ဆန်ဈေးများပြန်ကျ..

ယနေ့ဩဂုတ် ၂၈ ရက် ရန်ကုန် ဝါးတန်းဈေးကွက်မှာ ပေါ်ဆန်းဆန်တစ်အိတ် ၁၀၀၀၀ - ၂၀၀၀၀ ကျပ်အထိ ကျဆင်းသွားကြောင်း လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) ရဲ့ ဈေးနှုန်းပေးပို့ချက်အရ သိရပါတယ်။

ကျပ် ၂၀၀၀၀ တန် ငွေစက္ကူသစ်ထွက်မယ်ကြေညာပြီးကတည်းက ၅ ပတ်ဆက်တိုက် တက်ခဲ့တဲ့ ဆန်ဈေးဟာ ဒီတစ်ပတ်မှာတော့  အကျဘက်​ပြန်ရောက်သွားခဲ့တာပဲဖြစ်ပါတယ်။

ဘယ်ဆန်အမျိုးအစားတွေ ဘယ်လောက်ဈေးအပြောင်းအလဲဖြစ်သွားလဲဆိုတာကိုတော့ အောက်ပါ ဇယားကွက်မှာ ကြည့်နိုင်ပါတယ်။ 

ဆန်ဈေးတွေတက်နေချိန်ကာလမှာမြန်မာနိုင်ငံဆန်စပါးအသင်းချုပ်အနေနဲ့ ဧည့်မထ ဆန်တစ်ပြည်ကို ၂၅၀၀ ကျပ်နှုန်းဖြင့် ရန်ကုန်တိုင်းဒေသကြီးအတွင်း ဆန်ဆိုင်အချို့မှာ ရောင်းချပေးတာမျိုး ရှိခဲ့တယ်လို့ သိရပါတယ်။

ဒါ့အပြင် ရခိုင်ပြည်နယ်သို့ အိတ် (၂) သိန်း၊ မွန်ပြည်နယ်သို့ အိတ် (၂၀၀၀)၊ မကွေးတိုင်းသို့ အိတ် (၁၀၀၀)နှင့် ကရင်ပြည်နယ်သို့ အိတ် (၂၀၀၀) ကို မကြာမီရက်ပိုင်းက ပေးပို့ထားကာ ပြည်ထောင်စုတစ်ခုလုံး ဆန်စျေး တည်ငြိမ်စေရန် နှင့် ကျဆင်းစေရန် ပုဂ္ဂလိက အခန်းကဏ္ဍမှနေ၍ ကြိုးပမ်းဆောင်ရွက်လျက်ရှိနေပါတယ်လို့ ထုတ်ပြန်ကြေညာထားပါတယ်။

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။