'ကမ္ဘာ့ပင်လယ်ကဏန်းမြို့တော်’ ဆိုပြီး ပရိုမိုးရှင်းဆင်းမယ့် ထိုင်းတောင်ပိုင်းက ပတ္တနီစီရင်စု

ပတ္တနီစီရင်စုမှာ ‘ကမ္ဘာ့ပင်လယ်ကဏန်းမြို့တော်’ ကြီး အစပြုတော့မှာကို ထိုင်းဝန်ကြီးချုပ် ပရာယွတ် ချန်အိုချာကလည်း ကျေနပ်အားရတဲ့ပုံ ပြပါတယ်။

ပတ္တနီကို ပင်လယ်ကဏန်းထုတ်လုပ်ရေးလုပ်ငန်းရဲ့ ဗဟိုချက်ဖြစ်လာစေဖို့ အစိုးရအဖွဲ့ဘက်ကလည်း လိုအပ်တဲ့ ထုတ်လုပ်ရေးပစ္စည်းတွေ ထောက်ပံ့ပေးသွားမှာပါ။

ရေလုပ်ငန်းနဲ့ပတ်သက်လို့ သားဖောက်မွေးမြူရေးအဆောက်အဦတစ်ခု အဆင်သင့်ဖြစ်နေပြီဆိုတဲ့ တောင်ပိုင်းနယ်စပ်စီရင်စုများ အုပ်ချုပ်ရေးစင်တာရဲ့ ရှင်းလင်းတင်ပြမှုကို မကြာသေးခင်ကပဲ ဝန်ကြီး ချုပ်က လက်ခံနားထောင်ခဲ့တယ်လို့ အစိုးရရဲ့ လက်ထောက်ပြောရေးဆိုခွင်ရှိသူ ရေရှတာဒါနာဒီရစ်က ပြောပါတယ်။

ဒီအဆောက်အဦကိုတော့ လာမယ့် ဒီဇင်ဘာလ ၁၉ ရက်နေ့မှာ တရားဝင်ဖွင့်လှစ်သွားမှာ ဖြစ်ပါတယ်။

ပတ္တနီစီရင်စုမှာရှိတဲ့ ဆောင်ကလာတက္ကသိုလ်ရဲ့ သိပ္ပံနှင့် နည်းပညာမဟာဌာနက ဦးစီးလည်ပတ် သွားမယ့် ဒီအဆောက်အဦကနေ ငါးလုပ်ငန်းတောင်သူတွေဆီ အထွက်နှုန်းတိုး နည်းပညာ အစီအစဉ် တွေနဲ့အတူ ကဏန်းသားပေါက် ၁ သိန်းထိ ၂၀၂၃ ဇန်နဝါရီလမှာ ဖြန့်ဖြူးပေးသွားဖို့ရှိပါတယ်။

ထိုင်းပင်လယ်ကွေ့နဲ့ ကပ္ပလီပင်လယ် နှစ်ခုလုံးကို လွှမ်းခြုံမှုရှိတဲ့ ပတ္တနီ၊ ဆောင်ကလာ၊ ကရာဘီနဲ့ ဆာတွန် စီရင်စုတွေမှာ သားဖောက်အဆောက်အဦတွေ ထပ်ပြီးတော့ဆောက်လုပ်ဖို့ကိုလည်း အာဏာပိုင်တွေက စီစဉ်နေကြပါတယ်။

ပတ္တနီစီရင်စုဟာ မလေးရှားနိုင်ငံသားတွေရဲ့ မဖြစ်မနေ လည်ပတ်စရာနေရာတစ်ခုဖြစ်လာစေဖို့ထိ ဒေသအစားအစာတွေနဲ့ ဈေးကွက်မြှင့်တင်ဆွဲဆောင်သွားဖို့လည်း သူတို့တွေက စီစဉ်နေပါတယ်။

သတ်မှတ်ရန်လည်း စီစဉ်နေကြပါသေးတယ်။ ပြည်နယ်အတွင်းမှာရှိတဲ့ စားသောက်ဆိုင်တွေအနေနဲ့ တံငါသည်တွေဆီကနေ ကဏန်းများကို တိုက်ရိုက်ဝယ်ယူပြီး အဓိကဟင်းလျာအနေနဲ့ ကဏန်းဟင်း တွေကို အသားပေး ဆွဲဆောင်ထားမှာ ဖြစ်ပါတယ်။

ပတ္တနီစီရင်စုကို ပင်လယ်ကဏန်းမြို့တော်အဖြစ် အစပျိုးမှုမှာ လယ်လုပ်သူ အိမ်ထောင်စု ၇၀၀ ပါဝင်တဲ့ တောင်သူအဖွဲ့ ၃၅ ဖွဲ့ ပါဝင်သွားမှာဖြစ်ပါတယ်။ ဒီအိမ်ထောင်စုတွေဟာဆိုရင် ပုစွန်မွေးမြူရေးကြောင့် တစ်ကြိမ်ပျက်စီးသွားတဲ့ လယ်ယာမြေတွေကို အသစ်တဖန်ပြန်လည်အသုံးချရေးကမ်ပိန်းမှာ ပါဝင်နေ ကြသူတွေလည်း ဖြစ်ပါတယ်။

ဒီကြိုးပမ်းမှုထဲမှာပါဝင်မယ့် သားဖောက်ခြင်း၊ မွေးမြူခြင်းနဲ့ ဈေးကွက်ချဲ့ထွင်ခြင်းစတဲ့ ပြည့်စုံ ကျယ်ပြန့် တဲ့ ချဉ်းကပ်မှုတွေကြောင့် ဒေသခံအဖွဲ့အစည်းတွေအနေနဲ့ ဝင်ငွေပိုမိုရရှိစေနိုင်ဖို့ ယုံကြည်တယ်လို့ ထိုင်းအစိုးရက ဆိုပါတယ်။

Ref: https://bit.ly/3hydPr5

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ