၃ ရက်အတွင်း မိုးသည်းထန်နိုင်မယ့် ဒေသများ

ဘင်္ဂလားပင်လယ်အော်တွင် အစပျိုးလာသည့် သိသာထင်ရှားခြင်းမရှိသေးသော လေဖိအားနည်းရပ်ဝန်းဟာ လက်ရှိအချိန်မှာ အားနည်းနေဆဲဖြစ်ပြီး(ရေပြင်ညီလေတိုက်နှုန်း တစ်နာရီ ၂၅ မိုင်ခန့်သာရှိနေသေးသည်)။ တိမ်ထုစုဖွဲ့မှုသည်လည်း သိသာထင်ရှားခြင်းမရှိသေးတာကြောင့် သက်ဆိုင်ရာမိုးလေဝသဌာနများမှ တရားဝင်ထုတ်ပြန်ကြေညာခြင်းမရှိသေးပါ။ အိန္ဒိယမိုးလေဝသဌာနကတော့ ၂၃ ရက်နေ့မှာ လေဖိအားနည်းရပ်ဝန်းဖြစ်လာနိုင်ကြောင်း ကြိုတင်ခန့်မှန်းကြေညာထားပါတယ်။

လေစီးကြောင်းများအခြေအနေကိုလေ့လာဆန်းစစ်ကြည့်တဲ့အခါ စက်တင်ဘာ ၂၂ ရက် နေ့လည် ၁၂ နာရီမှာ ECMWF, GFS နဲ့ ICON model များက ရတဲ့အချက်အလက်တွေအရ -

ပင်လယ်ရေပြင်ညီအမြင့်(MSL)မှ အမြင့်ပေ ၅၀၀၀(850hPa height)နဲ့ အမြင့်ပေ ၁၄,၀၀၀ အထိ လက်ဝဲရစ်လေစီးကြောင်းဆက်စပ်ဖြစ်ပေါ်နေပြီးဖြစ်တာကြောင့် မြောက်လတ္တီတွဒ် 14.733°N, အရှေ့လောင်ဂျီတွဒ် 87.948°E မှာ လေဖိအားနည်းရပ်ဝန်းဖြစ်နေပြီလို့ ပြောလို့ ရပါပြီ။

လက်ရှိတွေ့ရတဲ့ အထက်အမြင့်လေထုလွှာအတွင်းမှ လေဖိအားနည်းဗဟိုချက်က အနောက်-အနောက်တောင်ဘက်ကိုတိမ်းစောင်းနေတာကြောင့် အနောက်ဘက်ကိုဆက်လက်ရွေ့လျားနိုင်ကြောင်း၊ မြန်မာနိုင်ငံဘက်ကို ဦးတည်ရွေ့လျားမှာမဟုတ်ကြောင်း ပထမဆုံးတင်ပြလိုပါတယ်။

ဒုတိယတချက်အနေနဲ့ ဒီလေဖိအားနည်းရပ်ဝန်းရဲ့အရှိန်ကြောင့် သူ့ရဲ့ညာဘက်ခြမ်း၊ မြန်မာနိုင်ငံအတွင်းမှ ရခိုင်ပြည်နယ်၊ ကချင်ပြည်နယ်၊ စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ချင်းပြည်နယ်တောင်ပိုင်း၊ ရှမ်းပြည်နယ်တောင်ပိုင်း၊ ကယားပြည်နယ်၊ ပဲခူးတိုင်း(အရှေ့ခြမ်း)၊ ဧရာဝတီတိုင်းကရင်ပြည်နယ်၊ မွန်ပြည်နယ်နဲ့ တနင်္သာရီတိုင်းတွေမှာ နောက်လာမဲ့ ၇၂ နာရီ(၃ ရက်အတွင်း)မိုးရေချိန် တစ်ရက်ပျမ်းမျှ ၃၀ မီလီမီတာအထက်ရွာသွန်းပြီး မိုးသည်းထန်နိုင်မဲ့အခြေအနေများဖြစ်ပေါ်နိုင်ပါတယ်။

ပုံမှာ ၃ ရက်အတွင်းရွာသွန်းနိုင်မဲ့မိုးရေချိန်အနည်းအများကြည့်ရန် အရောင်အညွှန်းထည့်ပေးထားပါတယ်။

ည ၂ နာရီ ၈ မိနစ်မှာတော့ လေပွေလှိုင်းနဲ့ မုန်တိုင်းအကြွင်းအကျန်တိမ်တွေက ဧရာဝတီတိုင်းအနောက်ဘက် ချောင်းသာ၊ ငွေဆာင်ကမ်းခြေများအပေါ်ကို ရောက်သွားပါပြီ။ ဒါတွေက အစပျိုးနေဆဲ လေဖိအားနည်းရပ်ဝန်းဆီရောက်သွားကြပါလိမ့်မယ်။ မြန်မာတစ်နိုင်ငံလုံးက မုတ်သုံဆုတ်ခွာချိန် အောက်တိုဘာ ၁၅ ရက်ဝန်းကျင်မှဖြစ်ပြီး မိုးလွန်ကာလက နိုဝင်ဘာ ၃၀ ရက်မှ ပြီးပါမယ်။ နှစ်အကုန် လာနီညာဖြစ်နိုင်ချေက ၇၁% အထိလျော့သွားတာကြောင့် လာနီညာသက်ရောက်မှုက အတော်နည်းသွားပါလိမ့်မယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်