ဒန့်သလွန်အပင်နှင့် ကျန်းမာရေး

ဒန့်သလွန်အပင်သည် ကျန်းမာရေးနှင့် အလွန်ညီညွှတ်သော အပင်ဖြစ်ပါသည်။ ထို့ကြောင့် ဆရာဝန်များသည် ဒန့်သလွန်နှင့် ပတ်သက်သော သုတေသနများ လုပ်ခဲ့ကြ ပါသည်။ ဒန့်သလွန်ကို စားသုံးခြင်းဖြင့် အောက်ပါအကျိုးကျေးဇူးများ ရရှိနိုင်ပါသည်။

၁။ ဒန့်သလွန်တွင် အာဟာရဓာတ်များစွာပါဝင်ခြင်း

အများစုသည် ဒန့်သလွန်အပင်ကို အရွက်နှင့် အသီးတို့ကို စားသုံးကြပါသည်။ ဒန့်သလွန်တွင် ပါဝင် သော အာဟာရဓာတ်များမှာ-

• ဗီတာမင် A

• ဗီတာမင် B1, B2, B3, B6

• ဗီတာမင် C

• ပရိုတီး

• ကယ်လ်ဆီယမ်

• ပိုတက်ဆီယမ်

• အိုင်းရွန်း

• မက်ဂနီဆီယမ်

• ဖော့စ်ဖောရပ်စ် တို့ဖြစ်ကြပါသည်။

ဒန့်သလွန်အရွက်အစိုနှင့် အရွက်ခြောက်တို့၏ အာဟာရပါဝင်မှု

ထို့ကြောင့် အချို့သောနိုင်ငံများတွင် ဒန့်သလွန်အရွက်ခြောက်များကို ဖြည့်စွက်စာ အနေနှင့်စားသုံးကြပါသည်။ ဖွံ့ဖြိုးဆဲနိုင်ငံများတွင် ဗီတာမင်နှင့် ပရိုတီးချို့တဲ့မှုများ တွေ့ရများသောကြောင့် ဒန့်သလွန်ပင်သည် ဖွံ့ဖြိုးဆဲနိုင်ငံများတွင် အရေးကြီ:သော အရင်းမြစ်တစ်ခု ဖြစ်ပါသည်။ ဒန့်သလွန်အသီးနှင့် အရွက်တွင် ဗီတာမင်များပါဝင်မှုများ မတူကြပါ။ အသီးတွင် ဗီတာမင် အများစု ပါဝင်မှုနည်းသော်လည်း ဗီတာမင်A ပါဝင်မှု အရွက်ထက်များပါသည်။

၂။ သွေးထဲရှိ သကြားပမာဏကို လျော့ချပေးခြင်း

လူခန္ဓာကိုယ်၏ သွေးထဲတွင် သကြားပမာဏများနေပါက ဆီးချိုသွေးချိုရောဂါဖြစ်စေ နိုင်ပါသည်။ သုတေသနစာတမ်းများအရ ဆီးချိုသွေးချိုရောဂါဖြစ်နေသော လူ(၆) ယောက်ကို ဒန့်သလွန်အရွက် (၅၀) ဂရမ်ကျွေးလိုက်သောအခါ သွေးထဲရှိသကြားပမာဏ ၂၁ ရာခိုင်နှုန်း လျော့ချပေးနိုင်သည်ကို တွေ့ရှိရပါသည်။ ထို့ကြောင့် ဆီးချိုသွေးချိုရှိစေသာ လူများ ဒန့်သလွန်ကို စားသုံးပေးသင့်ပါသည်။

၃။ နာတာရှည်ရောဂါများကို သက်သာစေခြင်း

ဥပမာ- နှလုံးရောဂါ၊ ကင်ဆာရောဂါစသည့် ရောဂါများကို ဒန့်သလွန် အရွက်နှင့်အသီး တို့တွင် ပါဝင်သော Isothiocyanates က သက်သာစေပါသည်။ ၎င်းက လူခန္ဓာကိုယ်၏ သွေးဖိအားကိုလည်း လျော့ကျစေပါသည်။ ထို့ကြောင့် ဒန့်သလွန်ကို သွေးတိုးရှိသော လူများ လည်း စားသုံးပေးသင့်ပါသည်။

၄။ ကိုလက်စထရောဓာတ်(Cholesterol) ပါဝင်မှုနည်းခြင်း

ဒန့်သလွန်တွင် ကိုလက်စထရောဓာတ်ပါဝင်မှုမရှိသလောက် နည်းပါသည်။ ထို့ကြောင့် ဝိတ်ချ ချင်သောလူများ ဒန့်သလွန်ကို များများစားသုံးပေးသင့်ပါသည်။

၅။ အာဆန်းနစ်(Arsenic)အဆိပ်တောက်ဖြစ်မှုကို ကာကွယ်ပေးခြင်း

ယနေ့ခေတ်စိုက်ပျိုးရေးတွင် ပိုးသတ်ဆေး၊ပေါင်းသတ်ဆေး၊ ဓာတုမြေသြဇာများ များစွာသုံးစွဲလာမှုကြောင့် အစားအစာနှင့် သောက်သုံးရေများတွင် အာဆန်းနစ်ဓာတ်ပါဝင်မှု များလာပါသည်။ အာဆန်းနစ်ဓာတ်သည် လူသားများ၏ ကျန်းမာရေးကို ထိခိုက်စေကာ ကင်ဆာရောဂါများ ဖြစ်ပွားစေပါသည်။ ဒန့်သလွန်သည် အာဆန်းနစ်အဆိပ်တောက်ဖြစ်မှုကိုလည်း ကာကွယ်ပေးပါသည်။

ဒန့်သလွန်ကို စားသုံးခြင်းဖြင့် ဖြစ်ပေါ်သော ဆိုးကျိုးများ

ဒန့်သလွန်သည် သွေးအားနည်းစေသောကြောင့် သွေးအားနည်းသော လူများ အလွန်အကျွံမစားသုံးသင့်ပါ။ ဒန့်သလွန်အရွက်နှင့် အသီးထဲတွင် ပါဝင်သော Alkaloids ကွန်ပေါင်းသည် နှလုံးခုန်နှုန်းကို နှေးစေပါသည်။ ထို့အပြင် ကိုယ်ဝန် ဆောင်မိခင်များ ဒန့်သလွန်ကို စားသုံးလျှင် မီးဖွားရာတွင် ခက်ခဲစေနိုင်ပါသည်။ ထို့ကြောင့် ကိုယ်ဝန်ဆောင်မိခင်များ မီးမဖွားမီ ဒန့်သလွန်စားသုံးခြင်းကို ရှောင်းရှား သင့်ပါသည်။

ချမ်းသာဦး

Reference

https://www.healthline.com/nutrition/6-benefits-of-moringa-oleifera

ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ အသုံးဝင်ပါတယ်/အသုံးမဝင်ပါ ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ