အင်တာနက်ဆိုတာ ဘာလဲဗျ?
“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ပြန်လည်ရောက်ရှိလာပြန်ပါပြီ ခင်ဗျ။ ယခင်တစ်ပတ်ကတော့ အိုင်စီတီ (သတင်းနှင့် ဆက်သွယ်ရေးနည်းပညာ) အကြောင်း မျှဝေပေးခဲ့တာ ဖြစ်ပါတယ် ခင်ဗျ။ ယခု တစ်ပတ်မှာတော့ အင်တာနက် အကြောင်းကို မျှဝေပေးသွားမှာ ဖြစ်ပါတယ်။
တောင်သူ ဦးလေး ဒေါ်လေးတို့ အသုံးပြုနေကြတဲ့ အင်တာနက်အကြောင်း သိကြလားခင်ဗျ။ “အင်တာ” (Inter) ဆိုတဲ့ စကားလုံးက အတွင်းပိုင်း၊ အပြန်အလှန် စသည်ဖြင့် ဆိုလိုပါတယ်။ “နက်” (net) ဆိုတာကတော့ ပိုက်ကွန်လို၊ ပင့်ကူအိမ်လို ချိတ်ဆက်ခြင်း သဘောကိုဆိုလိုတာ ဖြစ်ပါတယ်။ အဲဒီတော့ အင်တာနက်ရဲ့အဓိပ္ပာယ်ကို ဘာသာပြန်ဆိုလိုက်ရင် ကွန်ယက်အချင်းချင်း အပြန်အလှန် ချိတ်ဆက်မှုများလို့ အလွယ်ခေါ်ဆိုနိုင်ပါတယ်။ အမြဲဖွင့်ထားတဲ့ Server (ဆာဗာ) ကွန်ပျူတာကို ချိတ်ဆက်ထားပြီးအပြန်အလှန် စီးမြောနေတဲ့ နည်းပညာလို့လည်း မှတ်သားထားနိုင်ပါတယ်။
တစ်နည်းအားဖြင့် အင်တာနက် ဆိုတာ ကမ္ဘာကြီးကို ရွာကြီးတစ်ရွာကဲ့သို့ နီးစပ်မြန်ဆန်အောင် ဆောင်ရွက်ပေးနိုင်တဲ့ အရာတစ်ခုဖြစ်ပါတယ်။ ကမ္ဘာကြီးကို အင်တာနက်ပေါ်ကနေ လှည့်ပတ်ကြည့်ရှုနိုင်သလို ကမ္ဘာတစ်ဝန်း ဖြစ်ပျက်နေတာတွေကိုလည်း အချိန်နဲ့ တပြေးညီ သိရှိနိုင်ပါတယ်။ ကိုယ်မသိသေးတဲ့ အရာတွေ၊ သိချင်တဲ့ အရာတွေကိုလည်း ရှာဖွေစူးစမ်း လေ့လာနိုင်ပါသေးတယ်။ ဒါ့အပြင် စာတစ်စောင်ကို မိနစ်ပိုင်းအတွင်း ကမ္ဘာ့အစွန်းတစ်ဖက်မှနေပြီး နောက်တစ်ဖက်ကိုလည်း ပေးပို့နိုင်ပါတယ်။ အင်တာနက်ဟာ စီးပွားရေး၊ ပညာရေး၊ နိုင်ငံရေး၊ ကျန်းမာရေး၊ သိပ္ပံပညာ၊ သုတေသန စသည့်ဖြင့် နယ်ပယ်နေရာမျိုးစုံမှာ ပါဝင်လျက်ရှိနေပါတယ်။ ဒါကို Network (ကွန်ယက်) အစုအဝေးလို့လည်း သိထားနိုင်ပါတယ်။ အင်တာနက်လိုင်းကိုတော့ ဒစ်ဂျစ်တယ်နည်းပညာ အသုံးပြုထားတဲ့ ပစ္စည်း ကိရိယာ (ဖုန်း၊ ကွန်ပျူတာ) စတာတွေနဲ့ ချိတ်ဆက်ပြီး အသုံးပြုနိုင်တာပဲ ဖြစ်ပါတယ်ခင်ဗျ။
အပတ်စဥ် တနင်္လာနေ့တိုင်း ယခုအစီစဥ်လေးကို ဖော်ပြမှာ ဖြစ်လို့ စောင့်ကြည့်ပေးကြပါအုံး ခင်ဗျ။ ယခင်တစ်ပတ်က အိုင်စီတီ ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။
နောက်တစ်ပတ်မှာ ပြန်လည်ဆုံတွေ့ကြပါဦးစို........
နည်းပညာမိတ်ဖက်အဖွဲ့
Greenovator
ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။
နည်းပညာမိတ်ဖက်အဖွဲ့ အားလုံးဆက်စပ်မေးခွန်းများ
အရင်နှစ်ကမြစ်ခြောက်ဆွေးရောဂါတေကြောင့်အပင်တေသေပါတယ် ဘယ်လိုမျိုးစေ့လူးနယ်ဆေးကိုသုံးရမလဲဗျ ပဲတီစိမ်းကိုထွန်ခင်းလုပ်မှာပါ
ဦးစောမောင်ဌေး • ဖြေကြားချက် 3 ခု
ဆရာတို့ခင်ဗျာ ပြောင်းပင်များ ပြောင်းဖူး ဖူးချိန်တွင် မုန့်ဖုတ်ဆော်ဒါအား အပင်ခြေပုံခြင်း ဖြင့်လည်းကောင်း အရည်ဖျော်၍ ဖျန်းပေးခြင်းဖြင့်လည်းကောင်း အဖူးထွားသည်ဟု ပြောကြပါသည်။ သို့ဖြစ်ပါ၍ ထိုအယူအဆမှာ မှန်ကန်ခြင်း ရှိ/မရှိ သိပါရစေဗျာ။ ပြောင်းစိုက်ပျိုးရေးအတွက် အသင့်တော်ဆုံးဖြစ်မယ့် မြေသြဇာကိုလည်း သိပါရစေခင်ဗျာ။ အောက်ပါပုံတွင် ပါရှိသော ပြောင်းပင်တွင်ကျရောက်နေသည့် မှိုရောဂါအတွက် မည်သို့ကုသရမည် ဆိုသည်ကိုလည်း ညွှန်ကြားပေးပါခင်ဗျာ။
ဦးနိုင်လင်းထွန်း • ဖြေကြားချက် 0 ခု
သဘာဝမြေသြဇာကို ကိုယ်တိုင်ထုတ်လုပ်ရောင်းချချင်တာပါ။ဘယ်လိုအရာတွေကိုပေါင်းစပ်ထုတ်လုပ်ရမလဲဗျ နည်းပညာသိသူများမျှဝေပေးပါဦး
YeMinZaw • ဖြေကြားချက် 4 ခု
ထရိုင်ကိုဒါးမားဘယ်မှာဝယ်ရမလဲ မှုံရွာကပါ မှိုကြချိန်အသုံးပြုလို့အဆင်ပြေးလားဗျ
ko moe • ဖြေကြားချက် 1 ခု
ဖြေပေးပါအူးဗျာ နွားစာမရှိလို့ ပဲလွန်းနဲ့ ပြောင်းဖူးကျဲ ချင်ပါတယ် မကွေးတိုင်းချောက်မြို့နယ်မှာ မိုးရနိုင်သေးလားဗျ ကျဲသင့်မကျဲသင့်အကြံပေးပါအူးဗျ
U Yan • ဖြေကြားချက် 2 ခု
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
တစ်ပတ်စာ ဈေးကွက်သုံးသပ်ချက် (၁၆-၂၀.၁၁.၂၀၂၆)
20/11/2026
စိုက်ခင်းအတွင်း နွားချေးအစိမ်း သုံးမိရင် ကြုံရမယ့် အန္တရာယ် ၃ မျိုး
20/11/2026
ရှမ်းပြည်ထွက် ကုန်စိမ်းများ ဈေးတက်နေ
19/11/2026
အရည်အသွေးကောင်းပြီး အထွက်နှုန်းမြင့်သည့် သီးနှံစိုက်ခင်းများကို ရရှိစေသည့် ဇီဝမြေဩဇာဆိုသည်
19/11/2026
ဝက်ခြံဖမ်းဈေး ကျဆင်းသော်လည်း အသားဈေး ကျပ် ၃၀,၀၀၀ အထက်တွင် ရှိနေ
18/11/2026
More from Green Way
အားလုံး
ဗီဒီယို
ကုန်ကျစရိတ်သက်သက်သာနဲ့ နှစ်ပတ်အကြာမှာ စတင်အသုံးပြုနိုင်တဲ့ စူပါဘိုကာရှီ
16/11/2026
ဗီဒီယို
GPS မဖွင့်ဘဲ မိုးလေဝသ ကြည့်လို့ရပြီ
06/11/2026
ဗီဒီယို
ပေါင်းစပ်လယ်ယာစနစ်: လယ်ယာလုပ်ငန်းများ ပေါင်းစပ်ခြင်းမှ ရေရှည်တည်တံ့သော အကျိုးကျေးဇူးများဆီသို့
03/11/2026
အဘိဓမ္မာအခါတော်နေ့ဆုတောင်း (မြန်မာသက္ကရာဇ် ၁၃၈၈ ခုနှစ်)
26/10/2026
အစိမ်းရောင်လမ်းကို ကူညီပံ့ပိုးနေသော ဆရာ၊ ဆရာမများသို့
26/10/2026