ကြံမျိုးကောင်းမျိုးသန့်များနဲ့ ထွက်နှုန်းများအတွက် တောင်သူများကို နည်းပညာအကူအညီများအခမဲ့ကူညီပေးသွားမည်

   ကြံသုတေသနခြံများမှထွက်ရှိတဲ့ မျိုးကောင်းမျိုးသန့်များကို တောင်သူများအနေနဲ့ ဝယ်ယူ အသုံးပြု စိုက်ပျိုးပါက နည်းပညာအကူအညီများ အခမဲ့ကူညီပေးသွားမှာဖြစ်ကြောင်း သကြားထွက်သီးနှံဌာနခွဲမှသိရပါ တယ်။

   ကြံမျိုးကောင်းမျိုးသန့်အသုံးပြုပြီး ကြံသီးနှံအထွက်နှုန်းကောင်းစေရန်အတွက် နည်းပညာများပေး သွားမှာဖြစ်ကြောင်း သကြားထွက်သီးနှံဌာနခွဲမှ ညွှန်ကြားရေးမှူး ဒေါ်ရည်ရည်မွန် ကပြောပါတယ်။

   “တောင်သူကို မြေစမ်းပေးမယ်။ တန်(၄၀)နဲ့အထက် ထွက်ဖို့ဆိုရင် ဘယ်လိုသုံးရမယ်ဆိုပြီး ပြောပြမယ်။ (၁၀) ဧကအထက်ဆို ကြံစိုက်စက်နဲ့လာစိုက်ပေးမယ်။ ခြံတွေနဲ့ အနီးအနားရှိတဲ့ဧရိယာပဲ လုပ်နိုင်မယ်။ မျိုးကောင်းမျိုးသန့်တွေအသုံးပြုပြီး ကြံသီးနှံထွက်နှုန်းကောင်းအောင် နည်းပညာတွေပေးသွားမှာပါ”

   ကြံမျိုးကောင်းမျိုးသန့်များကို တစ်ဧကနှင့်အထက်ဝယ်ယူပါက မြေနမူနာစစ်ဆေးပြီး မြေသြဇာ နှုန်းထားများ ထောက်ခံချက်ပေးခြင်း ၊ မြေသြဇာကိုလည်း အခမဲ့ပေးခြင်းအပြင် စိုက်ပျိုးရာမှ ခုတ် သိမ်းတဲ့အထိ နည်းပညာအကူအညီများ ဆောင်ရွက်ပေးသွားမှာဖြစ်ကြောင်း သိရပါတယ်။

   သုတေသနနဲ့မျိုးသန့်မျိုးခြံများတည်ရှိရာ မြို့နယ်အတွင်းရှိ တောင်သူများအနေနဲ့ (၁၀) ဧကနဲ့အ ထက်စိုက်ပျိုးရန် ကြံစိုက်စက်ဖြင့် အခမဲ့စိုက်ပျိုးခြင်းများကို လုပ်ဆောင်ပေးသွားမှာဖြစ်ကြောင်း သိရပါတယ်။

   အဆိုပါကြံမျိုးကောင်းမျိုးသန့်များအတွက် ဝယ်ယူစိုက်ပျိုးရန် စိတ်ပါဝင်စားတဲ့တောင်သူများအနေနဲ့ သကြားထွက်သီးနှံဌာနခွဲ(ရုံးချုပ်) ဖုန်းနံပါတ် ၀၆၇-၄၃၁၁၂၃ ကို ဆက်သွယ်စုံစမ်းမေးမြန်းနိုင်ကြောင်း သိရပါတယ်။ 

တိုးတိုးခိုင်(ABM)