အာစန်နီမုန်တိုင်းအရှိန်ကြောင့် မိုးရွာသွန်းမှုများ ဆက်ရှိနေဦးမည်ဖြစ်ပြီး မေ ၁၂ ရက်မှစပြီး နေ့အပူချိန်များ ဆက်တိုက်လျော့လာမည်

10/05/2022 17:47 PM တွင် အစိမ်းရောင်လမ်း အစိမ်းရောင်လမ်း မှ ရေးသား

အာစန်နီမုန်တိုင်းအရှိန်ကြောင့် မိုးရွာသွန်းမှုများ ဆက်ရှိနေဦးမှာဖြစ်ပြီး မေ ၁၂ ရက်ကစလို့ နေ့အပူချိန်များလည်း ဆက်တိုက်လျော့လာမှာဖြစ်ကာ မုတ်သုံလည်း တစ်ဆက်တည်း ဝင်လာနိုင်တယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင်က သုံးသပ်ပါတယ်။

ကမ္ဘာလုံးဆိုင်ရာမိုးလေဝသခန့်မှန်းဝက်ဘ်ဆိုဒ်တွေဖြစ်တဲ့ ECMWF, JTWC, TSR နဲ့ GFS တို့ရဲ့ ထုတ်ပြန်ချက်တွေကို ကိုးကားပြီး ဦးဝင်းနိုင်က ခန့်မှန်း ပြောကြားတာပါ။

ဒီနေ့ မေ ၁၀ ရက် မွန်းလွဲ ၁၂ နာရီခွဲအချိန်တိုင်းထွာချက်တွေကို မိုးလေဝသနှင့်ဇလဗေဒညွှန်ကြားမှုဦးစီးဌာနက ထုတ်ပြန်ချက်မှာလည်း “ မနက်ဖြန်မနက်အတွက် ခန့်မှန်းချက်တွေအရ မကွေးတိုင်းဒေသကြီး၊ ပဲခူးတိုင်းဒေသကြီးနှင့် ကယားပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြားမိုးထစ်ချုန်းရွာပြီး၊ နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ချင်းပြည်နယ်နှင့်ရခိုင်ပြည်နယ်တို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်း(၈၀) ဖြစ်ပါသည်” လို့ ထည့်သွင်းဖော်ပြထားပါတယ်။

အာစန်နီဆိုင်ကလုန်းမုန်တိုင်းဟာ ယခင်ထုတ်ပြန်ချက်တွေနဲ့ လားရာအနည်းငယ်ပြောင်းပြီး မြန်မာ နိုင်ငံနဲ့ဝေးသွားလို့ သက်ရောက်မှုလျော့သွားပေမယ့် သူ့အရှိန်နဲ့မိုးရွာတာတွေတော့ ဆက်ရှိနေဦးမယ်လို့ ဦးဝင်းနိုင်က ခန့်မှန်းပါတယ်။

“ ၁၁ ရက်၊ ၁၂ ရက်လောက်ထိတော့ သူ့အရှိန်က ကျန်နေသေးတယ်။ ဘာလို့လဲဆိုတော့ သူက အိန္ဒိယကုန်းတွင်းပဲဝင်ဝင်၊ မြောက်ဘက်ကိုပဲကွေ့ကွေ့ အနောက်တောင်လေစီးကြောင်းကြီးက သူ့ကို တွန်းပို့နေတာကိုး။ တွန်းပို့နေတော့ အနောက်တောင်လေစီးကြောင်းနဲ့ ကပ္ပလီပင်လယ်မှာရှိတဲ့ တိမ်တွေ၊ ထိုင်းပင်လယ်ကွေ့မှာရှိတဲ့တိမ်တွေ၊ ဟိုးအနောက်မြောက်ဘက်က ဆင်းလာတဲ့ တိမ်အေး တွေပေါ့။ လေအေးစီးကြောင်းတွေ ဒီဟာတွေကတော့ ဗမာပြည်ထဲကို ဝင်နေမှာ။ ဆိုတော့ မိုးရွာမယ့် အခြေအနေကတော့ ကောင်းနေသေးတယ်” လို့ သူက ဆိုပါတယ်။

မုန်တိုင်းအရှိန်နဲ့မုတ်သုံလည်းဝင်လာနိုင်ပြီး မေ ၁၂ ရက်ကစလို့ အပူချိန်တွေလည်း တောက်လျှောက်ကျဆင်းသွားနိုင်ကာ အဲ့ဒီအချိန်မှာ ငွေ့ရည်ဖွဲ့နှုန်းနဲ့ကိုက်ညီမှု၊ တိမ်တွေလည်း ရှိနေမှု စတာတွေနဲ့ကိုက်ညီရင် မိုးရွာတာတွေ ဆက်ရှိမှာဖြစ်တယ်လို့လည်း ဦးဝင်းနိုင်က သုံးသပ်ပါတယ်။

“ အပူချိန်က ဗမာပြည်ထဲမှာ အခု ၁၂ ရက်၊ ၁၃ ရက်လောက်ဆိုရင် နေ့လယ် အပူချိန်တွေက သူက ၃၀ ကျော်လောက်ထိ ကျသွားပြီ။ အရင်က ၄၀ နီးနီးလောက် ဖြစ်နေတာလေ။ ညဘက်မှာဆို ၂၇ ဒီဂရီထိဆင်းတယ်။ အဲ့ဒီနေရာတွေရဲ့ Dew point (ငွေ့ရည်ဖွဲ့မှု) ကလည်း ၂၆၊ ၂၇ ပတ်ဝန်းကျင်ထိ ဆင်းလာတယ်။ ဆင်းလာတယ်ဆိုတော့ မွန်းလွဲပိုင်း၊ ညနေပိုင်း၊ ညပိုင်းတွေမှာ လေစီးကြောင်းနဲ့ ပါလာတဲ့တိမ်တွေနဲ့လည်း တွေ့မယ်ဆိုရင် ဗမာပြည်အလယ်ပိုင်းတွေမှာကို မိုးရွာမယ့်အနေအထား မျိုး အများကြီးဖြစ်သွားပြီ” လို့ ဦးဝင်းနိုင်က Green Way ကို ပြောပါတယ်။

မိုးရွာနိုင်ဖို့အတွက်လိုအပ်ချက်အနေနဲ့ အပူချိန်ကျလာရမှာဖြစ်သလို သူ့အပူချိန်နဲ့ ကိုက်ညီမှုရှိတဲ့ အငွေ့ကနေအရည်ဖြစ်သွားစေတဲ့ Dew point ဆိုတဲ့ဟာနဲ့ သိပ်မကွာခြားဘဲ ကိုက်ညီမှုရှိရမှာဖြစ်တယ်လို့ သိရပါတယ်။ အဲ့ဒီလိုကိုက်ညီမှုရှိပေမယ့် အဲ့ဒီနေရာမှာ တိမ်မရှိရင်လည်း မိုးရွာမှာမဟုတ်ဘဲ သုံးချက်လုံးကိုက်ညီမှသာ မိုးရွာမှာဖြစ်တယ်လို့ သိရပါတယ်။

အပူချိန်ကျမယ့်ထဲမှာ မြန်မာနိုင်ငံအလယ်ပိုင်းဒေသတွေလည်း ပါဝင်ပြီး နေ့လယ်ပိုင်းအပူချိန်တွေ တောင်မှ ၃၅ ဒီဂရီစင်တီဂရိတ်အထက်မှာ ရှိနေတော့မှာမဟုတ်ဘူးလို့ သိရပါတယ်။ 

Photo crd_Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်