"ရာသီစာ……… မျှစ်တာလပေါ့(ခေါ်) မျှစ်သောက်ဆမ်း"

မိုးရာသီရောက်ပြီဆို မျှစ်နုနုလေးနဲ့ မှိုမျိုးစုံရယ်က ရာသီစာလို့ ပြောလို့ရပေသည်။ ရာသီစာမျှစ်တာလပေါ့ဟင်းချက်မည်ဆိုပါက ဝါးပိုးမျှစ်လို မျှစ်အမျိုးအစားကို ရွေးဝယ်ရပါသည်။ အပေါ်အခွံအရင့်တွေကို များများလှီးထုတ်ပြီး နုနုလေးတွေကိုပဲ ပါးပါးလှီးပြီးပြုတ်ပါက လတ်ဆတ်ပြီး အရမ်းချိုပါသည်။

တာလပေါ့ဟင်းမှာ မိုးကာလထွက် ဝါးပိုးမျှစ်ကို အဓိထား၍ ဆန်(ဆန်လှော်မှုန့်)၊ ပင်စိမ်း၊ ဆူးပုတ်ရွက်၊ ကြိမ်ခါးဖူး၊ စွယ်တော်ရွက်၊ ဂွေးတောက်ရွက်၊ လဲလူရွက်၊ ကောက်ကောက်ညွှန့်၊ တညင်းသီး၊ ခရမ်းကဆော့သီး၊ မယ်ဇလီဖူး၊ မယ်ဇလီအရွက်၊ ပိတ်ချင်းရွက်၊ ရှမ်းနံနံ၊ စပါးလင်၊ ငရုတ်ကောင်း၊ ငရုတ်သီးစိမ်း၊ ကြက်သွန်နီတို့ ပါဝင်ပါသည်။ အသားအဖြစ် ကြက်သား၊ ငါးရံ့၊ ပုစွန်၊ ခရု တစ်မျိုးမျိုးထည့်ကြပါသည်။

ပြုလုပ်နည်း -

၁။ ဝါးပိုးမျှစ်(မျှစ်ချို)ကို ရေများများဖြင့် အရင်ပြုတ်ရပါသည်။ ထို့နောက် စပါးလင်ကိုလည်း ဓါးပြားရိုက်ပြီးထည့်ပြုတ်ရပါသည်။

၂။ မျှစ်နူးလာပြီး ရေဆူလာပါက ကြက်သွန်နီကို ပါးပါးလှီးထည့်၊ မျှင်ငါးပိကို ဖျော်ထည့်ရပါသည်။

၃။ ရေအရမ်းဆူလာပါက ဆန်လှော်မှုန့်ကို ရေဖြင့်ဖျော်ပြီး ဟင်းရည်အိုးထဲသို့ ထည့်ရပါသည်။ အရည်ပျစ်ပျစ်ကြိုက်ပါက ဆန်မှုန့်ကို ပိုထည့်နိုင်ပါသည်။

၄။ ပြီးလျှင် အချိုမှုန့်၊ ဆားအနည်းငယ်ထည့်ပေးပါ။ ကြက်သား၊ ပုစွန်၊ ခရု တစ်မျိုးမျိုး ထည့်ပြီး မွှေပေးရပါသည်။

၅။ အားလုံးထည့်ပြီးပါက အသီးအရွက်စုံ ဆူးပုတ်၊ တညင်းသီး၊ ကြိမ်ခါးဖူး၊ ပင်စိမ်း၊ ရှမ်းနံနံ စသဖြင့် ထည့်ပြီး မွှေပေးရပါသည်။ (၂)မိနစ်လောက်ကြာပါက မီးဖိုပေါ်မှ ချပြီး သုံးဆောင်နိုင်ပါပြီ။

မျှစ်တာလပေါ့ ဟင်းထဲက မျှစ်ဖတ်ရဲ့ ကျွတ်ကျွတ်ချိုချိုအရသာ၊ ပင်စိမ်းရဲ့ မွှေးရနံ့၊ ငရုတ်ကောင်း၊ ငရုတ်သီးစိမ်းတို့ရဲ့ ရှူးရူးရှဲရှဲ စပ်စပ် အရသာ၊ အရွက်စုံ၊ ပုစွန်၊ ခရု၊ ကြက်သားတို့ရဲ့ ချိုတဲ့အရသာပေါင်းစပ်လိုက်ပါက အရသာထူးလှတဲ့ ထမင်းမြိန်စရာ ဟင်းကောင်းတစ်ခွက်ကို ရရှိလာပေသည်။

ဆီမပါ မျှစ်တာလပေါ့ ဟင်းပူပူနှင့် ရှောက်သီးသုပ် ချဥ်ချဥ်စပ်စပ်ကို တွဲဖက်စားသုံးမည်ဆိုပါက မိုးရာသီအေးအေးနှင့် အလွန်လိုက်ဖက်ညီတဲ့ စားဖွယ်တစ်ခုဖြစ်သွားပါတော့သည်။

မိုးရာသီကာလတွင် ပေါပေါများများရရှိသော ဝါးပိုးမျှစ်ဖြင့် ရိုးရာဟင်းတစ်မယ် ပြုလုပ်ပုံကို လေ့လာရေးသားတင်ပြလိုက်ရပါသည်။

ပင်လယ်ပြာ(ငါးဦးစီး)

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ