ရေကို အကျိုးများအောင် ဘယ်လို သောက်ကြမလဲ

        ရေ အသက် တစ်မနက်ဆိုပြီး ရေရဲ့ အရေးပါပုံကို တင်စားပြောဆိုကြပါတယ်။ ကျန်းမာရေး ကောင်းချင်ရင် ရေများများသောက်လို့လည်း ပြောကြပါတယ်။ လူရဲ့ ကိုယ်ခန္ဓာမှာ အဓိက လိုအပ်တာက ရေဓာတ်ပါ။ ရေကို စနစ်တကျ သောက်မယ်ဆိုရင် ကျန်းမာပြီး အရွယ်တင်စေနိုင်တယ်ဆိုတာ သုတေသန ပညာရှင်တွေက တွေ့ရှိထားပါတယ်။ ဒါဆို ရေကို ဘယ်အချိန်တွေမှာ ဘာအတွက် သောက်ရမလဲဆိုတာလေးကို မျှဝေချင်ပါတယ်။

       အိပ်ယာထ ထချင်းမှာ ရေ ၂ဖန်ခွက်လောက် သောက်ပေးတာဟာ အူကို သန့်စင်စေပြီးတော့ ကိုယ်တွင်း အင်္ဂါတွေကို နှိုးလိုက်တဲ့သဘော ဖြစ်စေလို့ မနက် အိမ်ယာထ ရေသောက်တဲ့ အကျင့်ကို ကျင့်ထားသင့်ပါတယ်။ ကျန်းမာစေဖို့ မနက်ပိုင်းမှာ သတိထားရမယ့် အချက်လေးတွေကတော့

       မနက်အိမ်ယာထချိန်မှာ သွားမတိုက်သေးဘဲ ရေ 160ml ကို သောက်ပါ။ ခဏနေမှ သွားတိုက်ပါ။

       သွားတိုက်ပြီး 45-50 မိနစ်အတွင်းမှာ ဘာအစားအစာမှ မစားတာ ကောင်းပါတယ်။ ပြီးရင် မနက်စာကို စားပါ။

       မနက်စာ စားပြီး နောက် ၂နာရီအတွင်း ဘာမှ ထပ်မစားပါနဲ့။ ဒီလို ပြုမူနေထိုင်ကြည့်မယ်ဆိုရင် ကိုယ်အလေးချိန်ပါ ထိန်းပေးသား ဖြစ်ပါလိမ့်မယ်။

ဘယ်အချိန်တွေမှာ ရေသောက်တာ အကောင်းဆုံးလဲ

       - အိပ်ရာနိုးပြီး ရေနှစ်ခွက်သောက်ပါ ( ကိုယ်တွင်း ကလီစာတွေကို နိုးကြားစေဖို့အတွက်ပါ)

       - အစာ မစားခင် နာရီဝက် အလိုမှာ ရေတစ်ခွက်သောက်ပါ။ ( အစာချေစနစ်ကို ထောက်ပံ့ပေး၊ အစာ စားချင်စိတ်ကို လျှော့ချပေး)

       - ရေမချိုးခင် ရေတစ်ခွက်သောက်ပါ။ (သွေးဖိအားကို လျှော့ကျစေနိုင်)

       - အိပ်ယာ မဝင်ခင် ရေတစ်ခွက်သောက်ပါ။ (နှလုံးနဲ့ လေဖြတ်ခြင်းတွေကို တားဆီနိုင်)

       ကိုယ်အလေးချိန် ထိန်းချင်သူတွေ အတွက်ဆိုရင်တော့ ပေါင် ၁၅၀ အောက်သမားတွေကတော့ သောက်မယ့် ရေထဲမှာ လီမွန် တစ်ခြမ်းထည့်ပြီး သောက်ပါ။ ပေါင် ၁၅၀ အထက်တွေကတော့ လီမွန် တစ်လုံးလုံး ထည့်ပြီး သောက်ပေးရင် အဆီကျစေပါတယ်။

MyFood Myanmar Website မှ ပြန်လည်ကူးယူဖော်ပြပါသည်။ 

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်