အပင်ရောဂါ ကာကွယ်နှိမ်နင်းနည်းအခြေခံများ
အပင်ရောဂါကို ကာကွယ်နှိမ်နင်းရန် နည်းလမ်းပေါင်းများစွာရှိသည်။ ရောဂါဖြစ်ပွားသော အပင် (လက်ခံပင်)၊ ပတ်ဝန်းကျင် ရာသီဥတုအခြေအနေနှင့် ရောဂါဖြစ်စေသော သက်ရှိတို့ ပေါ်မူတည်၍ သင့်လျော်သော ကာကွယ်နှိမ်နင်းနည်းများကို သုံးရသည်။
အပင်ရောဂါ ကာကွယ်နှိမ်နင်းနည်းပေါင်းများစွာရှိသော်လည်း ကာကွယ်နှိမ်နင်းနည်း အခြေခံသဘောတရား (၄) မျိုးသာရှိသည်။
ယင်းတို့မှာ
- ၁။ ရောဂါမဝင်ရောက်စေရန် တားဆီးခြင်း
- ၂။ ရောဂါဖြစ်စေသော သက်ရှိများအား သုတ်သင်ဖယ်ရှားခြင်း
- ၃။ ရောဂါဖြစ်ခြင်းမှ ကာကွယ်ခြင်းနှင့်
- ၄။ ရောဂါဒဏ်ခံနိုင်ရည်ရှိစေခြင်း တို့ဖြစ်သည်။
၁။ ရောဂါမဝင်ရောက်စေရန် တားဆီးခြင်း
ရောဂါဖြစ်စေသော သက်ရှိကို အခြားအရပ်ဒေသတစ်ခုသို့ ကူးစက်ပျံ့နှံ့ခြင်း မဖြစ်အောင် တားဆီးခြင်းဖြစ်သည်။ ဤနည်းသည် မျိုးစေ့၊ မျိုးကိုင်းစသော အပင်အင်္ဂါအစိတ်အပိုင်းများဖြင့် ပျံ့နှံ့သော ရောဂါများကို ထိရောက်စွာ ကာကွယ်နိုင်သည်။ သို့ရာတွင် လေနှင့် ရေတို့ဖြ င့် ပျံ့နှံ့သော ရောဂါများကိုမူ ထိရောက်စွာ မကာကွယ်နိုင်ပါ။ ရောဂါမဝင်နိုင်ရန်တားဆီးရာတွင် အောက်ပါနည်းများကို အသုံးပြုနိုင်ပါသည်။
(က) စိုက်ပျိုးမည့် အင်္ဂါအစိတ်အပိုင်းများကို စီရင်ကုသခြ င်း
မျိုးစေ့ကို ဓာတုဆေးမှုန့်ဖြ င့် လူးနယ်၍လည်းကောင်း၊ ဆေးရည်စိမ်၍လည်းကောင်းစိုက်ကြသည်။ အချို့ရောဂါများတွင် မျိုးစေ့ဆောင် ရောဂါဖြစ်စေသော သက်ရှိများကို သေစေရန်၊ အပူချိန် ၁၃၂ ဒီဂရီဖာရင်ဟိုက် (၅၅ ဒီဂရီ ဆဲဆီးယပ်စ်)ရှိသော ရေနွေးပူတွင် မျိုးစေ့များကိုစိမ်၍ စိုက်ကြသည်။
ဥပမာ။ ။ ကြံအူနီ ရောဂါကို ကာကွယ်ရန်အတွက် ကြံဆစ်ပိုင်းကို ရေနွေးပူ ၅၂ ဒီဂရီဆဲဆီးယပ်စ်တွင် ၁၈ မိနစ်စိမ်၍ ပြန်လည်ဆယ်ယူပြီး အအေးခံ၍ စိုက်ပါ။
(ခ) စိုက်ပျိုးမည့် အင်္ဂါအစိတ်အပိုင်းများကို စစ်ဆေးခြင်း
(၁) စစ်ဆေးပြီးကြောင်း လက်မှတ်ထုတ်ပေးခြ င်း
စိုက်ပျိုးမည့် အစိတ်အပိုင်းများတွင် ရောဂါဖြစ်စေသော သက်ရှိ ပါ၊ မပါကို တာဝန်ရှိသူများက စမ်းသပ်စစ်ဆေး၍ မပါရှိပါက ရောဂါကင်းကြောင်း လက်မှတ်ထုတ်ပေးသည်။
ဥပမာ။ ။ ပဲဗိုင်းရပ်ရောဂါ တားဆီးထိန်းသိမ်းပေးခြင်း
(၂) တားဆီးထိန်းသိမ်းထားခြင်း
အပင်အစိတ်အပိုင်းများကို နိုင်ငံခြားမှဖြစ်စေ၊ နိုင်ငံတွင်း ပြည်နယ်တစ်ခုမှ တစ်ခုသို့ ဖြစ်စေ၊ သယ်ယူလျှင် လေဆိပ်၊ သင်္ဘောတို့၌ သက်ဆိုင်ရာ တာဝန်ရှိသူများက စစ်ဆေးပြီးမှ သယ်ယူခွင့်ပြုခြင်းဖြစ်သည်။ ရောဂါရှိနေပါက ဆေးစီရင်ပေးခြင်း သို့မဟုတ် ဖျက်ဆီးခြင်းပြုလုပ်ရသည်။
ဥပမာ။ ။ ကြံမျိုးဆစ်ပိုင်းများအား အခြားဒေသသို့ သယ်ယူပို့ကောင်ရာတွင် ကြံအူနီရောဂါရှိ/မရှိ စစ်ဆေးပြီး ရောဂါကင်းရှင်းမှသာလျှင် ခွင့်ပြုခြင်းဖြ င့် အခြားအရပ်ဒေသသို့ ရောဂါမပျံ့ပွားရန် တားဆီးကာကွယ်နိုင်ပါသည်။
၂။ ရောဂါဖြစ်စေသော သက်ရှိများအား သုတ်သင်ဖယ်ရှားခြ င်း
အပင်ရောဂါဖြစ်စေသော သက်ရှိကို ရောဂါဖြစ်ရာကနေ နေရာဒေသမှ အ ပြီးအပိုင်သုတ်သင်ဖယ်ရှားခြင်းဖြင့် ရောဂါထပ်မံမဖြစ်ပွားအောင် ပပျောက်စေခြင်း ဖြစ်သည်။ ဤသို့ သုတ်သင်ဖယ်ရှားရန် အောက်ပါနည်းများကို အသုံးပြုသည်။
(က) ရောဂါဖြစ်စေသောသက်ရှိအား လက်ခံနိုင်မည့်အပင်များကို သုတ်သင်ဖယ်ရှားခြင်း
အချို့ရောဂါဖြစ်စေသောသက်ရှိများသည် အပင်မျိုးစိတ်တစ်မျိုးထက်ပို၍ တိုက်ခိုက်ရောဂါဖြစ်ပွားစေနိုင်သည်။ အလားတူ ရောဂါဖြစ်စေသော သက်ရှိသည် သီးနှံပင်များတွင်သာမက သီးနှံမဟုတ်သည့် ပေါင်းပင်များ၌လည်း ရောဂါကျရာက်စေနိုင်သည်။ ဤသို့အပင်များအားဖယ်ရှားခြင်းဖြင့် ရောဂါဖြစ်စေ သက်ရှိကိုလည်း သုတ်သင်ဖယ်ရှားနိုင်သည်။
ဥပမာ။ ။ စပါးဂုတ်ကျိုးရောဂါဖြစ်စေသော မှိုခိုအောင်းနိုင်သော ပေါင်းမြက်များကိုရှင်းလင်းခြင်း။
(ခ) သီးနှံအလှည့်ကျစိုက်ပျိုးခြင်း
ရောဂါဖြစ်စေသော သက်ရှိက တိုက်ခိုက်ဖျက်ဆီးခြင်း မပြုနိုင်သော သီးနှံများကို အလှည့်ကျစိုက်ပျိုးခြင်းဖြင့် ရောဂါဖြစ်စေသော သက်ရှိအတွက် လိုအပ်သော အစာအာဟာရများ ပြတ်လပ်စေခြင်းဖြင့် ရောဂါဖြစ်စေသောသက်ရှိကို သုတ်သင်ဖယ်ရှားနိုင်သည်။ ဤနည်းသည်ဓာတုဆေးဖြင့် ထိရောက်စွာ မကာကွယ်နိုင်သော ရောဂါများအတွက် အသုံးပြုရန် ကောင်းသောနည်းဖြစ်သည်။
ဥပမာ။ ။ စပါးနှင့်ဂုန်လျှော်ကို အလှည့်ကျစိုက်ပျိုးခြင်းဖြင့် စပါးနီမတုတ်လောင်မီးရောဂါကို ကာကွယ်နိုင်ပါသည်။
(ဂ) အပူချိန်နှင့် ဓာတုဆေးတို့ဖြင့် စီရင်ခြင်း
စိုက်ပျိုးမည့်မြေအား မီးသင်းခြ င်း (ပုရစ်ဖုတ်ခြင်း)၊ ပလပ်စတစ်အုပ်၍ နေရောင်ခံစေ၊ ရေနွေးငွေ့လွှတ်ခြင်း၊ ရေလွှမ်းပေးခြင်း၊ ဓာတုဆေးများ (ဖော်မလင်၊ ကက်ပတင်၊ဖျူရာဒန်) အသုံးပြုခြင်းဖြင့် မြေဆောင်ရောဂါကို သုတ်သင်နှိမ်နင်းနိုင်သည်။
ဥပမာ။ ။ ရေလွှမ်းပေးခြင်းဖြင့် အာလူးပင်ညှိုးရောဂါကို ကာကွယ်နိုင်ပါသည်။
(ဃ) ဇီဝနည်းဖြင့် သုတ်သင်ခြင်း
မြေတွင်းရှိ အချို့သောသက်ရှိများသည် အပင်ရောဂါဖြစ်စေသော မြေတွင်းသက်ရှိများကို နှောင့်ယှက်တိုက်ခိုက်ခြင်းဖြင့် သုတ်သင်နှိမ်နင်းနိုင်သည်။ အထူးသဖြင့် အမြစ်ရောဂါများကိုကို ကာကွယ်နှိမ်နင်းရန် အသုံးပြုသည်။
ဥပမာ။ ။ ထရိုင်ခိုဒါးမားမှိုအား ထည့်သွင်းခြင်းဖြင့် ငရုတ်ကောင်းပင်ခြေပုပ်ရောဂါကိုကာကွယ်နိုင်ပါသည်။
ကာကွယ်နှိမ်နင်းနည်း နံပတ် ၃ နဲ့ ၄ ကို အပိုင်း (၂) တွင်ဖော်ပြပါဦးမည်။
Crd#ရေဆင်းစိုက်ပျိုးရေးတက္ကသိုလ်
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Myint Than
လွန်ခဲ့သော ၂ နှစ် ကကာကွယ်နှိမ်နင်းနည်းနံပတ်၃နဲ့၄ကိုဖော်ပြပေးပါအုံး
ဆက်စပ်မေးခွန်းများ
မဂ်လာပါ ပန်းအရွက်လိပ်ပီးအထဲမှာပိုးရှိနေပါတယ်ဘာဆေးဖျန်းရမလဲဖြေကြားပေးပါ။🙏
bominthu • ဖြေကြားချက် 0 ခု
အဲ့ဆေး၂မျုိးကိုဘယ်လိုဖြန်းသင့်လဲဗျာ ကွမ်းပင်၃လသားမှာပင်ခြေကနေ အဖြူရောင်အလုံးလုံးလေးတွေနဲ့ပုတ်သေတာ
JohnSaw • ဖြေကြားချက် 1 ခု
အဲတာဘာဖြစ်တာလဲ ဘာရောဂါလဲ ဟိုမဟုတ်ဘာပိုးကျတာလဲ ကွမ်းရွက်အောက်တေမှား အဖြူဥလေတွေ အမဲဥလေတွေ အဲလိုတေဖြစ်နေတာဘာကြောင်ဖြစ်တာ လဲ ဘာဆေးတေသုံးရင်အဆင်ပြေနိုင်မလဲ ဖြေခဲ့ပေပါအုံးဆရာတို🙏🙏🙏
Aung Ko Min • ဖြေကြားချက် 2 ခု
ခရမ်းချဉ်ပင် စိမ်းညှိုးနေလို့ နှုတ်ကြည့်တာ အမြစ်ကအခေါက်ကွာနေတယ် ဘာဖြစ်တာလဲဗျ
Nga Chan • ဖြေကြားချက် 3 ခု
ဆရာ ခရမ်းချဥ်ပထမ ပုံလေးကြည့်ပေးပါအူးဆရာ အပင် ၄၀၀ ကျော်မှအဲ့တစ်ပင်ပဲအလိုဆရာ ဆရာ အရင် ၄ ရက်က ဒိုင်ဇီနဲ့ ဆိုင်ပါမီသရင် ဖျန်းတယ် ဒီနေ့ ၁ ။ ခရမ်းချဥ်အတွက် အမိုင်နို 3 ဇွန်း မင်းသား 5 ဇွန်း ဗုံးစူပါ 2 ဇွန်း ၂ ။ ပဲတောင့်ရှည်မှာလဲ ပွင့်ထွေးနဲ့လှေးတွေ့ရလို့ အမိုင်နို 3 ဇွန်း ကယ်စီပလပ် ၅ ဇွန်း ဗုံးစူပါ 2 ဇွန်း ၃ ။ ခရမ်းခေါင်းအတွက် အမိုင်နို ၂ ဇွန်း ကယ်စီပလပ် ၅ ဇွန်း ဗုံးစူပါ ၃ ဇွန်း ဖျန်းခဲ့ပါတယ်ဆရာ ခရမ်းခေါင်းမှာ သီးလုံးဖောက်လေးတွေအနည်းငါ်ထပ်တွေ့ရလို့ပါခင်ဗျ အရင်ကထက်စာရင် နည်းနည်းပဲကျန်ပါတော့တယ်ဆရာ အပင်တွေကလဲ ရောဂါကင်းတယ်လို့ ထင်မိပါတယ်ဆရာ ကြည့်ပေးပါအူးဆရာ ဆရာတို့နဲ့တွေ့ခွင့်ရတာ တကယ့်ရွှေပါပဲခင်ဗျ ပင်ပန်းသမျှ အမောတွေပြေပါတယ်ခင်ဗျ ဗုံးစူပါ Ai နှစ်ခုက ဘာတွေအတွက်ကောင်းလဲဆရာ အချိန်းရရင်ရှင်းပြပေးပါအူးဆရာ ကျေးဇူးပါဆရာ့
U Yan • ဖြေကြားချက် 2 ခု
နောက်ဆုံး ဆောင်းပါးများ
မုန်တိုင်းငယ်၏ တိုက်ရိုက် သက်ရောက်မှုကြောင့် ၇ ရက်အတွင်းဖြစ်ပေါ်မည့် မိုးလေဝသအခြေအနေ
29/09/2026
ရခိုင်၊ ကရင်၊ ပဲခူး၊ ဧရာဝတီနှင့် ရန်ကုန်တို့တွင် စက်တင်ဘာ ၂၈ မှ ၃၀အတွင်း မိုးသည်းထန်စွာ ရွာသွန်းနိုင်
28/09/2026
အသံ
ကျွန်တော်တို့မီးဖိုချောင်ထဲက သစ်ကြံပိုးခေါက်က အစစ်လား... အတုလား?
28/09/2026
အသံ
ဩစတြေးလျ ပဲတီစိမ်း ကွန်တိန်နာ ၁၀ လုံးကို တရုတ် ငြင်းပယ်လိုက်သဖြင့် တောင်သူများ ပေါင်းသတ်ဆေး အသုံးမပြုရန် စဉ်းစားလာကြ
27/09/2026
တစ်ပတ်စာ သီးနှံဈေးကွက် သုံးသပ်ချက် (၂၁ - ၂၅.၉.၂၀၂၆)
26/09/2026
More from Green Way
အားလုံး
အသံ
ဩစတြေးလျ ပဲတီစိမ်း ကွန်တိန်နာ ၁၀ လုံးကို တရုတ် ငြင်းပယ်လိုက်သဖြင့် တောင်သူများ ပေါင်းသတ်ဆေး အသုံးမပြုရန် စဉ်းစားလာကြ
27/09/2026
အသံ
ကြီးမားပြင်းထန်လှသော စူပါအယ်လ်နီညိုကြောင့် လာမည့် ဖေဖော်ဝါရီလအထိ လူပေါင်း ၄၅၀,၀၀၀ ကျော် သေဆုံးနိုင်ဖွယ်ရှိကြောင်း ခန့်မှန်း
25/09/2026
ဗီဒီယို
ကျန်းမာကောင်းမွန်သော မြေဆီလွှာရရှိရန်အတွက် ဒေသရင်း အဏုဇီဝသက်ရှိများ (IMO) ကို အသုံးချခြင်း (▶️ ဗွီဒီယို)
07/09/2026
စိုက်ချိန် ရိတ်ချိန်တွေ ဖြေဆိုရင်း ဖုန်းဘေ ကံထူးခဲ့ကြသူများ
03/09/2026
မြန်မာနိုင်ငံအထက်ပိုင်းတွင် မိုးတိမ်ထုများ ဆက်လက် ဖြစ်ထွန်းနေမည်
01/09/2026
