အာလူးနေ့ (Happy Potato Day!)

၂၀၂၀ ခုနှစ် သြဂုတ်လ (၁၉) ရက်က “Potato Day-အာလူးနေ့”လေးပဲ ဖြစ်ပါတယ်။

     “အာလူးနေ့ သမိုင်း”- BC 5000 မှ 8000 အတွင်းက ပီရူးတောင်ပိုင်းနဲ့ဘိုလီးဗီးယား အနောက်မြောက်ဒေသ တွေမှာ အာလူးကို ပထမဆုံးစိုက်ပျိုးခဲ့ကြပါတယ်။ အဲ့ဒီအချိန်ကတည်းကပဲ အာလူးဟာ ယဉ်ကျေးမှုများစွာရဲ့ အဓိကသီးနှံ အဖြစ် ကမ္ဘာအနှံ့ ပျံ့နှံ့ခဲ့တာပါ။ အာလူးသီးနှံဟာ အမေရိကန်လူမျိုးတို့ရဲ့ အကြိုက်ဆုံး အစားအစာ တစ်ခုဖြစ်ပြီး နေ့စဉ်စားသုံးတဲ့ ပေါင်မုန့်၊ pancakes စတာတွေနဲ့ အတူစားသုံးနိုင်အောင် နည်းအမျိုးမျိုး တီထွင် ချက်ပြုတ်လာခဲ့ကြတာ ယနေ့ထိတိုင်ပါ။

     အာလူးမှာ အာဟာရဓါတ်ပါဝင်မှု မြင့်မားတဲ့အတွက် တခြားအစားအစာများကို မစားသုံးဘဲ အာလူးကိုချည်းစားသုံးရင်တောင်မှ တစ်လခန့်နေထိုင်နိုင်တယ်လို့ ပညာရှင်တွေက ဆိုပါတယ်။ လိုအပ်တဲ့ အာဟာရဓါတ်အများစုကို ထောက်ပံ့ပေးတဲ့ အာလူးသီးနှံပင်ဟာ အပင်က နေရောင်ခြည်ကို စုဆောင်းးနေသမျှကာလပတ်လုံး ဥရဲ့ အတွင်းပိုင်း ဖွဲ့စည်းမှုကို ဖြစ်စေတဲ့ ကစီဓါတ်တွေကို ထုတ်လုပ်ပေးဖို့အတွက် လုံလောက်တဲ့ စွမ်းအင်ရှိပါတယ်။ သမိုင်းကြောင်းအရ ဂျူံစေ့၊ ပြောင်း၊ ဆန်၊ ကြံ တို့ပြီးနောက် ကမ္ဘာပေါ်မှာ ပဥ္စမမြောက် လိုအပ်ချက် အများဆုံး သီးနှံက "အာလူး"ဖြစ်ပါတယ်။ 

အာလူးနေ့ကို ဘယ်လိုကျင်းပလေ့ရှိသလဲ?

     အကောင်းဆုံးပြင်ဆင်ထားတဲ့ ဟင်းပွဲတိုင်းမှာ မြင့်မြတ်သော အာလူးသီးနှံကို ထည့်သွင်းချက်ပြုတ်ခြင်းဖြင့် “အာလူးနေ့” ကို ကျင်းပကြပါတယ်။ အာလူးချစ်သူများက သူတို့တီထွင်ချက်ပြုတ်ထားတဲ့ ချက်နည်းတွေကို လူချင်းတွေ့ပြီး (ဒါမှမဟုတ်) Instagram နဲ့ Social Medai ပေါ်တွေမှာ အပြန်အလှန်မျှဝေကြပါတယ်။

      နောက်ထပ် “အာလူးနေ့” စိတ်ကူးတစ်ခုအနေနဲ့ ဖန်တီးလာကြတာကတော့ အာလူးကို ချွန်ထက်တဲ့ ကိရိယာတွေနဲ့ ထွင်းထုတဲ့ အာလူးပန်းပု (အာလူးနဲ့ထွင်းထုတဲ့ ပန်းပုလက်ရာ) တွေကို ကမ္ဘာတစ်ဝှမ်းက ထောင်ပေါင်းများစွာသော လူတွေက ဒီဇိုင်းပုံစံအမျိုးမျိုး တီထွင်ပုံဖော်ကြတာပါ။ 

     အာလူးဟာ ရိုးရှင်းသော သီးနှံ(ဥ) တစ်မျိုးမျှသာ ဖြစ်သော်လည်း လူတို့ရဲ့ကျန်းမာရေးနဲ့ အာဟာရဓာတ် ပြည့်ဝမှုကို အထောက်အပံ့ပေးစွမ်းတဲ့အတွက် “အာလူးနေ့” ကို အထူးတလည် ကျင်းပကြတာလို့ သိရှိရပါတယ်။

နန်းထက်ထက်ချစ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်