06/11/2026
ဗီဒီယို
ပေါင်းစပ်လယ်ယာစနစ်: လယ်ယာလုပ်ငန်းများ ပေါင်းစပ်ခြင်းမှ ရေရှည်တည်တံ့သော အကျိုးကျေးဇူးများဆီသို့
03/11/2026
အဘိဓမ္မာအခါတော်နေ့ဆုတောင်း (မြန်မာသက္ကရာဇ် ၁၃၈၈ ခုနှစ်)
26/10/2026
အစိမ်းရောင်လမ်းကို ကူညီပံ့ပိုးနေသော ဆရာ၊ ဆရာမများသို့
26/10/2026
iPhone သုံးတဲ့ မိတ်ဆွေများအတွက် သတင်းကောင်း
23/10/2026
