ရွံ့အိမ် ဆောက်လုပ်ခြင်း သင်တန်း

ရွံ့အိမ် ဆောက်လုပ်ခြင်း သင်တန်းကို ၂၀၁၄ ဇန်နဝါရီလ ၃ ရက်မှ ၃၀ ရက်နေ့အထိ တစ်လအကြာ အင်္ဂလိပ်လို သင်ကြားသွားမှာဖြစ်ပါတယ်။ တစ်လကြာသင်မယ့် သင်တန်းမှာ ရွံ့အုတ်နဲ့ တည်ဆောက်တဲ့ နည်းပညာဖြစ်ပြီး စာသင်ပေးခြင်းအစား လက်တွေ့အဓိကထားပြီး အဖွဲ့လိုက် အတူတကွ လုပ်ဆောင်သွားပြီး ဆောက်လုပ်မှု အဆင်တိုင်း ကို ကျော်ဖြတ်ကာ နည်းပညာ ရရှိစေမှာ ဖြစ်ကြောင်း သိရပါတယ်။ သင်တန်းရဲ့ အဓိက ဦးတည်ချက်ကတော့ သူတို့ တည်ဆောက်ပြီးခဲ့တဲ့ နည်းပညာတွေကို မျှဝေပေးမှာဖြစ်ပြီး ကိုယ်တိုင် ပြန်လည် တည်ဆောက်နိုင်သည် အထိ လမ်းပြပေးသွားမှာ ဖြစ်ပါတယ်။ ဒီတော့ သီအိုရီသင်ကြားတဲ့ အပိုင်းလည်း အနည်းငယ် ထည့်သွင်းထားပါတယ်။ ဒီသင်တန်းအပြင် ခြံထဲမှာ လက်တွေ့ကျင့်သုံးနေတဲ့ သြဂဲနစ်စိုက်ပျိုးရေး၊ အခြား ဆက်စပ် နည်းပညာတွေနဲ့ ရေရည်တည်တံ့တဲ့ နေထိုင်းမှု နည်းလမ်တွေကိုပါ ထည့်သွင်း သွားမည်ဟု သိရပါတယ်။ နိုင်ငံပေါင်းစုံက လူတွေ လာတက်ရောက်ကြမှာ ဖြစ်ပြီး အတွေ့အကြုံ၊ ဗဟုသုတ များစွာ လေ့လာခွင့် ဖလှယ်ခွင့်ရရှိမှာ ဖြစ်ပါတယ်။

စိတ်ဝင်စားတယ်ဆိုရင်တော့ အချက်အလက်အပြည့်အစုံကို http://www.punpunthailand.org/?page_id=1175 မှာ သွားရောက် ဖတ်ရှုနိုင်ပါတယ်။ ဒါမှမဟုတ် စတင်တည်ထောင်ခဲ့သူ တစ်ဦးဖြစ်တဲ့ Peggy ရဲ့ အီးမေး [email protected] သို့ ဆက်သွယ်မေးမြန်းနိုင်ပါတယ်။

ပန်ပန် သြဂဲနစ်ခြံက စတင်တည်ထောင်ခဲ့တာ ၁၀ ကျော်ကြာပြီဖြစ်ပြီး သြဂဲနစ်စိုက်ပျိုးရေး၊ သဘာဝအိမ် ဖြင့် ရေရည်တည်တံ့တဲ့ လူနေမှုစနစ်ကို ကျင့်သုံးနေတဲ့ ဂေဟာ တစ်ခုဖြစ်ပါတယ်။ အဲဒီခြံထဲမှာ လေ့လာစရာတွေ များစွာရှိပြီး အဓိက အနေဖြင့် သြဂဲနစ်စိုက်ပျိုးရေး၊ သဘာဝ အိမ်၊ နေရောင်ခြည် ရေပူ စနစ်များ၊ ရေသန့်စင်ခြင်း၊ ဒေသမျိုးစေ့များ ထိန်းသိမ်းခြင်း၊ အိမ်သာနှင့် စွန်ပစ်ပစ္စည်းများ စီမံခန့်ခွဲမှု၊ သြဂဲနစ် ကြက်မွေးမြူရေး တို့ဖြစ်ပါတယ်။ ခြံတည်နေရာကတော့ ချင်းမိုင်မြို့ အနီးမှာပြီး အသေးစိတ်သိလိုပါက http://www.punpunthailand.org/ မှာ ဝင်ရောက် ကြည့်ရှု နိုင်ပါတယ်။