ပြန်နွှေးမစားသင့်တဲ့ အစားအစာ (၇) မျိုး

24/11/2021 11:30 AM တွင် အစိမ်းရောင်လမ်း အစိမ်းရောင်လမ်း မှ ရေးသား

    ဟင်းပွဲတွေ တကူးတကမချက်ချင်တဲ့နေ့မျိုးမှာ တိုက်တိုက်ဆိုင်ဆိုင်ပဲ မနေ့ကချက်ထားတဲ့ ဟင်းအပိုအလျှံတွေရှိနေသေးတယ်ဆိုရင်တော့ ထိုဟင်းတွေကိုပဲ အလွယ်တကူပြန်နွှေးစားတတ်ကြပါတယ်။

    အစားအစာ တော်တော်များများကိုတော့ ပြန်နွှေးစားလို့ရပေမယ့် အခုပြောပြပေးမယ့် အစားအစာ(၇) မျိုးကိုတော့ ပြန်နွှေးစားဖို့ မသင့်တော်ပါဘူး။ ဘာကြောင့်လဲဆိုတာကိုသိချင်ရင်တော့ ဒီဆောင်းပါးလေးကို အဆုံးထိ ဆက်ဖတ်ကြည့်လိုက်ရအောင်။

၁။ ဟင်းနုနွယ်

    ဟင်းနုနွယ်ကို ကြော်ချက်ပြီးတာနဲ့ ကုန်အောင် စားသုံးပေးသင့်ပါတယ်။ သူတို့ကို ပြန်လည်အပူပေးပြီး နွှေးစားမယ်ဆိုရင်တော့ ဟင်းနုနွယ်ထဲမှာပါဝင်တဲ့ နိုက်ထရိတ်ဓာတ်က ကင်ဆာရောဂါဖြစ်ပေါ်စေတဲ့ နိုက်ထရိုက်ဓာတ်ပေါင်းအဖြစ် ပြောင်းလဲသွားပါတယ်။

၂။ နံနံပင်

    နံနံပင်ကလည်း ဟင်းနုနွယ်လိုပါပဲ။ နိုက်ထရိတ်ဖြင့် ပေါင်းစပ်ဖွဲ့ထားတာပဲဖြစ်ပါတယ်။ သူ့ကို ထပ်ခါတလဲလဲ ပြန်နွှေးစားမယ်ဆိုရင် နိုက်ထရိုက်အဖြစ် ပြောင်းလဲသွားတတ်ပါတယ်။

၃။ သကြားမုန်လာ

    နံနံပင်နဲ့ ဟင်းနုနွယ်လိုပဲ သကြားမုန်လာမှာလည်း နိုက်ထရိတ်ဓာတ်များ ပါဝင်ပါတယ်။ ဒါ့ကြောင့် ချက်ပြီးသားသကြားမုန်လာကိုလည်း တစ်ခါတည်းကုန်အောင်စားလိုက်ပါ။ ပြန်နွှေးမစားပါနဲ့။

၄။ အာလူး

    ကြော်ချက်ပြီးသားအာလူးကို တစ်ခါတည်း ကုန်အောင်စားခြင်းက ကျန်းမာရေးအတွက် အကောင်းဆုံးပါပဲ။ သူ့ကိုပြန်နွှေးစားမယ်ဆိုရင်တော့ အာလူးရဲ့ အာဟာရဓာတ်များက ပျက်ပြယ်သွားပြီး ကျန်းမာရေးအတွက် အချည်းနှီးပါပဲ။

၅။ ဥအမျိုးမျိုး

    ကြက်ဥ၊ ဘဲဥများကို ထပ်ခါတလဲလဲ ပြန်နွှေးစားခြင်းက ခန္ဓာကိုယ်အတွက် အဆိပ်အတောက်ဖြစ်စေပြီး အစာခြေစနစ်ကို အနှောက်အယှက်ဖြစ်စေပါတယ်။

၆။ ကြက်သား

    ကြက်သားထဲမှာ ပရိုတင်းဓာတ်များ ကြွယ်ဝစွာပါဝင်ပါတယ်။ တကယ်လို့ ပြန်နွှေးစားလိုက်မယ်ဆိုရင်တော့ ပရိုတင်းပါဝင်မှုများက ကမောက်ကမဖြစ်သွားပြီး အစာအိမ်ကျန်းမာရေးကို ထိခိုက်စေနိုင်ပါတယ်။

၇။ မှို

    မှိုကတော့ လုံးဝ (လုံးဝ) ပြန်နွှေးမစားသင့်တဲ့ အစားအစာထဲမှာ ထိပ်ဆုံးကပါဝင်ပါတယ်။ မှိုကို ပြန်နွှေးစားမယ်ဆိုရင်တော့ နှလုံးကျန်းမာရေးကို ထိခိုက်စေနိုင်ပါတယ်။

Source - My Food Myanmar