အကျိုးအမြတ်ရှိတဲ့ ငါးခူငါးမွေးမြူနည်း

ငါးခူငါးမှာ ငါးရံ့လိုပင် မြစ်၊ ချောင်း၊ အင်း၊ အိုင်၊ ရေကန်၊ လယ်ကွင်းအနှံ့အပြားမှာ နေနိုင်တာ သာမကဘဲ နောက်ကျိပြီး ရေ နည်းတဲ့ ရေအိုင်ကလေးများမှာပင် နေထိုင်နိုင်ကြပါတယ်။ ငါးခူပေါက် ကလေးဘဝမှ ငါးခူကြီးဖြစ်လာတဲ့အထိ ၁နှစ်ခန့် အချိန်ကြာမြင့်ပါတယ်။

ငါးခူမွေးကန်တူးဖော်ခြင်း

ငါးခူမွေးဖို့ ကန်တူးရင် အတွင်းကနေ မတ်စောက်စွာ ပြုလုပ်ထားရပါမယ်။ အလွန်ကြီးမား ကျယ်ပြန့်လွန်းပါက ထိန်းသိမ်းရန် မနိုင်မနင်းဖြစ်တတ်ပါတယ်။ သာမန်အားဖြင့် ကန်အကျယ်အဝန်းမှာ အလျား ၄၀ ပေ၊ အနံ ၂၅ ပေမှ ပေ ၁၀၀ ပတ်လည်အထိ၊ အနက် ၅ ပေမှ ၆ ပေရှိကန်များတွင် မွေးမြူနိုင်ပါတယ်။ မတ်စောက်တဲ့ ကန်ပေါင်မှာ ဝါးကပ်များဖိထားရန်လည်း လိုအပ်ပါတယ်။ မဟုတ်ပါက ငါးခူများ တာပေါင်ကိုကျော်၍ တွား၍သွားနိုင်ကြပါတယ်။ တာပေါင်အပေါ် ပတ်ပတ်လည်မှာ အမြင့် ၁တောင်ခန့်ရှိ ရိုင်ပတ်များလည်း ကာရံထားရှိရပါမယ်။ ငါးထည့်စမှာ ရေကို ၃ပေခန့်ဖြည့်၍ ငါးကြီးလာတာနဲ့ အမျှ ၅ ပေမှ ၆ ပေအထိ တဖြည်းဖြည်းရေဖြည့်သွားရန် လိုပါတယ်။

ငါးမထည့်မီ ကန်တွင်းသြဇာဓာတ်ပြည့်ဝစေရန် နွားချေးကို ၄ဂါလံဝင်ပုံးဖြင့် ၁ဧကလျှင် ပုံး ၃၀၀ နှုန်း ထည့်ပေးပါ။ ကန်အတွင်းရှိ ရေမျက်နှာပြင်ရဲ့ ၅ ပုံ ၁ ပုံကို ဗေဒါပင်များဖြင့် ဖုံးအုပ်ပေးနိုင်ပါတယ်။

ကန်အတွင်း ငါးထည့်ခြင်း

ငါးခူငါးမှာ အခြားမွေးငါးတွေလို မဟုတ်ဘဲ အနေကျစ်လစ်တဲ့ ငါးပဲဖြစ်ပါတယ်။ ဒါ့ကြောင့် ကန်ငယ်ငယ် အိုင် အရွယ်ဖြင့်ပင် မွေးမြူနိုင်ပါတယ်။ စဉ့်အိုး၊အုတ်ကန်၊သံစည် စတာတွေနဲ့ပင် တစ်အိမ်ထောင်စားလောက်ရုံ တစ်နိုင်မွေးမြူခြင်းစနစ်ဖြင့် မွေးမြူနိုင်ပါတယ်။ ၁၀ စတုရန်းပေ ရေအနက် ၆ ပေရှိသော အနေအထားမှာ ၂လက်မ မှ ၄လက်မ အရွယ် ငါးခူငယ်အကောင် ၅၀ နှုန်း ထည့်သွင်းမွေးမြူနိုင်ပါတယ်။ ငါးများကိုကန်အတွင်းလွှတ်ရင် နံနက်ပိုင်း၌ လွှတ်ပေးရပါမယ်။

အစာကျွေးခြင်း

ငါးခူငါးက အသားစားငါးမျိုး ဖြစ်တာကြောင့် ငါးခူငါးကို အခြားငါးမျိုးတွေနဲ့ ရောနှော မွေးမြူရန် မသင့်တော်ပေ။ ငါးခူငါးကို အစာကျွေးရာမှာ အလွယ်တကူရမယ်ဆိုပါက အမဲကလီစာ အရိအရွဲများ၊ ကြက်အူ ၊ ဘဲအူတွေနဲ့ စွန့်ပစ်ထားတဲ့ ငါးကလီစာတွေကို နုပ်နုပ်စဥ်းပြီး ကျွေးနိုင်ပါတယ်။ ထိုအစာတွေ မရရှိရင်တော့ ဆန်ကွဲကျိုပြီး ဖွဲနု ၊ ပဲဖတ်နဲ့ စဥ်းထားတဲ့ ဟင်းသီးဟင်းရွက်တွေကိုရောကာ နံနက် တစ်ကြိမ်၊ ညနေတစ်ကြိမ် ကျွေးနိုင်ပါတယ်။ စျေးနဲ့နီးပါက အမဲဆိုင်တွေမှ ကြွင်းကျန်တဲ့ အမဲရိုးများ တွေကိုဝယ်ကာ ကြိုးဖြင့်ဆွဲပြီး အစာအဖြစ်ကျွေးနိုင်ပါတယ်။ အရိုးတွေမှာ ကပ်နေတဲ့ အသားတွေကို ငါးခူက တစ်စတစ်စ ဖဲ့စားခြင်းဖြင့် အစာကျွေးရာမှာ စရိတ်သက်သာနိုင်ပါတယ်။ အခြားနည်းလမ်း တစ်ခုက ညဘက်မှာ ကန်အတွင်းရှိ ရေမျက်နှာပြင်အထက်ကို မီးထွန်းညှိပေးထားခြင်း ဖြစ်ပါတယ်။ မီးအလင်းရောင်ဆီကို လာရောက်ကြတဲ့ ပိုးကောင်ကလေးများ ရေထဲကို ကျသွားရင် ငါးခူငါးတွေရဲ့ အစာ ဖြစ်သွားကြပါလိမ့်မယ်။ အထက်ပါနည်းအမျိုးမျိုးဖြင့် အစာကို မှန်ကန်ဝလင်စွာ ကျွေးပါက ငါးသန်ငယ်ကလေးများ ၆လ မှ ၈လအတွင်း၁၀ ကျပ်သားမှ ၁၂ ကျပ်သားအထိ ကြီးထွားလာနိုင်ပါတယ်။ အစာမမှန် ဝလင်စွာမကျွေးပါက ငါးကျောက်ဖားငါးကဲ့သို့ ခေါင်းကြီး ကိုယ်သေးဖြစ်ကာ တွက်ခြေ မကိုက်ဘဲ အရှုံးပေါ်နိုင်ပါတယ်။ အစာမှန်မှန်ကျွေးပြီး ငါးခူတွေကို မွေးမြူမယ်ဆိုရင် ၁ဧကကန် အကျယ်မှာ ၁နှစ်အတွင်း ငါးများအများအပြား မွေးမြူနိုင်တာကြောင့် ငါးခူအထွက်နှုန်းလည်း ပိဿာချိန်များများ ရနိုင်ပြီး အကျိုးအမြတ် အလွန်ရှိတဲ့ မွေးမြူရေး လုပ်ငန်းတစ်ခုပဲ ဖြစ်ပါတယ်။

မှီငြမ်း- ငါးလုပ်ငန်းဦးစီးဌာန။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...