လူသုံးများပြီး မထားသင့်တဲ့ လျှို့ဝှက်နံပါတ်များ

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ပြန်လည်ရောက်ရှိလာပြန်ပါပြီ ခင်ဗျ။ ယခင်တစ်ပတ်ကတော့ တောင်သူတွေ သတိထားနိုင်အောင် အွန်လိုင်းမှတစ်ဆင့် ငွေကြေးလိမ်လည်ခြင်း ဆိုတဲ့ အကြောင်း မျှဝေပေးခဲ့တာ ဖြစ်ပါတယ်။ ယခုတစ်ပတ်မှာတော့ တောင်သူ ဦးလေး ဒေါ်လေးတို့အနေနဲ့ အသုံးမပြုသင့်တဲ့ လျှို့ဝှက်နံပါတ်တွေ အကြောင်း မျှဝေပေးသွားမှာ ဖြစ်ပါတယ် ခင်ဗျ။

အင်တာနက်၊ လူမှုကွန်ယက် မီဒီယာ သုံးစွဲနေကြတဲ့ လူအများစုဟာ မိမိတို့ အသုံးပြုနေတဲ့ အကောင့်တွေအတွက် လျှို့ဝှက်နံပါတ် သတ်မှတ်ရာမှာ အလွယ်တကူ ပြန်မှတ်မိနိုင်ဖို့အတွက် 123456 ဆိုတဲ့ နံပါတ်ကို လျှို့ဝှက်နံပါတ်အဖြစ် အများဆုံး အသုံးပြုကြပါတယ်။ ဒုတိယလူသုံးအများဆုံး လျှို့ဝှက်နံပါတ်ကတော့ 123456789 ဖြစ်ပါတယ်။ တစ်ချို့ဆိုရင်လည်း မိမိရဲ့ မွေးနေ့၊ မှတ်ပုံတင် နံပါတ်၊ မိမိရဲ့ နာမည်၊ မိမိကြိုက်တဲ့ ဘောလုံးအသင်း နာမည်၊ မိမိကြိုက်တဲ့ ပစ္စည်းတွေရဲ့ နာမည်တွေကို လျှို့ဝှက်နံပါတ် အဖြစ်ထားတတ်ကြပါတယ်။ တောင်သူ ဦးလေး၊ ဒေါ်လေးတို့ရော မိမိတို့ရဲ့ လျှို့ဝှက်နံပါတ်ကို ဘယ်လိုလေးတွေ ထားကြလဲ ခင်ဗျ။

အလွယ်မှတ်ထားတဲ့ လျှို့ဝှက်နံပါတ်တွေ အသုံး အလွယ်တကူ မှတ်မိနိုင်ဖို့အတွက် ပြုလုပ်ထားတဲ့ လျှို့ဝှက်နံပါတ်တွေဟာ အမှန်တကယ်တော့ လုံခြုံမှု မရှိပါဘူး ခင်ဗျ။ပြုသူအများစုရဲ့ အကောင့်ဟာဆိုရင်လည်း များသောအားဖြင့် အကောင့်ဟတ်ခံရဖို့ များပါတယ်။ ဒါဆိုရင် ဘယ်လို လျှို့ဝှက်နံပါတ်တွေ အသုံးပြုသင့်ပါ သလဲ။ လျှို့ဝှက်နံပါတ်တွေ အသုံးပြုမယ်ဆိုရင် ဂဏန်းတွေချည်းပဲ အသုံးမပြုသင့်ပါဘူး။ မိမိအနေနဲ့ မှတ်သားလွယ်တဲ့ အက္ခရာတွေ၊ နံပါတ်တွေ၊ သင်္ကေတ တွေပါတဲ့ လျှို့ဝှက်နံပါတ်တွေ အသုံးပြုသင့်ပါတယ်။ ဒါမှသာ မိမိ အသုံးပြုတဲ့ အကောင့်ဟာ အလွယ်တကူ အဟတ်မခံရဘဲ လုံခြုံမှု ရှိမှာဖြစ်ပါတယ်။

ဥပမာ - Aung25@ygn1999 စတဲ့ ပုံစံမျိုးလေးတွေ ထားသင့်ပါတယ်။

ဒါကြောင့် လူသိများတဲ့ ဂဏန်းတွေ၊ စကားလုံးတွေကို လျှို့ဝှက်နံပါတ် အဖြစ်မသုံးကြဖို့ အကြံပေးလိုက်ပါတယ်။ လျှို့ဝှက်နံပါတ်နဲ့ ပတ်သတ်ပြီး ထူးခြားတဲ့ အတွေ့အကြုံလေးတွေ ရှိရင်လည်း ကွန်မန့်မှာ ဆွေးနွေးပေးခဲ့ကြပါအုံးခင်ဗျ။

ယခင်တစ်ပတ်က အွန်လိုင်းမှတစ်ဆင့် ငွေကြေးလိမ်လည်ခြင်း အကြောင်း ဖော်ပြထားတဲ့ ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

အွန်လိုင်းမှတစ်ဆင့် ငွေကြေးလိပ်လည်ခြင်း

Credit - https://www.ictdirectory.com.mm
Source -Net Guide

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။