ဧရာဝတီတိုင်းမှ လယ်သမားများ ခရုပြသနာနှင့် ရင်ဆိုင်နေရ

19/01/2018 09:44 AM တွင် အစိမ်းရောင်လမ်း အစိမ်းရောင်လမ်း မှ ရေးသား

အစိမ်းရောင်လမ်းအဖွဲ့ဝင်တစ်ယောက် ဒေးဒရဲမြို့ (ဧရာဝတီတိုင်း) ကို သွားရောက်ရာတွင် လယ်သမားများနှင့် တွေ့ဆုံပြီး ၎င်းတို့၏ အခက်အခဲများ၊ ပြသနာများကို သိရှိခွင့်ရခဲ့ပါတယ်။ ထိုအထဲမှ ခရုပြသနာသည် ယခုချိန်ထိ ဖြေရှင်းလို့မရသော ပြသနာကြီးတစ်ခုဖြစ်ပါတယ်။ ဒေသအခေါ် ထိုင်ဝမ်ခရု (မြန်မာတို့ရဲ့ ထုံးစံအရ ပုံမှန်အရွယ်ထက် ကြီးသော အသီး၊ အပင် စသည်တို့ကို ထိုင်ဝမ်လို့လည်း ခေါ်တတ်ကြပါသေးတယ်) လို့ အမည်ရတဲ့ ခရုပြသနာကို လွန်ခဲ့တဲ့ ၂ နှစ်ခန့်မှ စပြီး တွေ့ကြုံခဲ့ကြပါတယ်။ ဒီခရုပြသနာက တစ်နှစ်ထက်တစ်နှစ် မြစ်၊ ချောင်း အထက်ပိုင်းသို့ တက်လာတယ်လို့ ဆိုပါတယ်။

ကောလဟာလတစ်ခုရ ထိုင်းမှာ အလုပ်သွားလုပ်တဲ့ သူတစ်ယောက်က ဒီခရုကို သဘောကျလို့ ပြန်လာတဲ့အချိန်မှာ ၄-၅ လုံးလောက် သယ်လာပြီး မွေးထားရာမှ ပြန့်ပွားသွားတယ်လို့ ဆိုပါတယ်။

ဒီပြသနာကို ဖြေရှင်းဖို့ရာအတွက် အစိမ်းရောင်လမ်းအနေနဲ့ အားလုံးကို ပူးပေါင်းပါဝင် ဆွေးနွေးကြဖို့ ဖိတ်ခေါ်ပါတယ်။ အခုဆို လယ်သမားတွေ ၎င်းတို့ စပါးခင်းတွေ ဆုံးရှုံးနေရပြီး အခက်အခဲများစွာကို ရင်ဆိုင်နေရပါတယ်။

ခရုနှင့် ပတ်သတ်သော အချက်အလက်များ

အခုနှင့် ပတ်သတ်တဲ့ ဓာတ်ပုံတွေကို ဝက်ဆိုဒ်ပေါ်မှာ တင်ထားပေးပါတယ်။ အရွယ်အစားက သာမာန်ခရုထက် ၅ ဆမှ ၁၀ ဆ ခန့်ကြီးပါတယ်။ လယ်သမားတွေအဆိုအရ ဒီခရုတွေကို နှစ်ပတ်လည်လုံး မျိုးပွားပါတယ်။ နှစ်စဉ်ကျနေကြ ခရုတွေကတော့ သူရာသီချိန်ရောက်မှ ဥတဲ့အတွက် စိုက်ချိန်ကို ထိုခရုပွားများချိန်နဲ့ မကိုက်အေင် ချိန်ဆပြီး စိုက်ရင်လွတ်နိုင်ပါသေးတယ်။ ထိုင်ဝမ်ခရုတွေကတော့ အစုလိုက် ဥတတ်ပြီး တစ်မြုံလျှင် ခန့်မှန်း ဥအရေအတွက် ၁၀၀၀ ခန့်ရှိပါတယ်။ ခရုရဲ့ အဖျားအနားတွေက အလွန်ရှနေတတ်ပြီး ကွင်းထဲဆင်းတဲ့ လယ်သမားတွေလည်း ခဏခဏ ထိခိုက်ဒဏ်ရာ ဖြစ်နေရပါတယ်။ အချို့ဆို ကွင်းထဲဆင်းရမှာကို ကြောက်နေရပါတယ်။ ဒီရေကျပြီး နေပူနေချိန်ဆို ဒီခရုတွေက ရေအောက်ခြေကို သွားပြီး ပုန်းနေတတ်ကြပါတယ်။

လယ်သမားတို့ရဲ့ အခက်အခဲများ

ပိုးသတ်ဆေးနှင့် ဓာတုဆေးများ အသုံးပြုခြင်း

လယ်သမားတွေအနေနဲ့ နည်းလမ်းအသွယ်သွယ်နဲ့ ထိန်းချုပ်ဖို့ ကြိုးစားခဲ့ကြပေမယ့် အခုထိ မထိန်းချုပ်နိုင်သေးပါဘူး။ ဓာတုဆေးသုံးဖို့ရာကလည်း မလွယ်လှပါဘူး။ ဒီရေတက်ချိန်မှာ စိုက်ခင်းတစ်ခုလုံးရေပြည့်နေတတ်တဲ့အတွက်ကြောင့် ဆေးအာနိသင်က မထိရောက်တော့ပါဘူး။ စိုက်ခင်းတွေကလည်း ရေကို လိုသလိုထိန်းချုပ်လို့ရတဲ့ အနေအထားမှာ မရှိပါဘူး။

ဇီဝနည်းဖြင့် ထိန်းချုပ်ခြင်း

ဘဲများကို စိုက်ခင်းထဲထည့်ပြီး စားခိုင်းတာလည်း အဆင်မပြေပါဘူး။ ဒေသရှိ ခရုများကို ဘဲများစားပေမယ့် အခု ခရုတွေက အရွယ်အစားကြီးများလွန်းနေတဲ့အတွက်ကြောင့် ဘဲမစားပါဘူး။

ကောက်ယူဖယ်ရှားခြင်း

အစပိုင်းမှာတော့  လယ်သမားတွေက ခရုတွေကို ကောက်ယူပြီး ကြက်ခြံတွေကို ပို့ပေးကြပါတယ်။ ကြက်ခြံပိုင်ရှင်တွေက ထိုခရုများကို ကြိတ်ချေပြီး ကြက်စာနဲ့ ရောကျွေးကြပါတယ်။ ဒါပေမယ့် နောက်ပိုင်းမှာတော့ ကြက်တွေလည်း မစားတော့ပါဘူး။ ဒါကြောင့် လယ်သမားတွေလည်း ကောက်မနိုင်တော့ဘူး လက်လျော့လိုက်ကြပါတယ်။

မိတ်ဆွေတို့ရဲ့ တန်ဖိုးရှိလှသော ဆွေးနွေးချက်တွေကို အောက်ပါ ကွန်မန့်ဘောက်မှ တစ်ဆင့် ပေးနိုင်သလို [email protected] သို့လည်း ပေးပို့နိုင်ပါတယ်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်