ကင်ပွန်းချဉ် စိုက်ပျိုးနည်း

ကင်ပွန်းချဉ်မျိုး တစ်မျိုးတည်းသာရှိပြီး မူရင်းဒေသကိုတော့ မှတ်တမ်းတင်ထားခြင်း မတွေ့ရှိပါ။
မြန်မာအမည်မှာ ကင်ပွန်းချဉ်ဖြစ်ပြီး အင်္ဂလိပ်အမည်မှာ Soap Pod ဖြစ်သည်။ ရုက္ခဗေဒ အမည်အားဖြင့် Acacia concinna ဖြစ်ပြီး MIMOSACEAE မျိုးရင်းတွင် ပါဝင်သည်။

စိုက်ပျိုးသည့်ဒေသ

ရှေးယခင်က ခြံစည်းရိုးတန်းအဖြစ်စိုက်ပျိုးပြီး အညွန့်ခူးရောင်းချကြသည်။ ယခုအခါ ကင်ပွန်းချဉ်ကို စီးပွားဖြစ် အခင်းလိုက်စိုက်ပျိုးလာကြပြီး အညွန့်ထွက်အောင် ပြုပြင်ပေးကြသည်။ ဒေသမရွေးစိုက်ပျိုးနိုင်ကြသည်။

ရေမြေရာသီဥတု

မိုးများသော အောက်မြန်မာနိုင်ငံတွင် ကောင်းစွာဖြစ်ထွန်းသည်။ အထက်ပိုင်းတွင်လည်း ရေစနစ်တကျ ပေးနိုင် ပါက ဖြစ်ထွန်းနိုင်ပါသည်။ မြေဆွေဓာတ်များသော သဲနုန်းမြေ၊ နုန်းမြေစေးများတွင် ဖြစ်ထွန်းသည်။ ရေဝပ်ခြင်းကို မကြိုက်လို့ ရေကောင်းစွာထုတ်ပေးရန်လိုအပ်သည်။

စိုက်ခင်းမြေပြုပြင်ခြင်း

မြေထုပ်စီးထားသော ကင်ပွန်းချဉ်ကို မြေမချမီတစ်ပတ်ခန့်အလိုတွင် စိုက်ခင်းမြေပြင်ရမည်။ စိုက်ခင်းနေရာကို မြက်ပြောင်အောင်ရှင်း၍ နွားထွန်ဖြင့်သော်လည်းကောင်း၊ ပေါက်ပြားဖြင့်လည်းကောင်း မြေလှန်ပေးရမည်။ ပြီးနောက် မြေကို ညီညာအောင် ပြန်ညှိထားရမည်။

စိုက်ပျိုနည်း

မြေထုပ်စီးထားသော ကင်ပွန်းချဉ်ကိုင်းကို မြေလုံးမပျက် အုန်းဆံမခွာပဲ စိုက်ရပါမည်။ စိုက်ပျိုးရာတွင် တန်းကြား ၆ ပေ၊ ပင်ကြား ၃ ပေခြား၍ အကိုင်းကြီးလျှင် မြေအနက် ၆ လက်မ ၊ အကိုင်းသေးလျှင် ၄ လက်မ မြှုပ်၍ စိုက်သည်။ မြေထုပ်စီးကိုင်းကို မတ်မတ်ထောင်နေအောင်စိုက်ရသည်။ ပြီးနောက် အပင်ရင်းတွင် မြေကို ၄ လက်မခန့် မြင့်အောင်ဖုံးပေးပြီး မြေမဟာစေရန် လက်ဖြင့် ဖိပေးရသည်။

မိုးပြတ်သွားပါက (၃)ရက်ခန့်ဆက်တိုက် နေ့စဉ် တစ်နေ့တစ်ကြိမ် ရေလောင်းပေးရန်လိုသည်။

မျိုးပွားနည်း

မြေထုပ်စည်းနည်းဖြင့် မျိုးပွားကြသည်။ စိုက်ချိန်ပေါ်မူတည်၍ တစ်လခန့် ကြိုတင်ပြီး မြေထုပ်စီးကြသည်။ ထို့ကြောင့် ကင်ပွန်းချဉ်ကို ဩဂုတ်လနှင့် စက်တင်ဘာလအတွင်း မြေထုပ်စီးကြသည်။ မြေထုပ်စီးပြီး (၂၁) ရက်တွင် အမြစ်စထွက်ပြီး (၇) ရက်ခန့်တွင် အကိုင်းဖြတ်စိုက်နိုင်သည်။ တိုက်ရိုက်အစေ့ချ စိုက်ပျိုးခြင်း၊ အစေ့ကို ပျိုးထောင်ခြင်းဖြင့်လည်း မျိုးပွားနိုင်သည်။ အစေ့စိုက်အပင်သည် အညွန့်ထွက်နိုင်ရန်ကြာသဖြင့် ထိုနည်းကို အသုံးမပြုပဲ မြေထုပ်စီးနည်းကိုသာ အသုံးပြုကြသည်။

မြေဩဇာကျွေးနည်း

ကင်ပွန်းချဉ်စိုက်ပျိုးပြီးစအခင်းတွင် စိုက်ပြီး (၃) ပတ်မှ တစ်လအတွင်း (၁၀)လံမြောင်း တစ်မြောင်းလျှင် ယူရီးယားဓာတ်မြေဩဇာ နို့ဆီဘူးဝက်ခန့် ကျွေးကြသည်။ ထို့ပြင် စိုက်ပြီးစ အခင်းတွင် နိုဝင်ဘာလလျှင် (၁၀)လံ မြောင်းတစ်မြောင်းကို နွားချေးဆွေးခွဲတောင်း (၁၀) တောင်းခန့်ကျွေးပေးသည်။ နွားချေးဆွေးကျွေးရာတွင် ဘောင်ခွဲပြီးကျွေးရသည်။ မြေပြန်ဖုံးပေးရသည်။ ဘောင်ခွဲရာတွင် အပင်အမြစ်များမထိခိုက်အောင် ဂရုစိုက်ရ သည်။ ရွက်နုထွက်ရန်အတွက် အကိုင်းချိုင်ပြီးသည်နှင့် မြေဩဇာကျွေးရသည်။

အပင်ပြုပြင်ခြင်း

အပင်များကို (၄) ပေခန့် အမြင့်ထားပြီး လုံးဝိုင်းပုံဖြစ်သွားအောင် အကိုင်းများကို ချိုင်ပေးရသည်။ အရွက်ပြောင် အောင်လည်း ချွေပေးရသည်။ ရွက်ကြမ်းချသည်ဟုခေါ်သည်။
စိုက်ခင်းတွင် အကိုင်းချိုင်ပြီးသည်နှင့် မြေဩဇာကျွေးပြီး ရေဝအောင်လောင်းပေးရသည်။ ငုတ်တက်စိုက်ခင်းတွင် အကိုင်းချိုင်ပြီး (၁၅)ရက်တွင် အညွန့်သစ်များထွက်သည်။ (၄) ပေအမြင့်ထားပြီးချိုင်သောစိုက်ခင်းသည် (၃) ပတ်ခန့်ကြာလျှင် အညွန့်သစ်ထွက်လာသည်။ အကိုင်းချိုင်ခြင်းကို တစ်နှစ်လျှင်တစ်ခါ နိုဝင်ဘာလတွင် ပြုလုပ်ပေးကြသည်။

ခူးဆွတ်ခြင်းနှင့် အထွက်နှုန်း

မြေဩဇာ အပြည့်အဝကျွေးပြီး ရေအပြည့်အဝလောင်းပေးလျှင် (၅) ရက်တစ်ကြိမ်ခန့် ဆွတ်ခူးနိုင်သည်။ အညွန့် ခူးခြင်းကို တစ်နွေလုံးခူးနိုင်ပြီး အောက်တိုဘာလတွင် မခူးပဲ (၂) လခန့် အနားပေးကြသည်။

ကင်ပွန်းချဉ်အညွန့်ကိုခူး၍ စီးပွားဖြစ်စိုက်ပျိုးရောင်းချသော စိုက်ခင်းများတွင် အသီး သီးသည်အထိ မထားပါ။ ကင်ပွန်းချဉ်အသီးကို အမျိုးသမီးများ ခေါင်းလျှော်ရည်တွင် လျှော်ခေါက်နှင့်အတူ ထည့်ပြုတ်ပြီး သုံးလေ့ရှိကြသည်။ တစ်ဧက တစ်ခါခူးလျှင် ကင်ပွန်းချဉ်အစီးပေါင်း (၁၂၀၀) ခန့်ရနိုင်ပါသည်။ (၅) ရက်တစ်ကြိမ်ကျ ခူးသဖြင့် တစ်ဧကစိုက်ခင်းမှ တစ်လလျှင်အစီးပေါင်း (၇၂၀၀၀) ခန့်ရနိုင်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...