နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် သစ်တောပုံတူ စိုက်ခင်းတည်ထောင်ခြင်း 21 ဂေဟစနစ် 61 အာဟာရနှင့် ကျန်းမာရေး 547 ပတ်ဝန်းကျင်ဆိုင်ရာ 139 အတွေးအမြင်ဆောင်းပါး 580 စိုက်ပျိုးရေး ဥပဒေများ 11 မွေးမြူရေး ဆောင်းပါးများ 263 ငွေကြေးစီမံခန့်ခွဲမှု 40 ကုန်သွယ်သုတ 8 အထွေထွေ 588

ရာသီဥတုပြောင်းလဲခြင်းနှင့် တိုတောင်းသည့် ငါးမွေးရာသီတွင် ငါးမွေးမြူခြင်းနည်းလမ်းများ

ကမ္ဘာ့ငါးအဖွဲ့ • WorldFish • 10/06/2020

သင့်ငါးမွေးမြူရေးရာသီ ကာလတိုတောင်းနေပါက မည်သည်တို့ကို သင်လုပ်နိုင်သနည်း။

ကြိုတင်အစီအစဉ်ချခြင်း

ငါးကန်၏ တည်နေရာအား အစကနဦး မြေနေရာရွေးချယ်ချိန်မှစပြီး မှန်ကန်စွာရွေးချယ်ခြင်းသည် နှစ်ကုန်ပိုင်းတွင် ရေခန်းခြောက်မည့် အလားအလာကို လျော့နည်းစေသည်။ ငါးကန်တစ်ခုရွေးချယ်ရာတွင် မြေဆီလွှာအမျိုးအစား၊ ရေပေးဝေမှု အကြိမ်အရေအတွက်နှင့် ရေရရှိသည့်ရာသီ၊ သူခိုး ခိုးမှုအန္တရာယ်နှင့် ရေကြီးမှုအန္တရာယ်ကို မည်သို့ လျှော့ချနိုင်သည်တို့ကို ဂရုတစိုက် စဉ်းစားရန်လိုအပ်ပါသည်။ ဖြစ်နိုင်ပါက မြေအမျိုးအစားပြ မြေပုံကို စစ်ဆေးပြီး ရွှံ့စေးပါဝင်မှုနည်းသည့် မြေဆီလွှာများကို ရှောင်ရှားရပါမည်။ ၎င်းမြေအမျိုးအစားသည် ရေကို ထိန်းသိမ်းထားနိုင်မှု မရှိပါ။

သဲနုန်းမြေများအတွက် ငါးကန်အား မြေဩဇာကောင်းကောင်း ကျွေးရန်လိုအပ်ပါသည်။ သို့မှသာ သဘာဝမျှောလှေးများ ပေါက်ပွားမှုကို အားပေးမည်ဖြစ်ပါသည်။ ၎င်းသဘာဝမျှောလှေးများသည် ငါးကန်အောက်ခြေတွင် ဗန်သစ် ဇုန်အလွှာ တည်ဆောက်မှုကို ဖြစ်ပေါ်စေပါသည်။ ၎င်းတို့သည် သဲနုန်းမြေဆန်သည့် ငါးကန်အောက်ခြေရှိ မြေလွှာတွင်ရှိသည့် သေးငယ်သည့် အပေါက်ငယ်လေးများအား ပိတ်ဆို့ပေးမည် ဖြစ်ပါသည်။

ရာသီတို ငါးမွေးမြူရေးအတွက် ရွေးချယ်စရာနည်းလမ်းများ

- ဆည်ရေသွင်းစနစ်များ အသုံးပြုစိုက်ပျိုးသည့် စပါးစိုက်ခင်းများအား အသုံးပြုပြီး ငါးသားပေါက်များအား ထုတ်လုပ်ထားနိုင်ပါသည်။ ထို့နောက် ရာသီအလိုက်မွေးမြူသည့် ငါးကန်များတွင် မိုးရေအပြည့်အဝရရှိသည့်အခါ ငါးသားပေါက်များအား ၎င်းကန်များအတွင်းသို့ ပြောင်းရွှေ့ထည့်သွင်းပြီး မွေးမြူနိုင်မည် ဖြစ်သည်။

- ကုန်းမြင့်ဒေသများတွင် တစ်နှစ်ပတ်လုံးရေရှိသည့် အသားတိုးငါးမွေးကန်များတွင် ဆောင်းတစ်ရာသီလုံး ငါးများကို မွေးမြူထားပါ။ ထိုသို့မွေးမြူရာတွင် ငါးအကောင်အရေအတွက်အား ပုံမှန်ထက် ပိုမိုထည့်သွင်းမွေးမြူထားပါ။ ထို့နောက် ရာသီအလိုက် မွေးမြူသည့် ငါးကန်များ မိုးရေအပြည့်အဝရရှိသည့်အခါ နှစ်ချို့ငါးသားပေါက်များအဖြစ် ချက်ချင်း ထည့်သွင်းမွေးမြူနိုင်မည်ဖြစ်ပါသည်။

- ဈေးကွက်တွင် ရောင်းချနေသည့် အရွယ်ရှိသည့် တိုင်းရင်းငါးငယ်များအား မွေးမြူပါ။ ၎င်းတို့ကို မွေးမြူပြီး (၆)ပတ်အကြာမှစပြီး ကွင်းတားပိုက်ကို အသုံးပြုပြီး ရွေးချယ်ဖမ်းယူခြင်းစနစ်ဖြင့် ဖမ်းယူနိုင်ပါသည်။ ထို့နောက် တိုင်းရင်းငါးငယ်များအား (၂)ပတ် (၁)ခါ ဖမ်းယူနိုင်ပါသည်။

- ရေအနက် (၃-၄) ပေရှိသည့် ရာသီအလိုက် ငါးမွေးမြူသည့်ကန်များတွင် တိုင်းရင်းငါးငယ်များကိုသာ ထည့်သွင်းမွေးမြူပါ။ မွေးမြူပြီး (၆)ပတ်အကြာမှ စပြီး ရွေးချယ်ဖမ်းယူခြင်းစနစ်ဖြင့် စတင်ဖမ်းယူနိုင်ပြီဖြစ်ပြီး (၂) ပတ်ခြား (၁) ခါ ဆက်လက်ဖမ်းယူသွားနိုင်မည် ဖြစ်ပါသည်။

- ပလတ်စတစ်အပါးလွှာအုပ်ထားသည့် တာပေါ်လင်စများ ဖြင့် WISH ငါးကန်ပြုလုပ်ပြီး မွေးမြူရန် စဉ်းစားပါ။

- ရေကယားအိုးများ၊ ကွန်ကရစ်ကွင်းများ၊ ငါးကန်ငယ်များတွင် လေရှူသည့် ငါးမျိုးများဖြစ်သော အထူးသဖြင့် ငါးခူ(Clarias catfish) နှင့် ငါးပြေမ ငါးမျိုးများအား (Anabas testudineus) မိသားစုစားသုံးနိုင်ရန်အတွက် မွေးမြူရန် စဉ်းစားပါ။

- ဆည်မြောင်း၊ တူးမြောင်းများအား ရေပေးဝေရေး ရေလှောင်ကန်များတွင် ငါးကို လှောင်ကန်များ လှောင်ချိုင့်များဖြင့် မွေးမြူရန် ဖြစ်နိုင်ချေ ရှိ/မရှိ ဒေသန္တရ အစိုးရအာဏာပိုင်များနှင့် ဆွေးနွေးတိုင်ပင်ပါ။

- ရေတွင်ပျော်ဝင်စေသည့် အောက်ဆီဂျင် ပိုမိုများပြားလာစေရန်နှင့် ငါးထိန်းသိမ်းသိုလှောင်နိုင်စွမ်းကို တိုးမြင့်နိုင်ရန်အတွက် လေဝင်လေထွက်ကောင်းစေသော စနစ်များ တပ်ဆင်ခြင်းကို စဉ်းစားပါ။

- ငါးကန်အတွက် တစ်စိတ်တပိုင်း အရိပ်ပေးခြင်းနှင့် မိသားစုအတွက် စွမ်းအင်ပံ့ပိုးမှုအနေဖြင့် အသုံးပြုသည့် နေရောင်ခြည်စွမ်းအင်သုံး ဆိုလာပြားများအား ငါးကန်၏ အပေါ်တွင် တစ်စိတ်တစ်ပိုင်း တင်ထားရန်အတွက် စဉ်းစားပါ။ ထိုကဲ့သို့ ထားခြင်းအားဖြင့် ကန်အတွင်းမှ ရေငွေ့ပြန်မှုလျော့နည်းစေမှာ ဖြစ်ပါသည်။

- မြစ်အတွင်း ငါးဖမ်းသူများအတွက် ငါးစာအပါအဝင် ငါးအသေးအရွယ်အစားများအား ရောင်းချနိုင်မည့် အခြေအနေများအား လေ့လာပါ။ တို့အတူ ငါးငယ်များအား အခြောက်ခံခြင်း၊ ကြပ်တင်ခြင်း၊ ဆားနယ်ခြင်းတို့ဖြင့် အဆာပြေစားစရာ အစားအစာပြုလုပ်သူများထံ ရောင်းချနိုင်မည့် နည်းလမ်းများအားလည်း လေ့လာထားပါ။

ကန်ရေပမာဏ စတင်ကျဆင်းချိန်တွင် ရွေးချယ်စရာများ

ပတ်ဝန်းကျင်ရှိ ရေထုအတိုင်းအတာ လျော့နည်းလာခြင်းနှင့် ငါးကန်အတွင်းရှိ ရေမျက်နှာပြင် လျော့နည်းလာခြင်း သို့မဟုတ် ငါးကန်ခြောက်သွေ့လာပါက ငါးများကြီးထွားရန် ရာသီတိုတောင်းလာမှာ ဖြစ်ပါသည်။ ၎င်းအခြေအနေတွင် တိုက်ရိုက်အကျိုးခံစားခွင့်ရှိသော အိမ်ထောင်စုများနှင့် NGO များအား MYSAP Inlandမှ အောက်ပါတို့ကို စဉ်းစားရန် အဆိုပြုပါသည်။

- အကယ်၍ စီးပွားရေးနှင့် ပတ်ဝန်းကျင်ရေထုအပေါ် ဆိုးကျိုးသက်ရောက်ခြင်း မရှိပါက၊ ကုန်ကျစရိတ်မြောက်များစွာ မရှိပါက ငါးကန်အတွင်းသို့ အနိမ့်အမြင့်စနစ်ဖြင့် ရေများကို ထည့်သွင်းခြင်း၊ ရေစုပ်တင်ခြင်းဖြင့် ငါးကန်တွင်းသို့ ရေဖြည့်ခြင်းတို့ကို ဆောင်ရွက်ပါ။

- ကန်ကို တစ်စိတ်တပိုင်းငါးဖမ်းပြီး ဈေးကွက်ဝင်အရွယ်အစားရှိ ငါးများအား ဖြစ်နိုင်သမျှ အမြန်ဆုံးရောင်းချပါ။ လတ်လတ်ဆတ်ဆတ် ရောင်းချရန်မဖြစ်နိုင်သော ပိုလျှံသောငါးများအား ပြုပြင်ထိန်းသိမ်းထားပါ။ ကျန်ရှိနေသေးသော ငါးများကို ကန်အတွင်း ရေအနည်းငယ်ကျန်သည်အထိ ဆက်လက်မွေးထားပြီးမှ ရောင်းချပါ။

- အကယ်၍ လယ်သမားတစ်ဦး၌ အနီးအနားတွင် အခြားကန်တစ်ခုရှိပါက သင့်ကန်မှ အကြီးဆုံးငါးများအား ဖမ်းခြင်းဖြင့် တစ်စိတ်တပိုင်းငါးဖမ်းခြင်းကို ဆောင်ရွက်ပါ။ ထို့နောက် ရေခန်းခြောက်လာပြီဖြစ်သော သင့်ကန်အတွင်းမှ ရေအား အခြားလယ်သမား၏ ကန်အတွင်းသို့ ပြောင်းရွှေ့သွင်းယူပြီး (အကုန်အကျမများပါက) ကျန်ရှိနေသောငါးငယ်များကို ၎င်းကန်အတွင်းသို့ ဆက်လက်မွေးမြူနိုင်ရန် ရွှေ့ပြောင်းပါ။

- အနီးအနားတွင် ငါးများအား ပြောင်းရွေ့နိုင်သည့် အခြားကန် မရှိပါက ကန်တွင်းမှ ဈေးကွက်ဝင်အရွယ်အစား ငါးကြီးများအားဖမ်းပြီး ရောင်းချပါ။ အကယ်၍ ဈေးကွက်တင်ရောင်းချနိုင်သည့် အရွယ်အစားသို့ ငါးများမရောက်ရှိသေးပါက ၎င်းငါးများကို နှစ်ချို့ငါးသားပေါက်အဖြစ် ငါးအသားတိုးမွေးမြူရန် ငါးကန်အတွင်း ရေအလုံအလောက်ရှိသည့် အခြားတောင်သူမိသားစုသို့ မွေးမြူရန် ရောင်းချပါ။

ယခုဆောင်းပါးကို MYSAP Inland မှပူးပေါင်းပါဝင် ပံ့ပိုးထားပါသည်။

ဆက်စပ်ဆောင်းပါးများ

မွေးမြူရေး ဆောင်းပါးများ

ရေငန်ငါးတစ်မျိုးဖြစ်တဲ့ ငါးပုလဲ(ခေါ်) ဆင်နားရွက်ငါး၏ ထူးခြားသောသဘာဝ

နှင်းဖြူဖြူ

မွေးမြူရေး ဆောင်းပါးများ

မြန်မာနိုင်ငံတွင်းရှိ အင်းချောင်းလုပ်ငန်းများအကြောင်း

ကိုမောင်မောင်(သုဝဏ္ဏ)

မွေးမြူရေး ဆောင်းပါးများ

လူ့အမြင်..နွားအမြင်

သက်ခိုင်

နည်းပညာမိတ်ဖက်အဖွဲ့

WorldFish

WorldFish သည် သုတေသနလုပ်ငန်းအဖွဲ့အစည်းနှင့် သိပ္ပံဌာန (၁၅) ခု ပူးပေါင်းဖွဲ့စည်းထားသော “ နိုင်ငံတကာ စိုက်ပျိုးရေးနှင့် မွေးမြူရေး သုတေသနာ အတိုင်ပင်ခံ ပညာရှင်အဖွဲ့ - Consultancy Group for international Agricultural Research- CGIAR” တွင် အဖွဲ့ဝင်ဖြစ်ပါ ကြောင်း၊ CGIAR ၏ အဓိကဝန်ဆောင်မှုမှာ ရည်မှန်းချက်မှာ (၁) ကျေးလက်ဆင်းရဲနွမ်းပါးမှုလျော့နည်းရေး၊ (၂) ရိက္ခာဖူလုံမှုတိုးတက်ရေး (၃) ကျမ်းမာရေးနှင့် အာဟာရပြည့်ဝစွာဖြည့်ဆည်းရရှိရေး (၄) သဘာဝသယံဇာတများကို ရေရှည်သုံးစွဲနိုင်ရန် ထိန်းသိမ်းစောင့်ရှောက်ရေး စသည်တို့ ဖြစ်ပါသည်။ WorldFish ၏ သီးသန့်ဝန်ဆောင်မှု ရည်မှန်းချက်မှာ ဆင်းရဲနွမ်းပါးမှုနှင့် ဆာလောင်မွတ်သိပ်မှု လျော့နည်းစေရန် ငါးမွေးမြူခြင်း၊ ငါးလုပ်ငန်းဆောင်ရွက်ခြင်း၊ နည်းလမ်းများဖြင့် ဖော်ဆောင်သွားရန်ဖြစ်သည့်အတွက် ယခုအခါ ငါးမွေးမြူသူတောင်သူများ လေ့လာနိုင်ရန် Green Way - အစိမ်းရောင်လမ်း စိုက်/မွေး ဖုန်းဆော့ဝဲလ် နှင့် ပူးပေါင်းကာ မွေးမြူရေးနည်းပညာများ ဖော်ပြပေးလျက်ရှိသည်။

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

နှမ်းအတွက် အပွင်းအသီးအာဆေးဘယ်တွေသုံရင်ကောင်မလည် ပြောပြပါအုံးခင်မျာ ဆောင်နှမ်းပါခင်များ

မင်းမင်း • ဖြေကြားချက် 0 ခု

မဂ်လာပါ ပန်းအရွက်လိပ်ပီးအထဲမှာပိုးရှိနေပါတယ်ဘာဆေးဖျန်းရမလဲဖြေကြားပေးပါ။🙏

bominthu • ဖြေကြားချက် 3 ခု

အဲ့ဆေး၂မျုိးကိုဘယ်လိုဖြန်းသင့်လဲဗျာ ကွမ်းပင်၃လသားမှာပင်ခြေကနေ အဖြူရောင်အလုံးလုံးလေးတွေနဲ့ပုတ်သေတာ

JohnSaw • ဖြေကြားချက် 1 ခု

နွားချေးအစို+ဖွဲ့နု+ကျောက်မှုန့်(ဂျစ်ပဆမ်) +ပဲမှုန့်+တင်လဲရည်+တဆေးတို့နဲ့ အချည်ဖောက်အရည် ပြုလုပ်လို့ရပါသလား ရခဲ့ရင် အသုံးပြုရမယ့်ပစ္စည်းပါဝင်မှုအချိုးအစားသိပါရစေ

Khing Hein • ဖြေကြားချက် 2 ခု

နှင်းပန်းပွင့်တွေက ခါးမှာ ပုတ်သလို ဖြစ်ပီး အပွင့်တွေက ပုံပါအတိုင်းဖြစ်နေလို့ပါဆရာ။ ဘာကြောင့်ဖြစ်တာလဲရှင့် ဘာဆေးဖြန်ရင်ရလဲဆရာ

Nwe Nwe aung • ဖြေကြားချက် 3 ခု

Greenovator

ကြော်ငြာ

ပြင်းထန်တဲ့ရာသီဥတု စူပါအယ်နီညိုနဲ့ပတ်သက်ပြီး ပညာပေးဆောင်းပါးတွေ အမေးအဖြေကို လေ့လာပြီး ရာသီဥတုနဲ့လိုက်လျောညီထွေတဲ့ စိုက်ပျိုးရေးစနစ်ကို အတူကျင့်သုံးကြရအောင်...

လေ့လာရန်

နောက်ဆုံး ဆောင်းပါးများ

ကျန်းမာရေးနှင့်ညီညွတ်သော အစာစားနည်းများ (အပိုင်း-၅)

29/09/2026

မုန်တိုင်းငယ်၏ တိုက်ရိုက် သက်ရောက်မှုကြောင့် ၇ ရက်အတွင်းဖြစ်ပေါ်မည့် မိုးလေဝသအခြေအနေ

29/09/2026

ရခိုင်၊ ကရင်၊ ပဲခူး၊ ဧရာဝတီနှင့် ရန်ကုန်တို့တွင် စက်တင်ဘာ ၂၈ မှ ၃၀အတွင်း မိုးသည်းထန်စွာ ရွာသွန်းနိုင်

28/09/2026

ကျွန်တော်တို့မီးဖိုချောင်ထဲက သစ်ကြံပိုးခေါက်က အစစ်လား... အတုလား?

28/09/2026

ဩစတြေးလျ ပဲတီစိမ်း ကွန်တိန်နာ ၁၀ လုံးကို တရုတ် ငြင်းပယ်လိုက်သဖြင့် တောင်သူများ ပေါင်းသတ်ဆေး အသုံးမပြုရန် စဉ်းစားလာကြ

27/09/2026

More from ကမ္ဘာ့ငါးအဖွဲ့

အားလုံး

ငါးမွေးကန်တွင်သုံးသည့် ထုံးအမျိုးအစား နှင့် pH တန်ဖိုးများ

14/01/2025

သားစားငါးရိုင်းများကြောင့် ငါးမွေးကန်တွင်ထိခိုက်နစ်နာနိုင်ခြင်း

26/12/2024

ရေမှော်၊ မြက်ပင်၊ ကိုင်းပင်များရှင်းလင်းခြင်း

28/11/2024

ကန်ဘောင်နှင့် ကန်အောက်ခြေပြင်ဆင်ခြင်း

22/11/2024

ငါးမွေးမြူရေးတွင် အဓိကရေရရှိမှုနှင့် ကန်သစ်တူးခြင်း၊ ကန်ပုံစံ၊ ကန်ဘောင်အချိုးအစား

14/11/2024

Greenovator

ကြော်ငြာ

အစိမ်းရောင်လမ်းကနေ စိုက်ပျိုးမွေးမြူရေး ဆေးဆိုင်တွေ၊ အရောင်းအဝယ်ဆိုင်တွေအတွက် ဆော့ဝဲလ်ပြုလုပ်နေပါတယ်။ ဒါကြောင့် ဆိုင်အတွေ့အကြုံရှိတဲ့သူများအနေဖြင့် မေးခွန်းလေးကို ကွန်မန့်ရှိလင့်မှတစ်ဆင့် ဖြေဆိုပေးပြီး အစိမ်းရောင်လမ်းကို အားပေးကူညီပေးဖို့ ပန်ကြားအပ်ပါတယ်။

မေးခွန်းများ ဖြေဆိုရန် နှိပ်ပါ