ယှဉ်ပြိုင်စိုက်ပျိုးခြင်းနည်းစနစ်အတွက် အပင်စုံတွဲများ

04/06/2020 11:30 AM တွင် သိမ့်ဇာ သိမ့်ဇာ မှ ရေးသား ပြီး Greenovator Greenovator မှ ပေးပို့ထားပါသည်။

 ဟင်းသီးဟင်းရွက်တွေကို အတူယှဉ်တွဲစိုက်တာက တစ်ပင်နဲ့တစ်ပင် ကောင်းမွန်တဲ့သက်ရောက်မှုတွေရှိတယ်ဆိုတဲ့အကြောင်း သိပြီးကြပြီးဖြစ်မယ်လို့ ထင်ပါတယ်။

ဘာတွေကို တွဲစိုက်သင့်တယ် ဘာတွေကိုတော့ တွဲမစိုက်သင့်ဘူးဆိုတာကိုတော့ ဒီဆောင်းပါးလေးမှာ ဖော်ပြပေးသွားပါမယ်။

တကယ်တော့ ဒါက ထူးထူးဆန်းဆန်း နည်းလမ်းမျိုးတော့ မဟုတ်ဘူးရှင့်။ နွယ်တတ်တဲ့ ပဲမျိုးနွယ်တွေကို တက်စရာ ပင်စည်ရှိတဲ့ ပြောင်းပင်လိုမျိုးနဲ့ တွဲစိုက်တာမျိုးပါ။ ပြောင်းအတွက်လည်း ပဲပင်ရဲ့အမြစ်တွေက နိုက်ထရိုဂျင် အထောက်အပံပေးနေပြီး ပဲပင်အတွက်လည်း နွယ်တက်စရာသီးသန့်ရှာနေစရာမလိုပဲ ရှင်သန်နိုင်တာဖြစ်ပါတယ်။

နောက် နေကြာနဲ့တွဲစိုက်တဲ့အခါ နေကြာက အကျိုးပြုအင်းဆက်တွေလာအောင်လုပ်ပေးပြီး သူနဲ့တွဲစိုက်တဲ့အပင်ကို ပိုးတွေရန်ကနေ ကင်းစေပါတယ်။

ကျွန်မတို့သိပ်သတိမထားမိတာ တစ်မျိုးကတော့ အနံ့ရှိတဲ့ ဟင်းခတ်အမွေးအကြိုင်အပင်တွေပါ။ သုတေသနတွေရဲ့ ရှာဖွေတွေ့ရှိချက်တွေအရ ကြက်သွန်ဖြူကို စတော်ဘယ်ရီပင်တွေကြားမှာ စိုက်ထားခြင်းက မွှားပင့်ကူနီကိုကာကွယ်နိုင်ကြောင်း သိရှိခဲ့ရပါတယ်တဲ့ရှင်။ ဒါကြောင့် ကြက်သွန်ဖြူကို သူတစ်မျိုးထဲမစိုက်ဘဲ ခရမ်းချဉ်၊ ကိုက်လန် စတာတွေနဲ့ တွဲဖက်စိုက်ပျိုးပြီး ဂေါ်ဖီထုပ်ပိုးကို ကာကွယ်ကြပါတယ်။ ဒါပေမယ့် ပဲပင်တွေနားမှာစိုက်မိရင်တော့ ကြီးထွားမှုနှေးတာကို တွေ့ရမှာပါ။

ဒီလိုမျိုးတခြား ဟင်းခတ်အမွှေးအကြိုင်အပင်တွေ ဖြစ်တဲ့ ပူဒီနာ၊ lemon balm, ကြက်သွန်နီ ,ချစ်တီးပန်း ,လာဗန်ဒါ, rosemary .စသည်ဖြင့် အများကြီးရှိကြပါတယ်။ ဒီအပင်တွေမှာတော့ ဖျက်ပိုးမကြိုက်တဲ့အနှံတွရှိတာမို့ ကိုယ့်စိုက်ခင်းလေးကို ပိုးတွေရန်ကနေ ကာကွယ်နိုင်ပါတယ်။ ဆေးတွေမသုံးချင်သူတွေအတွက် ဒီနည်းလမ်းလေးက ထိရောက်မှာပါ။

ပူဒီနာမျိုးနွယ်ဝင်တွေစိုက်တဲ့အခါတော့ ဒီကောင်တွေက အပွားမြန်တာမို့ ဂရုစိုက်သင့်ပါတယ်။ ဒီအပင်တွေရဲ့ အနံ့ကို ခြင်တွေကလည်း မကြိုက်တာကြောင့် သင်ခြံထဲမှာ အလုပ်လုပ်နေတုန်း ခြင်ကိုက်မှာကိုလည်း စိတ်ပူစရာမလိုပါဘူး။ပူစီနံတွေကို အိုးလေးနဲ့ထိုးထားပြီး စကွဲဖု ဂါးဒန်း( square foot garden)ပျိုးဘောင်ဘေးလေးတွေမှာ ဖြန့်ချပေးထားမယ်ဆိုရင်တော့ ပိုအဆင်ပြေစေမှာပါ။

ဒီလို ယှဉ်တွဲစိုက်ပျိုးခြင်းမှာ နောက်ထပ်ကောင်းတဲ့တစ်ချက်ကတော့ ပေါင်းမြက်တွေကို သဘာဝအတိုင်းနှိမ်နှင်းပေးမယ့် မျိုးနွယ်တွေပဲ ဖြစ်ပါတယ်။ ကန်စွန်းဥ၊ ဖရုံ၊ သခွား စတဲ့ အရွက်ဖားဖားနဲ့ မြေပေါ်ပြေးတတ်တဲ့ကောင်တွေကို စိုက်ပေးခြင်းဖြင့် မြက်တွေပေါက်စရာနေရာမရှိဖြစ်ပြီး သဘာဝအတိုင်း နှိမ်နှင်းပြီးသားရစေပါတယ်။

အာဟာရပြန်ပေးတတ်တဲ့အပင်တွေ၊ ဝတ်မှုန်ကူးသူတွေကို လာစေတဲ့အပင်အမျိုးအစားတွေ စသည်ဖြင့် ယှဉ်တွဲစိုက်ပျိုးခြင်းမှာ ပါဝင်နေတဲ့ အပင်အုပ်စုတွေအကြောင်းကို ဆောင်းပါးတစ်ပုဒ်နဲ့ဖော်ပြခဲ့ပြီးဖြစ်ပါတယ်။

ဒီနေရာမှာ ကောင်းမွန်တဲ့အပင်တွေရှိသလို တွဲမစိုက်သင့်တဲ့ အပင်တွေလည်း ရှိတာမို့ ဇယားလေးနဲ့ ဖော်ပြပေးပါမယ်။

 

သိမ့်ဇာ

source -https://gardenandhappy.com/vegetable-companion-planting/

 


မာလာမြိုင် ကုမ္ပဏီ ကြော်ငြာ
ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။
Read more Facebook Page သို့သွားရန်

ဆွေးနွေးချက်များ

ဆွေးနွေးရန်