အဖြည့်ခံ ပန်း (သို့မဟုတ်) ခံပန်း

အင်္ဂလိပ် အမည် - Bengal currant

ရုက္ခဗေဒ အမည် - Carissa carandas

ပန်းစံပယ်၊ နန်းလယ်မပေါ်ခိုက်ဟာမို့၊

အလိုက်တော်တန် သင့်ရုံပ၊ ခံပွင့်ကိုကုံး။

နန်းရဝေ၊ မန်းမြေစံပယ်လှိုင်တော့၊

ခံပန်းခိုင်ယာယီရွေ့တယ်၊ တောလေ့ရွာသုံး။

စာဆိုတော် ဦးပုညရဲ့ ဖော်ပြပါ ကဗျာလေးကို မိတ်ဆွေတို့ ကြားဖူးကြမယ် ထင်ပါတယ်။ ခံပန်းဆိုတာ စံပယ်ပန်း မပေါ်သေးတဲ့ အချိန်မျိုးမှာ အစားထိုး သုံးစွဲကြတဲ့ ပန်းတစ်မျိုးရဲ့အမည် ဖြစ်ပါတယ်။ စံပယ်ပန်းလိုပဲ ဖြူဖွေးသေးငယ်ပြီး ရနံ့အနည်းငယ်ရှိတဲ့ ပန်းပင်ဖြစ်ပါတယ်။ စံပယ်ပန်း လှိုင်လှိုင်ပေါ်တဲ့အချိန်ရောက်လာပါက ခံပန်းကို တောရွာများ၌သာ သုံးစွဲကြတော့တယ်လို့ သိရပါတယ်။ တစ်နည်းအားဖြင့် အဖြည့်ခံပန်းလို့လည်း ခေါ်ဆိုနိုင်ပါတယ်။ ခံပန်းကို တောခံ၊ ခံစပ်လို့လည်း ခေါ်ဆိုကြပါသေးတယ်။ ခံပင်ဟာ ဘယ်ရီသီးနဲ့ တူတဲ့ အသီးများ သီးလေ့ရှိပြီး ၎င်းတို့ကို ဟင်းခတ်အမွှေးအကြိုင်အနေနဲ့ရော ဟင်းချက်ရာမှာရော ထည့်သွင်း အသုံးပြုလေ့ ရှိကြပါတယ်။

အပင်ဟာ ဆူးပါရှိပြီး မာကြောတဲ့ နှစ်ရှည်ခြုံပင် အမျိုးအစားဖြစ်ပါတယ်။ ရေငတ်ဒဏ်ကို ကောင်းကောင်း ခံနိုင်ရည်ရှိပြီး မြေအမျိုးအစားမရွေး ဖြစ်ထွန်း ပေါက်ရောက်နိုင်ပါတယ်။ ကျေးလက်ဒေသတွေမှာ ဆိုရင် ခြံစည်းရိုးပင်အနေနဲ့ စိုက်ပျိုးကြပါတယ်။ ခံပင်ဟာ အပူပိုင်းနဲ့ သမပိုင်းဒေသတွေမှာ ပိုပြီးဖြစ်ထွန်းပါတယ်။ အာရှတိုက်ရဲ့ တောင်ပိုင်းဒေသတွေမှာ သဘာဝအလျောက် ပေါက်ရောက်တာတွေ့ရပါတယ်။

ခံပင်ကို အစေ့ကနေ စိုက်ပျိုးမယ်ဆိုရင် သြဂုတ်လနဲ့ စက်တင်ဘာလအတွင်း စိုက်ပျိုးသင့်ပါတယ်။ အပင်ပိုင်း မျိုးပွားနည်းတွေနဲ့ လည်း စိုက်ပျိုးနိုင်ပါသေးတယ်။ ကိုင်းဖြတ်ကူးခြင်း၊ အဖူးသွင်းခြင်း၊ သပ်သွင်းပင်ထောက် ကိုင်းကူးခြင်း စတဲ့ နည်းတွေနဲ့ လည်း စိုက်ပျိုးနိုင်ပါတယ်။ အစေ့ကနေစိုက်ပျိုးမယ် ဆိုရင်တော့ အရွယ်ရောက် အပင်တစ်ပင်ဖြစ်ဖို့ ၂ နှစ်ဝန်းကျင် ကြာမှာ ဖြစ်ပါတယ်။ အရွယ်ရောက်ပြီးသား အပင်ဟာ မတ်လလောက်မှာ ပန်းစတင်ပွင့်ပြီး ဇူလိုင်လမှ စက်တင်ဘာလအတွင်းမှာ အသီး သီးလေ့ရှိကြပါတယ်။ ပန်းပွင့်ဟာ အဖြူရောင် (သို့မဟုတ်) ပန်းရောင်ဖျော့ဖျော့ ရှိပါတယ်။ အသီးကတော့ အနီရောင်ရှိပါတယ်။

ဆေးဖက်ဝင်ခြင်း

ခံပင်ရဲ့ အသီးဟာဆိုရင် သံဓာတ်၊ ဗီတာမင် စီ၊ ဗီတာမင် အေ၊ ကယ်လ်ဆီယမ်၊ ဖော့စဖောရပ် စတဲ့ အာဟာရဓာတ်တွေ ကြွယ်ဝစွာ ပါဝင်နေပါတယ်။ အသီးဟာ ဆေးဖက်ဝင်တာကြောင့် အစာမကြေခြင်း၊ ထိခိုက်ဒဏ်ရာရခြင်း၊ အရေပြားရောဂါများ၊ ဆီးလမ်းကြောင်းနှင့် ဆိုင်သော ရောဂါများ၊ ဝမ်းချုပ်ခြင်းနှင့် သွေးအားနည်းခြင်းတို့ ကဲ့သို့သော ရောဂါများကိုလည်း သက်သာစေနိုင်ပါတယ်။ ထို့နည်းတူ ခံပင်၏ အရွက်သည်လည်း ဖျားနာခြင်း၊ ဝမ်းလျောခြင်းနှင့် နားကိုက်ခြင်းတို့အတွက် အသုံးဝင်ကြောင်း သိရပါတယ်။ ခံပင်ရဲ့ အမြစ်ဟာလည်း ဆေးဖက်ဝင်ကြောင်း သိရပါတယ်။ တိရိစ္ဆာန်များ အနာပေါက်ပါက အမြစ်ကို သွေးလိမ်ပေးမယ်ဆိုရင် ပိုးသေပြီး အနာမြန်မြန်ကျက်တယ်လို့ဆိုပါတယ်။

ခံသီးကို ဟင်းအနေနဲ့လည်း ချက်ပြုတ်စားသောက်နိုင်ပါတယ်။ ကျေးလက်တောရွာတွေမှာဆိုရင် ခံသီးကို ပုဇွန်ငါးပိ၊ ငရုတ်သီးတို့နဲ့ ရောထောင်းပြီး ခံသီးငပိထောင်းအနေနဲ့ စားသုံးကြပါတယ်။ တချို့ကတော့ ငပိနဲ့ ရောချက်ပြီး စားသုံးလေ့ရှိကြပါတယ်။ အပင်တစ်ပင်လုံး အသုံးဝင်ပြီး ကျန်းမာရေးအတွက်လည်း ကောင်းကျိုးတွေ ရှိစေတဲ့ ခံပင် အကြောင်းကို မိတ်ဆွေများ သိရှိရအောင် မျှဝေပေးလိုက်ရပါတယ်။

ဇင်ထူးနိုင်

ကိုးကားချက်

- https://en.wikipedia.org/wiki/Carissa_carandas

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...