ဘင်္ဂလားပင်လယ်အော်ထဲက မုန်တိုင်းငယ်ရဲ့ မြန်မာနိုင်ငံအပေါ်သက်ရောက်မှုများ

ပြီးခဲ့သည့် မိုးလေဝသခန့်မှန်းချက်များတွင်  ထိုင်းပင်လယ်ကွေ့ဘက်မှဝင်လာတဲ့ လေပွေလှိုင်းက ကပ္ပလီပင်လယ်တောင်ပိုင်းကတဆင့် ဘင်္ဂလားပင်လယ်အော်ထဲကိုရောက်လာပြီး နိုဝင်ဘာလ ၁၅ ရက်မှာ အားကောင်းတဲ့လေဖိအားနည်းရပ်ဝန်းဖြစ်လာမယ်ဆိုပြီး ခန့်မှန်းခဲ့ဖူးပါတယ်။ အခုUpdate ဒေတာ နံနက် ၃ နာရီ ၁၅ မိနစ်မှာ ထိုအားကောင်းသော လေဖိအားနည်းရပ်ဝန်းဟာ မုန်တိုင်းငယ်ဖြစ်လာပြီးဆိုပြီး တွေ့ရပါတယ်။

ဆိုတော့ နိုဝင်ဘာ ၁၆-၁၇-၁၈ နှင့် ၁၉ ရက်နေ့များမှာ မုန်တိုင်းငယ်ရဲ့ မြန်မာနိုင်ငံအပေါ် အကျိုးသက်ရောက်မှုများ

🔸 INVEST-94B မုန်တိုင်းအဖြစ်ရောက်ရှိပြီး အိန္ဒိယ-ဘင်္ဂလားဒေ့ရှ်နယ်စပ်အနီးကို ချဉ်းကပ်လာချိန် (ခန့်မှန်း နိုဝင်ဘာလ ၁၇၊ ၁၈ နဲ့ ၁၉ ရက်များ)မှာ ဧရာဝတီမြစ်ဝကျွန်းပေါ်ဒေသကစပြီး ဧရာဝတီမြစ်တလျှောက်၊ ချင်းတွင်းမြစ်တလျှောက်နဲ့ ရှမ်းပြည်နယ်မြောက်ပိုင်းတွေမှာ မိုးသက်လေပြင်းများကျရောက်နိုင်တဲ့အခြေအနေတွေ ဖြစ်ပေါ်နိုင်ပါတယ်။

🔸 ရခိုင်ပြည်နယ်၊ ချင်းပြည်နယ်၊ မကွေးတိုင်း၊ စစ်ကိုင်းတိုင်း၊ မန္တလေးတိုင်း၊ ကချင်ပြည်နယ်၊ ရှမ်းပြည်နယ်၊ နေပြည်တော်၊ ဧရာဝတီတိုင်း၊ ပဲခူးတိုင်း၊ ရန်ကုန်တိုင်းတွေမှာ မိုးသက်လေပြင်များကျရောက်ပြီး မိုးများနိုင်ပါတယ်။

🔸 ရခိုင်ပြည်နယ်၊ ချင်းပြည်နယ်၊ မကွေးတိုင်း၊ စစ်ကိုင်းတိုင်း၊ မန္တလေးတိုင်း၊ ကချင်ပြည်နယ်၊ ရှမ်းပြည်နယ်၊ နေပြည်တော်တွေမှာတော့ မိုးပိုများနိုင်ပါမယ်။

🔸 မွန်ပြည်နယ်၊ ကရင်ပြည်နယ်နဲ့တနင်္သာရီတိုင်းတွေမှာတော့ လေပြင်းများကျရောက်နိုင်ပြီး နေရာကွက်ကာ မိုးထစ်ချုန်းရွာနိုင်ပါတယ်။

🔸 လေပြင်းတိုက်ခတ်ချိန် တစ်နာရီ ၁၅ မိုင်မှ မိုင် ၃၀ ခန့်အထိတိုက်ခတ်နိုင်ပြီး ကမ်းနီးပင်လယ်ပြင်များမှာ လှိုင်းအမြင့် ၅ ပေမှ ၇ ပေခန့်အထိ ရှိနိုင်ပါတယ်။

Photo - ဦးဝင်းနိုင်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more