ဒစ်ဂျစ်တယ် စာပေ သိနားလည်မှုအား ဆန်းစစ်ခြင်း

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ကြိုဆို လိုက်ပါတယ် ခင်ဗျ။ ယခုတစ်ပတ်မှာတော့ တောင်သူ ဦးလေး ဒေါ်လေးတို့အနေနဲ့ ဒစ်ဂျစ်တယ် စာပေ သိနားလည်မှုကို ဆန်းစစ်နိုင် ဖို့ မျှဝေပေးလိုက်ပါတယ် ခင်ဗျ။

ဒစ်ဂျစ်တယ်စာပေ သိနားလည်မှုကို အဓိက နိယာမ ၃ ခုနဲ့ အမျိုးအစားခွဲခြားပါတယ်။ မိမိအနေနဲ့ ဘယ်အပိုင်းမှာ ပါဝင်နေလဲဆိုတာ လေ့လာ ကြည့်လိုက်ရအောင်လား ခင်ဗျ။

အဆင့် ၁ - အသုံးပြုသည် (Use)

ဒီအဆင့်မှာဆိုရင် ဖုန်း၊ ကွန်ပျူတာ၊ အင်တာနက် အသုံးပြုဖို့အတွက် လိုအပ်တဲ့ အခြေခံနည်းပညာတွေ တတ်မြောက်တာကို ဆိုလိုပါတယ်။ မိမိအနေနဲ့ အင်တာနက် ကောင်းကောင်းသုံးတတ်တယ်၊ Web Browser ကနေ သတင်းအချက်အလက်တွေ ရှာဖွေနိုင်တယ်၊ အီးမေးကောင်းကောင်း သုံးတတ်တယ်ဆိုရင်တော့ အဆင့် ၁ မှာ ပါဝင်ပါတယ်။

အဆင့် ၂ - နားလည်သည် (Understand)

ဒီအဆင့်ကတော့ ဒစ်ဂျစ်တယ် မီဒီယာတွေကို နားလည်သဘောပေါက်ဖို့၊ ဆက်စပ်တွေးတောဖို့၊ အကဲဖြတ်ဖို့ အချက်တွေ ပါဝင်ပါတယ်။ မိမိအနေနဲ့ ဒစ်ဂျစ်တယ်စာပေတွေရဲ့ ကောင်းကျိုး၊ ဆိုးကျိုးတွေကိုသိတယ်၊ လူတွေအပေါ် ဘယ်လိုသက်ရောက်နိင်တယ်ဆိုတာ နားလည်တယ်၊ သတင်းအချက်အလက်တွေကို စီမံခန့်ခွဲနိုင်တယ်ဆိုရင် အဆင့် ၂ မှာပါဝင်ပါတယ်။

အဆင့် ၃ - ဖန်တီးသည် (Create)

ဒီအဆင့်မှာဆိုရင် အမျိုးမျိုးသော ဒစ်ဂျစ်တယ်နည်းပညာဆိုင်ရာ ပစ္စည်းတွေကို အသုံးပြုပြီး မိမိသိထားတဲ့ အကြောင်းအရာ၊ ဗဟုသုတတွေ ပြန်လည်မျှဝေပေးနိုင်တာကို ဆိုလိုပါတယ်။ မိမိသိထားတဲ့ သတင်းအချက်အလက်ကို ဗီဒီယို၊ ဓာတ်ပုံ၊ အကြောင်းအရာများ ဖန်တီးပြီး မျှဝေခြင်း၊ ဘလော့ဂ် (Blog)၊ ဝက်ဘ်ဆိုက် (Website)၊ ဖေ့ဘုတ်စာမျက်နှာ၊ ဆော့ဝဲလ်များဖန်တီးပြီး သတင်းအချက်အလက်မျှဝေခြင်းများ ပြုလုပ်မယ်ဆိုရင်တော့ အဆင့် ၃ မှာ ပါဝင်မှာ ဖြစ်ပါတယ်။

တောင်သူ ဦးလေး ဒေါ်လေးတို့ရော မိမိအနေနဲ့ ဘယ်အပိုင်းမှာ ပါဝင်နေလဲဆိုတာ ကွန်မန့်မှာ ဆွေးနွေးပေးခဲ့ကြပါအုံးခင်ဗျ။

ယခင်တစ်ပတ်က အသုံးမပြုသင့်တဲ့ လျှို့ဝှက်နံပါတ်တွေ အကြောင်း ဖော်ပြထားတဲ့ ဆောင်းပါး ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

လူသုံးများပြီး မထားသင့်သော လျှို့ဝှက်နံပါတ်များ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ဒစ်ဂျစ်တယ် စာပေ သိနားလည်မှုအား ဆန်းစစ်ခြင်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဒစ်ဂျစ်တယ် စာပေ သိနားလည်မှုအား ဆန်းစစ်ခြင်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဒေသထွက်ဇီဝထွက်ကုန်များ ကုန်သွယ်ခြင်းဆိုသည်မှာ

ICT (အိုင်စီတီ) ဆိုတာ ဘာလဲ ?

အင်တာနက်ဆိုတာ ဘာလဲဗျ?

{{ post.title }}