ဖေဖော်ဝါရီ ၂၁ ရက်မှစ၍ မိုးရွာရန်ရှိသည့်ဒေသများ

အားပျော့သော လာနီညာအခြေအနေဆက်လက်ဖြစ်ပေါ်နေခြင်း၊ အရှေ့မြောက်မုတ်သုံလေအားကောင်းလျက်ရှိခြင်းနှင့် "အိန္ဒိယနီညို" ဟုခေါ်သော Indian Ocean Dipole Positive to Neutral ကူပြောင်းလျှက်ရှိသည့်အခြေအနေစသည်တို့ကြောင့် ..

ဖေဖော်ဝါရီလ ၂၁ ရက်နောက်ပိုင်းမှ စတင်၍-  မြန်မာနိုင်ငံတောင်ပိုင်းဒေသများတွင်လည်းကောင်း၊ ဖေဖော်ဝါရီ ၂၄ ရက်နေ့မှ စတင်၍ ရှမ်းပြည်နယ်၊ ဧရာဝတီတိုင်း၊ ပဲခူးတိုင်းအရှေ့ခြမ်းနှင့် ကရင်ပြည်နယ်၊ မွန်ပြည်နယ်၊ တနင်္သာရီတိုင်းတို့တွင် တိမ်ဖုံးအုပ်မှုပိုမိုလာပြီး အပူချိန်ငွေ့ရည်ဖွဲ့အမှတ် နီးစပ်သည့်အခါ မိုးအနည်းငယ် ရွာနိုင်ပါမယ်။

ရွာနိုင်တဲ့ ရာခိုင်နှုန်းနဲ့ မိုးရေချိန်ကတော့ ၁၀ မီလီမီတာ မှ ၁၅ မီလီမီတာခန့်သာ အများဆုံးဖြစ်နိုင်ပါဦးမယ်။

အာပျော့သည့်လာနီညာအခြေအနေဖြစ်ပေါ်နေခြင်းသည် မတ်လမှ မေလအတွင်း ကြားနေရာသီဥတု(Neutral)သို့ ကူးပြောင်းနိုင်မည့်အခြေအနေ ၆၆% ရှိကြောင်းကိုလည်း NOAA-Climate Prediction Center -CPC မှ ဖေဖော်ဝါရီ ၁၈ ရက်မှာ ကြိုတင်ခန့်မှန်းချက်အသစ်ထုတ်ပြန်ထားတာကြောင့် ရာသီဥတုပြောင်းလဲခြင်းအခြေအနေသည် ပုံမှန်သာရှိနေပါဦးမယ်။

၂၃-၂၅ ရက်အတွင်း မိုးအနည်းငယ်ပိုနိုင်တာတော့ ရှမ်းပြည်နယ်အရှေ့ပိုင်း တာချီလိတ်ဘက်မှာပါ။ ၂၄ နာရီအတွင်း ၁၅ မီလီမီတာ(၀.၆ လက်မ ခန့်)ရှိပါမယ်။ ကျန်ပြည်နယ်တိုင်းတွေမှာ အဲ့သလောက်အထိ မများနိုင်တာတွေ့ရပါတယ်။

တနင်္သာရီတိုင်းမှာတော့ မိုးရွာရက် ပိုများပြီး ၂၄ နာရီ မိုးရေချိန်တော့ ၁၅ မီလီမီတာမကျော်နိုင်ပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်