ကောင်းမွန်သောစိုက်ပျိုးရေးအလေ့အကျင့်(GAP )ဖြင့် မြန်မာ့ငှက်ပျောကို စတင်ထုတ်လုပ်နေ

    မြန်မာ့ငှက်ပျောကို ကောင်းမွန်သောစိုက်ပျိုးရေးအလေ့အကျင့် ( GAP) ဖြင့် စိုက်ပျိုးထုတ်လုပ်နိုင်ဖို့အတွက် စတင်ထုတ်လုပ်နေကြောင်း မြန်မာနိုင်ငံငှက်ပျော စိုက်ပျိုးထုတ်လုပ် တင်ပို့ရောင်းချသူများ အစုအဖွဲ့မှ သိရပါတယ်။

    မြန်မာ့ငှက်ပျောကို ကောင်းမွန်သောစိုက်ပျိုးရေးအလေ့အကျင့်GAPနဲ့ စိုက်ပျိုးပြီး စျေးကွက်ရရှိနိုင်ရေးအတွက် စီစဉ်ဆောင်ရွက်နေကြောင်း မြန်မာနိုင်ငံငှက်ပျောစိုက်ပျိုးထုတ်လုပ် တင်ပို့ရောင်းချသူများအစုအဖွဲ့မှ နည်းပညာနဲ့ စျေးကွက်ရှာဖွေရေးတာဝန်ခံ ဦးဒေါမနစ်က ပြောပါတယ်။

GAP ထုတ်ကုန် စပြီးထုတ်ထားပါတယ်။ တောင်သူအယောက်(၂၀)လောက်နဲ့ စပြီးစိုက်တယ်။ လက်မှတ်ရပြီးတာနဲ့ လက်မှတ်ပေးရမယ့် တောင်သူတွေတော့ရှိတယ်။ ကျန်တာတွေက စိုက်ချိန်လွန်သွားလို့ လက်မှတ်မရသေးတာ နည်းစနစ်မကျလို့ လက်မှတ်မရတာ အဲဒါတွေလည်းရှိတယ်

    မြန်မာငှက်ပျောစိုက်တောင်သူ အယောက် (၂၀) ဖြင့် GAPထုတ်ကုန်ကို စလုပ်နေကြောင်းလည်း အဆိုပါအစုအဖွဲ့မှ သိရပါတယ်။

    မြန်မာ့ငှက်ပျော GAP လက်မှတ်ရရှိသူ (၂) ဦးနဲ့ လက်မှတ်ပေးအပ်ရန် (၄) ဦးရှိပြီး စုစုပေါင်း (၆) ဦးသာရှိနေသေးကြောင်း မြန်မာနိုင်ငံ ငှက်ပျောစိုက်ပျိုးထုတ်လုပ် တင်ပို့ရောင်းချသူများအစုအဖွဲ့မှ သိရပါတယ်။ 

တိုးတိုးခိုင်(ABM)