ဇွန် ၂၃ ရက်နောက်ပိုင်း မုန်တိုင်းငယ်တစ်ခု ဖြစ်လာနိုင်ပြီး အလယ်ပိုင်းနှင့် ရခိုင်မြောက်ပိုင်း မိုးရနိုင်

ဇွန် ၂၃ ရက်နောက်ပိုင်းမှာ ဘင်္ဂလားပင်လယ်အော်မြောက်ပိုင်းတွင် လေဖိအားနည်းရပ်ဝန်းတစ်ခု ဖြစ်လာနိုင်ပြီး အဲ့ဒီကနေ မုန်တိုင်းငယ်အဆင့်ထိ ဖြစ်လာနိုင်ကာ တကယ်လို့ ဖြစ်လာမယ်ဆိုရင် မြန်မာနိုင်ငံအလယ်ပိုင်းနဲ့ ရခိုင်ပြည်နယ်မြောက်ပိုင်းတွေမှာ မိုးရနိုင်တယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင်က ခန့်မှန်းပါတယ်။

ကမ္ဘာလုံးဆိုင်ရာ မိုးလေဝသခန့်မှန်းဝက်ဘ်ဆိုဒ်တွေဖြစ်တဲ့ WINDY နဲ့ ECMWF Model တွေရဲ့ ကြိုတင်ခန့်မှန်းချက်တွေအရဆိုရင် ဇွန်လ ၂၃ ရက် ညသန်းခေါင်ကျော်ကစလို့ ဘင်္ဂလားပင်လယ်အော်မြောက်ပိုင်း အိန္ဒိယနိုင်ငံ ကိုလ်ကတ္တားမြို့တောင်ဘက်မှာ ကုန်းတွင်းလေဖိအားနည်းရပ်ဝန်း စတင်ဖြစ်ပေါ်ရာမှ ပင်လယ်ပြင်သို့ရောက်ရှိပြီး မုန်တိုင်းငယ်တစ်လုံးအဆင့်သို့ ရောက်ရှိလာနိုင်တာကို တွေ့ရတယ်လို့ ဦးဝင်းနိုင်က သူ့ရဲ့ဖေ့စ်ဘုတ်အကောင့်မှာ ခန့်မှန်းဖော်ပြထားတာပါ။

‘ မုန်တိုင်းငယ်အဆင့်ကို ရောက်ပြီးတဲ့နောက် တောင်-အနောက်တောင်ဘက်ကို ဆက်လက်ရွေ့လျားပြီး အဲ့ဒီနေ့မှာညဘဲ အိန္ဒိယနိုင်ငံအရှေ့ဘက်ကမ်းခြေ Brahmapur မြို့အနီးမှ ကုန်းတွင်းကိုဝင်ရောက်ပြီးတော့ ကုန်းတွင်းမုန်တိုင်းအဖြစ် အနောက်ဘက်ကို ဆက်လက်ရွေ့လျားနိုင်မှာဖြစ်ကြောင်း တွေ့ရပါတယ်’ လို့လည်း ဦးဝင်းနိုင်က ဆိုပါတယ်။

မုန်တိုင်းငယ်ဖြစ်လာမယ်ဆိုရင် မုန်တိုင်းငယ်ရဲ့ အရှိန်ကြောင့် ရခိုင်ပြည်နယ်မြောက်ပိုင်းနဲ့ မြန်မာပြည်အလယ်ပိုင်းဒေသတွေမှာ လေပြင်းကျရောက်ပြီး မိုးကြီးနိုင်မယ့် အခြေအနေများဖြစ်လာနိုင်ကြောင်း ကြိုတင်ခန့်မှန်းချက်များမှာ တွေ့ရပါတယ်လို့လည်း သူက သုံးသပ်ထားပါတယ်။

“ တကယ်လို့ ဒီမုန်တိုင်းငယ်ဖြစ်လာရင် သူ့ညာဘက်က ကျနော်တို့အတွက် မိုးများများရနိုင်မှာပါ။ အခုအခြေအနေအတိုင်းဖြစ်ရင် အထူးသဖြင့် ရခိုင်ပြည်နယ်မြောက်ပိုင်းနဲ့ အလယ်ပိုင်းဒေသတွေအတွက် မိုးတွေရနိုင်မှာဖြစ်လို့ ကံကောင်းတာပါပဲ” လို့ ဦးဝင်းနိုင်က Green Way ကို ပြောပါတယ်။

ဒါဟာ ရက်ဝေးကြိုတင်ခန့်မှန်းချက်သာဖြစ်ပြီး လေပြင်းကျရောက်နိုင်ခြေနဲ့ မိုးကြီးနိုင်ခြေတွေရှိတာကြောင့်၊ ကြိုတင်ပြင်ဆင်နိုင်/သတိထားနိုင်အောင် တင်ပြပေးတာဖြစ်ပြီး နောက်လာမယ့် UPDATE DATA တွေအရ ဖြစ်လာနိုင်မယ့် ပြောင်းလဲမှုတွေကို ဆက်လက်စောင့်ကြည့်တင်ပြပေးသွားဦးမယ်လို့လည်း ဦးဝင်းနိုင်က ပြောထားပါတယ်။

နောက်ထပ်အနေနဲ့တော့ မုတ်သုံလေအားလျော့သွားလို့ မိုးပြတ်သလောက်ဖြစ်သွားတဲ့ ဧရာဝတီတိုင်းမှာလည်း ဇွန် ၂၃ - ၂၄ ရက် နောက်ပိုင်းမှာ မိုးပြန်ကောင်းလာနိုင်ပါတယ်လို့လည်း ဦးဝင်းနိုင်က Green Way ကို ပြောပါတယ်။

Photo Crd_Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...