ပြည်ပတင်ပို့မှုများရှိနေခြင်းကြောင့် ဆန်ကြမ်းဈေးများတက်

ပြည်ပတင်ပို့မှုတွေရှိနေတဲ့အတွက် ရန်ကုန်ဈေးကွက်မှာ ဆန်ကြမ်းဈေးတက်နေပြီး ဆန်ချောထဲမှာတော့ ပေါ်ဆန်းဈေးကလွဲလို့ ကျန်တာတွေ ဈေးငြိမ်နေတယ်လို့ စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာတဲ့သတင်းအရ သိရပါတယ်။

နယ်ဈေးကွက်ဖြစ်တဲ့ ဧရာဝတီတိုင်းဈေးကွက်မှာတော့ စပါးဈေးက အမြင့်ဈေးနဲ့ ရှိနေပေမယ့် အခု နောက်ပိုင်းရက်တွေမှာတော့ အဝယ်လျော့နည်းလာလို့ အနည်းငယ် ဈေးပြန်ကျသွားတယ်လို့ ဧရာကုန်သွယ်မှုဗဟိုဌာနရဲ့ သတင်းထုတ်ပြန်ချက်အရ သိရပါတယ်။

ရန်ကုန်ဈေးကွက်မှာ ရွှေဘိုပေါ်ဆန်းဆန်က တစ်အိတ်ကို ၉၀၀၀၀ကနေ ၉၈၀၀၀ ပေါက်ဈေးရှိပြီး တစ်အိတ်ကို ၁၀၀၀ ကျပ်၊ ဧည့်မထဆန်က တစ်အိတ်ကို ၄၃၅၀၀ ကနေ ၄၅၀၀၀ ပေါက်ဈေးရှိပြီး တစ်အိတ်ကို ၁၅၀၀ ကျပ်၊ ရက် ၉၀ ဆန်က တစ်အိတ်ကို ၄၈၀၀၀ ကနေ ၅၀၀၀၀ ပေါက်ဈေးရှိပြီး တစ်အိတ်ကို ၁၅၀၀ ကျပ်၊ ဆန်သီးထပ်က တစ်အိတ်ကို ၄၆၀၀၀ ကနေ ၄၇၀၀၀ ပေါက်ဈေး ရှိပြီး တစ်အိတ်ကို ၁၀၀၀ ကျပ် အသီးသီး ဈေးမြင့်တက်လာတယ်လို့ သိရပါတယ်။

ဧရာဝတီတိုင်းဈေးကွက်မှာတော့ ပထမတန်းစားစပါးက တင်း ၁၀၀ ကို ၁၅ သိန်း ၅ သောင်းကနေ ၁၇ သိန်းနီးပါးထိ ပေါက်ဈေးရှိနေပြီး ဆန်ကတော့ တစ်အိတ်ကို ၅၅၀၀၀ ကနေ ၆၅၀၀၀ ကြားပေါက်ဈေး ရှိနေပါတယ်။ ဒုတိယတန်းစားစပါးကတော့ တင်း ၁၀၀ကို ၁၃ သိန်းကနေ ၁၄ သိန်း ၅ သောင်းကြား ပေါက်ဈေးရှိနေပြီး ဆန်ကတော့တစ်အိတ်ကို ၄၀၀၀၀ ကနေ ၅၀၀၀၀ ကြားအရောင်း အဝယ်ရှိနေပါ တယ်။ ပြီးခဲ့တဲ့လနဲ့ ယှဉ်ရင်တော့ တင်း ၁၀၀ ကို ၅ သောင်းကျော်လောက် ဈေးမြင့်တက်လာပါတယ်။

အချိန်အခါမဟုတ်မိုးတွေရွာတဲ့အတွက် မကြာခင်ထွက်ရှိလာမယ့် စပါးများ အရည်အသွေးပိုင်းဆိုင်ရာ အားနည်းမှုတွေ ရှိလာနိုင်မှာကို တောင်သူအများစုက စိုးရိမ်မှုများရှိနေပါတယ်လို့လည်း AMIA က ဆိုထားပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ