ဆေးဖက်ဝင် ပိတ်စွယ်ပင်

ဟင်းလျာတစ်ခုအနေဖြင့် စားလို့လည်းကောင်းတဲ့ ပိတ်စွယ်ဟာဆိုရင် ဆေးဖက်လည်းဝင်ပါသည်။ ယနေ့ခေတ်တွင် သစ်ပင်များ ကျန်းမာရေးစောင့်ရှောက်ရာတွင် လိုအပ်သော ကဏ္ဍတစ်ရပ်အဖြစ် စားသုံးသူအချို့မှာ ပိုမိုစိတ်ဝင်စားလျက်ရှိကြပါသည်။ 

ပိတ်စွယ်ပင် အနုကလေးများကို မျှစ်ကဲ့သို့ စိတ်၍ ချက်ကြော်စားခြင်း၊ပြုတ်စားလေ့ရှိပါသည်။ မြန်မာ့တိုင်းရင်းဖွား ကရင်အမျိုးသားများသည် ပိတ်စွယ်မြစ်ကို ပြုတ်၍ ဓားနှင့်ပါးပါးလှီးဖြတ်၍ ဟင်းလျာများနှင့် တွဲဖက်စားသုံးတတ်ကြပါသည်။ စားသုံးသူများ၏ ပြောဆိုချက်များအရ ပိတ်စွယ်မြစ်ကို စားသုံးရာတွင် အင်အားကို ပြည့်ဝစေပြီး ဆီးဝမ်းလေတို့ကို မှန်ကန်စေလေသည်။ ဆေးဖက်ဝင်သည်ဟု ပြောဆိုချက်များအရ၍ သိရှိရပါသည်။ စာရေးသူအနေနှင့် ဆေးကျမ်းထဲတွင် ဆေးဝါးအသုံးပြုနည်းကို ရှာဖွေကြည့်ရာတွင် တစ်စုံတစ်ရာကို မတွေ့ရှိရပေ။

သွားနှင့် ပတ်သက်သောရောဂါများ

ပိတ်စွယ်ပင် (ပဥ္စငါးပါးပြုတ်ဆေးရည်ကို မကြာခဏ ငုံးပေးခြင်းဖြင့် သွားကိုက်ခြင်း၊ သွားနာခြင်း၊ ဒန္တစိုရောဂါတို့ကို ပျောက်ကင်းစေသည့်အပြင် ဖောရောင်ရောဂါတွင် ရေချိုးပေးခြင်းဖြင့် ရောဂါကို ကျဆင်းစေနိုင်ပါသည်။)

ပိတ်စွယ်ပင် ငါးများ၊ အသား တစ်မျိုးမျိုးနှင့် ချက်စားပေးခြင်းဖြင့် ကြော်စားပေးခြင်းဖြင့် ဆီးနှင့်ပတ်သတ်သည့်ရောဂါတွင် ဆီးကိုလည်းရွှင်စေနိုင်ပါသည်။ အစာအိမ်လမ်းကြောင်းရောဂါတွင် အထက်လန်အပူလွန်ခြင်း၊ စိတ်ဆတ်ခြင်း၊ စိတ်တိုခြင်း၊ မျက်စိနီခြင်း၊ ဆီးနှင့် ဝမ်းချုပ်သည့် လက္ခဏာများကို ဖြေရှင်းပေးနိုင်ပါသည်။

ခန္ဓာကိုယ်၏အဟောင်းများချုပ်၍ အသစ်တို့ကို တစ်ဖန်ဖြစ်ပေါ်စေသည့် ဇီဝဖြစ်စဉ်များကို တိုးတက်စေပါသည်။ ကယ်လိုရီကီလိုဂရမ်နိမ့်စွာ ပါဝင်ခြင်းကြောင့် အလွယ်တကူဝမ်းဗိုက်ကို ပြည့်ဝစေသဖြင့် အစားလျှော့စားရန် မလိုအပ်သော ခန္ဓာကိုယ်ကို ဝဖြိုးစေမှုကိုလည်း တားမြစ်ပေးပါသည်။ အရက်မူးခြင်းကို ပြေစေပြီး ခန္ဓာကိုယ်ကို ပြန်လည်လန်းဆန်းစေနိုင်ပါသည်။

အသည်းရောင် အသားဝါနှင့် မိခင်နို့ကြောင်းပိတ်ခြင်း၊ ပိတ်စွယ်ပင်ပါဝင်သည့် ဟင်းလျာကို စားသုံးပေးခြင်းဖြင့် အသားရောင်ရောဂါ၊ အသားဝါရောဂါရှင်များ မကြာခဏ စားသုံးပေးခြင်းဖြင့် ရောဂါကို လျှော့ချပေးနိုင်လာသည်။ ထို့ပြင် မိခင်များအတွက် နို့ကြောင်းပိတ်ဆို့မှုကိုလည်း ပွင့်စေသည့် ဆေးဖက်ဝင်ဓာတ်စာ ဟင်းလျာပင်ဖြစ်ပါသည်။

သွေးတိုးရောဂါ

သွေးတိုးရောဂါရှင်များအတွက် သဘာဝဆေးနည်းတစ်လက်မှာ ပိတ်စွယ်ရွက် ၃၀ ကျပ်သားနှင့် တရုတ်နံနံပင် ၂ ကျပ်သားကို ပါးပါးလှီးပြီး ရေ ၂ ပုလင်းနှင့် ဆူလာအောင် ၅ မိနစ်ခန့် တည်ထားပါ။ ရရှိသော အရည်များကို ဆေးတစ်ခွက် ပမာဏဖြစ်ပါသည်။ ရေနွေးကြမ်းသောက်သကဲ့သို့ ထိုနေ့တွင် ဆေးရည်ကို ကုန်စင်စေရန်သောက်ပေးပါ။ ဤဆေးရည်၏ အာနိသင်မှာ ဝမ်းချူပ်ခြင်းကို ကင်းဝေးစေ၍ သွေးတိုးမြင့်တက်မှုကို ကျဆင်းစေပါသည်။

အပူဖျား၊ ရေငတ်၊ ဆီးကျင်

ပိတ်စွယ်ရွက် ၁၅ ကျပ်သား၊ မုန်ညင်းဖြူ ၁၅ ကျပ်သားတို့ကို ရေစင်စင်ဆေးပြီး ရေနှစ်ပန်းကန်ထည့်၍ ဟင်းချိုကဲ့သို့ ချက်ပါ။ ဟင်းချက်ဆူလာပြီး ခဏနေလျှင် နှမ်းဆီ၊ ဆား အနည်းငယ်မျှကို ရောစပ်ပါ။ တရုတ်ပဲငံပြာရည် အနည်းငယ်ကို ထည့်ရောပြီး ဟင်းချိုကဲ့သို့ သောက်ပေးပါ။ အရွက်များကိုလည်း စားသုံးပေးပါ။ ဤကဲ့သို့ တစ်နေ့ နှစ်ကြိမ်၊ နံနက်တစ်ကြိမ်၊ ညနေ တစ်ကြိမ် စားသုံးခြင်းအားဖြင့် အပူဖျားပြီး ရေငတ်ခြင်း၊ ဆီးကျင်ခြင်း၊ ဆီးနည်းခြင်းတို့ကို သက်သာပျောက်ကင်းစေပါသည်။

အရက်နာကျခြင်း

မိမိကြိုက်နှစ်သက်ရာ ငါး ၃၅ ကျပ်သားတုံး၍ ရေစင်စင်ဆေးထားပါ။ ပိတ်စွယ်ရွက် ၃၅ ကျပ်သားကို ရေဆေး၍ ပါးပါးလှီးပါ။ ရေလေးပန်းကန်ထည့်၍ ငါးနူးသည်အထိချက်ပါ။ ဆားသင့်ရုံခတ်ပြီး ဟင်းရည်ကို သောက်ပေးပါ။

Ref: Health Care Journal (Vol-3, No-19, 18-5-2011)

အံ့ဖွယ်ဆေးဖက်ဝင် သဘာဝဟင်းသီးဟင်းရွက်များ 

ကျော်တင့်ဆွေ စာအုပ်မှ ကောက်နုတ်ဖော်ပြပါသည်။