မြေညံ့ကိုပြောင်းပေးပြီး သီးနှံဖြစ်ထွန်းစေမယ့် ဇီဝမြေသြဇာ (သို့) အာဘာစကူလာမိုက်ကိုရိုက်ဇာမှို အပိုင်း(၂၃)

အေအမ်အက်ဖ်မှိုများ ထိုးသွင်းပါက ဒေါနပန်းပင်၏ အဆီတွင် အာတီမင်စင်နင် ပါဝင်မှုရာနှုန်းတိုးစေပြီး ဆေးဖက်ဝင်သောအရည်အသွေးများ တိုးလာသည်။

ဒေါနပန်း Artemisia vulgaris L.

ဒေါနပန်းကို အိမ်ခြံတွင် အိုးဖြင့် စိုက်လေ့ရှိကြသည်၊
ဒေါနပန်းသည် အိုးဖြင့်စိုက်ရလွယ်သည်၊ ကြီးထွားမြန်သည်၊ ရာသီကြမ်း ခံနိုင်သည်။
အိမ်ခြံတွင် စိုက်ထားသဖြင့် ဒေါနပန်း၏ ချိုသောအနံ့ရှိသည့် ပန်းပွင့်သည် တနှစ်ပတ်လုံး ဆွဲဆောင်မှုရှိ သည်၊ ခြံထဲမှာရှိသောပိုးများ၏ နှောင့်ယှက်မှုကို တားဆီးသည်၊ အယ်ကိုဟော absinthe တွင်ထည့်သုံးသော အဓိကပါဝင်ပစ္စည်းတခု ဖြစ်သည်၊
အိုးစိုက်ဒေါနပန်းတွင် ဒေသခံအေအမ်အက်မှိုမျိုးကွဲများ၏အမြစ်စွဲပြီး ဒေါနပန်းအဆီတွင် အာတီမင်စင်နင်တိုးလာသဖြင့် ဆေးဖက်ဝင် အရည်အသွေးတိုးလာစေသည်။
အိုးစိုက် ဒေါနပန်းမှထုတ်သော စစ်ထုတ်ရည်ကို အိုးစိုက်အခြားအပင်တွင်ကျသော ရောဂါဖြစ်စေသက်ရှိမှိုများအတွက် အသုံးပြုနိုင်သည်၊ သတိပြုရမည့်အချက်များတော့ ရှိသည်။
ဇီဝမြေသြဇာအရင်းအမြစ် အေအမ်အက်ဖ်မှိုနှင့် ဒေါနပန်းပင်၏သဟဇီဝနဖြစ်စဉ်၏ အကျိုးပြုပတ်ဝန်းကျင်မိတ်ဖက်ဖြစ်မှုများ တွေ့ရှိထားသည်။

ဒေါနပန်း၏ကျန်းမာရေး အကျိုးပြုမှု

ငှက်ဖျားရောဂါ ကုသရာတွင် သုံးသည်၊
ရောင်ရမ်းမှုကို ကျစေသည်၊
ကင်ဆာဖြစ်စေမှု လျော့ကျသည်၊
အအေးမိခြင်း၊ ဖျားနာခြင်းက လွတ်ကင်းသည်၊
အစာအိမ်နှင့် အူလမ်းကြောင်း ကောင်းစေသည်၊

အေအမ်အက်မှို ထိုးသွင်းခြင်းဖြင့် ကျန်းမာရေးအကျိုးပြု ဒုတိယအစာချေဖျက်ပေးနိုင်သော ဓာတုပစ္စည်းတိုးစေခြင်း

ဇယား၁ အဆက်

အိုးစိုက်ဒေါနပန်းတွင် အေအမ်အက်ဖ်မှို ထိုးသွင်းခြင်း

အိုးစိုက်ပလတ်စတစ်အိုး ၁၅ x ၁၂ စင်တီမီတာ ပိုးသန့်ပြီးမြေ ၁၂၀ဝ ဂရမ် ဖြည့်သည်။
ပျိုးပင် သို့မဟုတ် ပြောင်းရွှေ့ပင်သို့ အေအမ်အက်ဖ်မှို ထိုးသွင်းရာတွင် တပင်လျှင် လက်ဖက်ရည်ဇွန်း ၁ ဇွန်း (၁၀ ဂရမ်) ကို အပင်ခြေနားတွင် ထည့်ပါသည်၊ မြေအနည်းငယ် ထည့်သည်၊ မျိုးစေ့စိုက်သည်၊ မြေဖုံးသည်။
၅ လသားတွင် အပင်များကို စိစစ်သည်။

မှတ်ချက်

ဒေါနပန်းသည် အေအမ်အက်မှို မှီခိုမှု မြင့်သည်၊
အမြစ်စွဲရာခိုင်နှုန်း ၆၆-၈၀ % ရှိသည်၊
အေအမ်အက်မှိုအရောကို သုံးသည်၊ အကျိုးပြုမှု ကောင်းသည်။

ထိုးသွင်းအေအမ်အက်ဖ်မှိုများက ဒေါနပင် အာတီမင်စင်နင်ပါဝင်မှုရာနှုန်း တိုးစေခြင်းဖြင့် ပတ်ဝန်းကျင် မိတ်ဖက်ဖြစ်မှု

ဒေါနပင်၏ စစ်ထုတ်ရည်အကြမ်း၏ သက်ရှိမှို ဆန့်ကျင်အစွမ်းသတ္တိ

ဒေါနပင်၏ စစ်ထုတ်ရည် ထုတ်လုပ်ပုံ

ဒေါနအရွက် ၂၀ဝ ဂရမ်ကို ပိုးသန့်စစ်ကျရည်နှင့် ဆေးသည်။
ပိုးသန့်စစ်ကျရည် ၂၀ဝ မီလီလီတာတွင်ဖျော်ပြီး ကြိတ်ဆုံတွင်ကြိတ်သည်၊
အနည်များနှံ့အောင်မွှေပြီး၂ လွှာပါသော မတ်စ်လင်အဝတ်စနှင့်စစ်သည်၊Whattman’s filter paper No. 1 နှင့် ထပ်၍ စစ်သည်၊
စစ်ကျရည်ကို လှည့်စက်တွင် ၅၀ဝ၀ အာပီအမ်ဖြင့် ၁၀ မိနစ် လှည့်သည်။
ရရှိသောအရည်သည် စံဖျော်ရည် ဖြစ်သည်။

သတိပြုရမည့်အချက်

စစ်ထုတ်ရေ ထုတ်နည်းမှန်ကန်ရန် လိုသည်။
ဆောလဗန့်အဖြစ် ရေ (အအေး၊အပူ)၊ အယ်ကိုဟော၊ မီသနော၊ အီသနော သုံးနိုင်သည်၊
အသုံးပြုနှုန်း မှန်ကန်ရန် လိုသည်၊
ပိုးသန့်ရည်/ပေါင်းခံရည်အစား သာမန်ရေကိုသုံးနိုင်သည်၊
လှည့်စက်မရှိပါက စနစ်တကျ မွှေပါ၊
မတ်စ်လင်အဝတ်စအစား ပိတ်ပါးစ သုံးနိုင်သည်။

ဒေါနအရွက် စစ်ထုတ်ရည်၏ရွက်ပြောက်၊ ရောဂါဖြစ်စေသက်ရှိ မှိုမျှင်ကြီးထွားမှုကို ဟန့်တားခြင်းဖြင့် ပတ်ဝန်းကျင်မိတ်ဖက်ဖြစ်မှု

ရောဂါဖြစ်စေသက်ရှိ Alternaria alternata မှိုသည် သံလွင်ပင်၊ ဂျင်စင်းပင် ရွက်ပြောက်ရောဂါဖြစ်စေသက်ရှိဖြစ်သည်။
အပင်စစ်ကျရည် အမျိုးမျိုးသည် အပင်များတွင် ရွက်ပြောက်၊ ရောဂါဖြစ်စေသက်ရှိများ၏ မှိုမျှင်ကြီးထွားမှုကို ဟန့်တားသည်။
အသုံးပြုသော အပင်စစ်ကျရည်အမျိုးမျိုးအနက် ဒေါနပန်းပင်မှ စစ်ကျရည်သည် ရွက်ပြောက်၊ ရောဂါဖြစ်စေသက်ရှိ၏မှိုမျှင်များ ပွားများမှုကို ၈၀ % ထိ ဟန့်တားသည်။
ဒေါနရွက် စစ်ကျရည်သည် ဟင်းသီးဟင်းရွက်များ၊ အသီးများကို ပုပ်စေသော မှို၏ကြီးထွားမှုကို ၇၅ % ဟန့်တားသည်။ ဟင်းသီးဟင်းရွက်များတွင် သုံးပါက မူလပြင်းအားပြည့် စံဖျော်ရည်က အပင်လောင်နိုင်သဖြင့် မူလပြင်းအားမှ ပြင်းအားပျော့ကို သုံးရမည်။

ဒေါနအရွက် စစ်ထုတ်ရည်၏ ရွက်ပြောက်၊ ရောဂါဖြစ်စေသက်ရှိ မှိုမျှင်ကြီးထွားမှုကို ဟန့်တားခြင်း

ပတ်ဝန်းကျင်မိတ်ဖက် တွေ့ရှိချက်များ

ဆေးဖက်ဝင် အပင်စစ်ကျရည် အမျိုးမျိုးအနက် ဒေါနအရွက် စစ်ထုတ်ရည်သည် ရောဂါဖြစ်စေသက်ရှိမှိုများကို ဆန့်ကျင်သတ္တိမြင့်မားသည်၊
ဒေါနပင်တွင် အေအမ်အက်ဖ်မှို ထိုးသွင်းပါက အပင်စစ်ကျရည်၊ အဆီများတွင် အာတီမင်စင်နင် ပါဝင်မှုရာနှုန်း တိုးစေပြီး ဆေးဖက်ဝင်သောအရည်အသွေး တိုးလာသည်။

ကိုးကား

၁။ Gurjar MS.et al. Efficacy of plant extracts in plant disease management.Agricultural Sciences Vol.3, No.3, 425-433 (2012).http://dx.doi.org/10.4236/as.2012.33050.

၂။ Ma J.et al. Effects of arbuscular mycorrhizal fungi symbiosis on microbial diversity and enzyme activities in the rhizosphere soil of Artemisia annua. Soil Science Society of America Journal. V85, Issue3May/June 2021: 703-716. https://doi.org/10.1002/saj2.20229

၃။ Parveen S. et al. Antifungal activity of some plant extracts on some pathogenic fungi. Archives of Phytopathology and Plant Protection, 2014. Vol. 47, No. 3, 279–284, http://dx.doi.org/10.1080/03235408.2013.808857

ဒေါ်မြမြ၊ ပါမောက္ခ (ငြိမ်း)၊ ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ