ပဲနို့ရည်၊ ပဲပြား ကိုယ်တိုင်ပြုလုပ်မယ်

ပဲပုပ်ကို အသုံးပြုပြီးတော့ ပဲနို့ရည်နှင့် ပဲပြားပြုလုပ်နည်းလေးကို ဖော်ပြပေးချင်ပါတယ်။ ဈေးကွက်မှာ တွေ့နေရတဲ့ ပဲနို့ရည်တွေ ပဲပြားတွေရှိပေမယ့် ကိုယ်တိုင်ပြုလုပ်တဲ့အရာလောက်တော့ သန့်ရှင်းသပ်ရပ်မှု့၊ ကျန်းမာရေးနဲ့ ညီညွတ်မှု့အတွက် အာမခံချက်ပေးနိုင်ရဲ့လား စဉ်းစားရပါမယ်။ အိမ်ရှင်မများ သိတဲ့ အတိုင်း ပဲပြား၊ မုန့်ဖတ် စတာတွေမှာ တာရှည်ခံအောင် ဖော်မလင်သုံးထားတာတွေ တွေ့ရတဲ့အတွက် အစားအသောက်နှင့် ဆေးဝါးကွပ်ကဲ ရေးဦးစီးဌာန (FDA) ကလည်းရှောင်တခင် ဝင်ရောက်စစ်ဆေးမှု့ တွေရှိနေတာကိုလည်း တွေ့ရပါတယ်။ ပဲနို့ရည်နဲ့ ပဲပြားဟာဆိုရင် ကျန်းမာရေးနဲ့ညီညွတ်ပြီး လူကြီး လူငယ်မရွေး ကြိုက်နှစ် သက်တဲ့ အစားအစာလည်းဖြစ်ပါတယ်။ ဆိုတော့....ကျန်းမာရေးနဲ့ညီညွတ်ပြီး သန့်ရှင့်လတ်ဆတ်တဲ့ ပဲနို့နို့ရည်နဲ့ ပဲပြားကို ကိုယ်တိုင်ပြုလုပ်စားသုံးမယ်ဆို ပိုမကောင်းဘူးလား။

ပဲနို့ရည် ပြုလုပ်နည်း

လိုအပ်သောပစ္စည်းများ
- ပဲပုပ်စိမ်ရန်ဇလုံကြီး (၂ )လုံး
- ကြိတ်စက်
- အရည်ခံရန် ဇလုံလတ်(၁)လုံး
- ပုဝါပါး/ ပိတ်စိမ်းပါး ( ၂)ခု
- ပဲနို့ရည်ထည့်ရန် ပုလင်း+ အဖုံး
- ပဲနို့ပုလင်းများပိုးသန့်ရန် ဒယ်အိုးကြီး (၁)လုံး
- ပဲနို့ရည်ကြိုရန် ဒန်အိုး (၁)လုံး (၁၀ လီတာဆန့်)
- ပုလင်းများ အဖုံးပိတ်ရန် ပိတ်စက်
- Shrink plastic (ပုလင်းအဖုံးနှင့်အညီထည့်ရန်)
- အပူခံကေတာ့
- ပဲနို့ရည်ကြိုရန် ယောက်ချိုဇွန်း (၁) ချောင်း
- ဇကော (၁)ချပ်
- ပဲပုပ်စေ့ (၁) ပြည်
- ဆွမ်းမွှေးရွက်
- ေရသန္႔ (၅)လီတာ

ပြုလုပ်ပုံအဆင့်ဆင့်
၁။ ပဲပုပ်စေ့များကို သန့်စင်စေရန် စကောတွင်ထည့်၍ ပိုးကိုက်များ သဲ၊ ခဲများမပါစေရန် ရွေးချယ်သန့်စင် ပါ။
၂။ သန့်စင်ပြီးပဲပုပ်စေ့များကို ရေဆေး၍ ရေ (၄) ဆ မှ (၆)ဆထည့်၍ တစ်ညအိပ်ရေစိမ်ပါ။
၃။ ရေစိမ်ထားသော ပဲပုပ်များကို အခွံချွတ်ပါ။
၄။ အခွံချွတ်ပြီးပဲပုပ်များကိုရေ (၂) ဆရော၍ကြိတ်ပါ။ ကြိတ်စက်တွင် အနှစ်နူးလာသည်အထိ ကြိတ်ပါ။
၅။ ကြိတ်ပြီးပဲပုပ်ဖတ်များကို ပိတ်ပါးစဖြင့်စစ်ယူပါ။ လိုအပ်ပါက ရေ (၁)ဆ ထပ်မံထည့်၍ စစ်ပါ။
၆။ အရည်များကို အိုးသန့်သန့်တွင်ထည့်၍ (၈၀ - ၈၂) ဒီဂရီစင်ဒီဂရိတ်အထိ အပူပေးပါ။ (၂၀) မိနစ်ခန့် အပူပေးပါ။ ချခါနီးတွင် ဆွမ်းမွှေးရွက်ထည့်ပါ။
၇။ အပူပေးထားသည့်အရည်များကို ပိုးသန့်စင်ပြီးသော ပုလင်းတွင်ထည့်၍ အဖုံးဖုံးပါ။
၈။ အဖုံးကို Shrink plastic ဖြင့်အုပ်၍အပူပေးပါ။
၉။ သောက်သုံးရန်အသင့်ဖြစ်သော ပဲနို့ကိုရရှိပါမည်။
✲ ၎င်းပဲနို့ရည်ကို ရေခဲသေတ္တာတွင် ထည့်ထားပါက (၄) ရက်အထိ အထားခံပါသည်။

ပဲပြားပြုလုပ်နည်း

ပါဝင်ပစ္စည်းများ
၁။ ပဲနို့ရည် (၂) လီတာ
၂။ ပုံစံခွက်
၃။ ပိတ္ပါးစ
၄။ ကယ်ဆီယမ်ဆာလဖိတ် လက်ဖက်ရည်ဇွန်း ၂ ဇွန်း (10)g (သို့) မဂ္ဂနီဆီယမ်ကလိုရိုက် လက်ဖက် ရည်ဇွန်း ၁ ဇွန်း (5) g

ပြုလုပ်ပုံအဆင့်ဆင့်
၁။ ပဲနို့ရည်ကိုအပူပေးပါ။ ဆူပွက်ပြီးနောက် အပူချိန်ကို (၇၀ - ၈၀) ဒီဂရီစင်ဒီဂရိတ်အထိ ရောက်အောင် ပြန်ထားပါ။
၂။ ကယ်ဆီယမ်ဆာလဖိတ် (သို့) မဂ္ဂနီဆီယမ်ကလိုရိုက်ကို ရေနွေးနွေးဖြင့်ဖျော်ပါ။
၃။ ပဲနို့ရည်ထဲသို့ ဖျော်ပြီးဆေးရည်ထည့်ပါ။ ဖြေးဖြေးမွှေပေးပါ။ အဖတ်ဖတ်များကျလာပါမည်။
(၁၅ -၂၅) မိနစ္ထိ ေမႊေပးပါ။
၄။ အဖတ်များကျလာသော ပဲနို့ရည်ကို ပုံစံခွက်တွင် ပိတ်ပါးစခံ၍ လောင်းထည့်ပါ။
၅။ အပေါ်မှ အလေးတစ်ခုခုဖြင့် ဖိထားပါ။ (၂၀-၃၀) မိနစ် ကြာသောအခါ အလေးကိုဖယ်ပေးပါက ပုံစံခွက်တွင် ပဲပြားအတုံးလေးကိုများ ရရှိမည်ဖြစ်ပါသည်။
၆။ ပဲပြားတုံးများကို ရေအေးအေးဖြင့်ထည့်၍ ရေခဲသေတ္တာတွင်သိုလှောင်ထားပါ။ ရေခဲသေတ္တာတွင် သိုလှောင်ထားစဉ်အတွင်း နေ့စဉ် ရေအေးလဲပေးပါ။

Thet Thet Nwe 

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Read more

Facebook စာမျက်နှာသို့သွားရန်