ဈေးကွက်အားသာချက်တွက်ဆ၍ ပြည်ပစပျစ်မျိုးတချို့ကို စမ်းသပ်စိုက်ပျိုးလာကြ

စပျစ်စိုက်ပျိုးသူများအနေဖြင့် ရေရှည်ဈေးကွက်အားသာချက်များကို တွက်ဆ၍ ပြည်ပ စပျစ်မျိုးတချို့ကို စမ်းသပ်စိုက်ပျိုးလာကြကြောင်း သိရသည်။

လက်ရှိအခြေအနေမှာ စပျစ်သီးဈေးကွက်က တည်ငြိမ်နေတယ်။ ပုံမှန်လေးတော့ တက်နေတယ်။ လောလောဆယ် အသီးထွက်တာနည်းနေသေးတာကြောင့် ဈေးကွက်ကလည်း နည်းနည်းအေးနေသေးတာပါ။ သို့သော် စပျစ်မျိုးတွေ ရောင်းချနေတဲ့အပိုင်းက ပိုပြီးအဆင်ပြေနေတယ်။ စိုက်ပျိုးတဲ့သူတွေက နိုင်ငံခြားမျိုးတချို့ကိုပါ စမ်းသပ်စိုက်ပျိုးလာကြပြီ။ တောင်သူငယ်တွေလည်း အခုနောက်ပိုင်းမှာ နိုင်ငံခြားမျိုးတွေကို တစ်စစနဲ့ စိုက်လာကြတာတွေ့ရတယ်။

ဟု မန္တလေးတိုင်း၊ ရမည်းသင်းမြို့နယ်၊ အလယ်ကုန်းအုပ်စု၊ ဆေးပုလဲကုန်းကျေးရွာရှိ “ပုလဲ စပျစ်စိုက်ပျိုးရေး”မှ ကိုလှိုင်ထွန်းက ပြောသည်။

ပြည်တွင်း၌ လက်ရှိစိုက်ပျိုးနေသည့် စပျစ်မျိုးများအနက် Italy No-3, Black Queen, Cardinal စသည့် စပျစ်မျိုးများမှာ ဝိုင်ထုတ်လုပ်ရန်သင့်တော်သည့် စပျစ်အမျိုးအစားများဖြစ်ပြီး၊ Red Globe နှင့် သီးချွန်းမျိုးသည် Table အုပ်စု (စားစပျစ်မျိုး)များ ဖြစ်သည်။

ဘာဖြစ်လို့ နိုင်ငံခြားမျိုးတွေကိုစိုက်လာကြလဲဆိုတော့ ပြည်တွင်းမှာရှိတဲ့ စပျစ်မျိုးတွေက ဝိုင်ထုတ်လုပ်တဲ့ စပျစ်မျိုးတွေများနေတယ်။ အဲ့ဒီတော့ စားစပျစ်သီးတွေ ပြည်ပက ဝင်လာတဲ့အခါ ပြည်တွင်းကစပျစ်သီးနဲ့နှိုင်းယှဉ်ရင် အရည်အသွေးကွာခြားနေတယ်။ အရည်အသွေးကွာခြားတဲ့အတွက် ဈေးကွက်ဝေစုရရှိတာမှာလည်း ကွာသွားတယ်။ ဒီလိုမျိုး ပြည်ပစပျစ်သီးတွေ အဝင်ခံမယ့်အစား ပြည်ပကစပျစ်မျိုးကို ဒီမှာလည်းစိုက်ကြည့်မယ်ဆိုပြီး တောင်သူတွေက စမ်းသပ် စိုက်ပျိုးလာကြတာပါ။

ဟု ကိုလှိုင်ထွန်းက ဆက်လက်ပြောသည်။

စမ်းသပ်ကာလအနေဖြင့် စတင်စိုက်ပျိုးနေသည့် ပြည်ပစပျစ်မျိုးများမှာ လသားပျိုးပင် (ပြည်တွင်း၌ ပြန်လည်ပျိုးထောင်ရောင်းချသည့် ပျိုးပင်) နှင့် နှစ်သားပျိုးပင် (ပြည်ပမှ တိုက်ရိုက်တင်သွင်းထားသည့် ပျိုးပင်) ဟူ၍ (၂) မျိုးရှိပြီး၊ ပျမ်းမျှအားဖြင့် အပင်သေးတစ်ပင်လျှင် ငွေ (၂,၀၀၀) ကျပ် ဝန်းကျင်ဈေးနှုန်းဖြင့် ရောင်းချနေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ