လာမည့်(၃)ရက်အတွင်း ဖြစ်ပေါ်လာနိုင်သော မိုးလေဝသအခြေအနေများ

ဇူလိုင် ၂၃ ရက် နံနက်ပိုင်း မြစ်ရေအခြေအနေသတင်းများ(မိုး/ဇလ)မှ တင်ပေးထားတဲ့ဇယားများအရ -

🔸 ဧရာဝတီနှင့် ချင်းတွင်းမြစ်ရေများ မြစ်အထက်ပိုင်းဒေသတွေမှာ ဖြည်းဖြည်းချင်းကျဆင်းလာနေတာတွေ့ရပြီး သံလွင်၊ စစ်တောင်း၊ ရွှေကျင်၊ ပဲခူး၊ သောင်ရင်း၊ ငဝန်၊ ဘီးလင်း စတဲ့မြစ်တွေမှာတော့ မြန်မာပြည်အောက်ပိုင်းဒေသတွေ မိုးများလာတာကြောင့် တဖြည်းဖြည်းချင်းရေတိုးနေတာတွေ့ရပါတယ်။

🔸 ပခုက္ကူ၊ ညောင်ဦး၊ မင်းဘူး၊ ဆိပ်သာ၊ ဟင်္သာတ၊ ဇလွန်၊ ငါးသိုင်းချောင်း၊ သာပေါင်း စတဲ့ မြို့များမှမြစ်ရေများကတော့ စိုးရိမ်ရေမှတ်အထက်မှာရှိနေဆဲဖြစ်ပြီး၊ ရေမျက်နှာပြင်ပြောင်းလဲမှုအခြေအနေက အများအားဖြင့် အတက်မှာရှိနေပါတယ်။ မြစ်အထက်ပိုင်းမှ ရေများသည်လည်း မြစ်အောက်ပိုင်းဒေသများကို ဆက်လက်စီးဆင်းနေဆဲဖြစ်ကြောင်းတွေ့ရပါမယ်။

နောက်လာမည့်(၃)ရက် - ဇူလိုင် ၂၃ ရက်မှ ၂၅ ရက်အတွင်း -

🔸 ချင်းတွင်းမြစ်နဲ့ ဧရာဝတီမြစ်များမြစ်ဖျားခံရာ စစ်ကိုင်းတိုင်းအထက်ပိုင်းနဲ့ ကချင်ပြည်နယ်၊ ရခိုင်ပြည်နယ်၊ ပဲခူးတိုင်း၊ ဧရာဝတီတိုင်း၊ ရန်ကုန်တိုင်း၊ နေပြည်တော်၊ ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်းတွေမှာ နေရာကွက်၍မိုးသည်းထန်နိုင်/မိုးများနိုင်ပြီး

🔸 မကွေးတိုင်း၊ မန္တလေးတိုင်း၊ စစ်ကိုင်းတိုင်းအောက်ပိုင်း၊ ချင်းပြည်နယ်၊ ရှမ်းပြည်နယ်နဲ့ ကယားပြည်နယ်တွေမှာတော့ မိုးအသင့်အတင့်မှ မိုးအနည်းငယ်သာ ရွာနိုင်ချေရှိကြောင်း တွေ့ရပါတယ်။

🔸 မိုးများနိုင်တဲ့ ပြည်နယ်တိုင်းတွေမှာ ၃ ရက်အတွင်း မိုးရေချိန် ၂၀၀ မီလီမီတာနှင့်အထက် ၃ ရက်အတွင်း မိုးရေချိန် ၈ လက်မခန့်)အထိရွာသွန်းနိုင်ပြီး မိုးနည်းနိုင်မဲ့ပြည်နယ်တိုင်းတွေမှာတော့ ၃ ရက်အတွင်း မိုးရေချိန် ၅ မီလီမီတာ(၀.၁၉ လက်မ ခန့်)မှ ၅၀ မီလီမီတာ(၂ လက်မခန့်)အထိ ရွာသွန်းနိုင်ကြောင်းတွေ့ရပါတယ်။

အချုပ်အားဖြင့် မြစ်ရေများပြန်လည်ကျဆင်းနေပြီး ပင်လယ်ရေထရက်လဲကျော်လွန်တော့မှာမို့ ပထမရေကြီးကာလ ပြီးဆုံးမဲ့အချိန်တဖြည်းဖြည်းနီးကပ်လာချိန်မှာ -

🔸 အရှေ့ဘက်တောင်တရုတ်ပင်လယ်မှ တိုင်ဖွန်းမုန်တိုင်းများဖြစ်ပေါ်နေခြင်း၊ အနောက်တောင်မုတ်သုံလေ အားကောင်းနေဆဲဖြစ်ခြင်း၊ တနိုင်ံလုံးမိုးဆက်လက်ရွာနေနိုင်ပြီး မိုးသည်းထန်တဲ့နေရာတွေလဲ ရှိနေဦးမှာဖြစ်ခြင်းတို့ကြောင့်

🔸 မိုးလယ်ကာလအတွင်း ပထမရေကြီးကာလသည် (ခန့်မှန်း - နောက် ၅ ရက်မှ ၆ ရက်ခန့်)အထိ မြစ်ရေကြီးနေတဲ့ ဒေသတွေမှာ ရေနဲ့ပတ်သက်သောသဘာဝဘေးများအန္တရာယ်များကို ဆက်လက်ရင်ဆိုင်ကြရဦးမှာဖြစ်ပါကြောင်း အသိပေးတင်ပြလိုက်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။