တရုတ်နယ်စပ်ဂိတ်များ ပြန်ဖွင့်၍ ပဲတီစိမ်းဈေးပြန်မြင့်၊ စပါးဈေးပိုကောင်းလာနိုင်ဟု ကုန်သည်များခန့်မှန်း

ပြီးခဲ့တဲ့အပတ်ကအထိ ဆက်တိုက်ဈေးကျဆင်းနေခဲ့တဲ့ ပဲတီစိမ်းဟာ အခုတစ်ပတ်အတွင်းမှာတော့ လက်ရှိ တရုတ်နယ်စပ်ဂိတ်တွေ ပြန်လည်ဖွင့်လှစ်လာမှုနဲ့အတူ တင်ပို့မှုများလာပြီး ဈေးတွေလည်း ပြန်မြင့်တက်လာပါတယ်။ ဆန်တင်ပို့မှုမှာလည်း နယ်စပ်စခန်းတွေပြန်ဖွင့်လာတာကြောင့် ပိုမြင့်တက်လာနိုင်ပြီး ဈေးထပ်တက်နိုင်ဦးမယ်လို့ ဆန်ကုန်သည်တွေက ခန့်မှန်းပါတယ်။

ပဲတီစိမ်း

ရန်ကုန်ဈေးကွက်မှာ ပဲတီစိမ်း(ပဲခူးရွှေဝါ၊ ခရမ်းရွှေဝါ၊ ဝါးခယ်မ)တို့က တစ်ပိဿာကို ၂၀၀၀ ကနေ ၂၉၂၀ ကြား ပေါက်ဈေးရှိနေပြီး အကျဈေးနဲ့ ဈေးငြိမ်နေပါတယ်။ ဒါပေမဲ့ မန္တလေးဈေးကွက်မှာတော့ ပဲတီစိမ်း(အညာ)က တစ်အိတ် (ပိဿာ ၆၀)ကို ၁၃၅၀၀၀ ကနေ ၁၄၇၀၀၀ ကြား ပေါက်ဈေးရှိနေပြီး တစ်အိတ်ကို ၇၀၀၀ လောက် ဈေးမြင့်တက်လာပါတယ်။

မုံရွာဈေးကွက်မှာလည်း တစ်တင်း(ပိဿာ ၂၀)ကို ၃၆၅၀၀ ကနေ ၄၆၅၀၀ ကြား ပေါက်ဈေးရှိနေပြီး တစ်တင်းကို ၁၀၀၀ လောက်ဈေးတက်လာပါတယ်။ အောင်လံဈေးကွက်မှာလည်း တစ်တင်း(ပိဿာ ၂၀)ကို ၄၂၀၀၀ ကနေ ၄၇၅၀၀ ကြား ပေါက်ဈေးရှိနေပြီး တစ်တင်းကို ၁၅၀၀ လောက် ဈေးမြင့်တက်လာပါတယ်။

ဆန်၊ စပါး

ရန်ကုန် ဝါးတန်းဆန်ဈေးကွက်မှာတော့ အခုတစ်ပတ်အတွင်း ဆန်အသစ်တွေ ဈေးကွက်စဖွင့်လာပြီး ဆန်ချောမှာတော့ အဟောင်းဈေးနဲ့ ဈေးအများကြီး  ကွာဟမှုမရှိဘူးလို့ ဈေးကွက်စာရင်းတွေအရ သိရပါတယ်။

ဆန်အဝင်ကတော့ ဈေးကွက်အတွင်း ပုံမှန်ရှိပြီး အရောင်းအဝယ်လည်း ကောင်းနေတယ်လို့သိရပါတယ်။ 

ရန်ကုန်ဝါးတန်းဈေးကွက်မှာ ပေါ်ဆန်း(နယ်စုံ၊ဖျာပုံ၊မြောင်းမြ၊ဒေးဒရဲ)တို့က တစ်အိတ်ကို ၅၅၀၀၀ ကနေ ၆၀၀၀၀ ကြားပေါက်ဈေးရှိနေပြီး အဟောင်းဈေးနဲ့ တစ်အိတ်ကို ၃၀၀၀ ကနေ ၅၀၀၀ ကြားသာ ကွာဟမှု ရှိပါတယ်။

ရွှေဘိုပေါ်ဆန်းအသစ်ကတော့  တစ်အိတ်ကို ၆၆၀၀၀ ကနေ ၇၂၀၀၀ ကြားပေါက်‌ဈေးရှိနေပြီး အဟောင်းနဲ့ ယှဉ်ရင်တော့ တစ်အိတ်ကို ၂၀၀၀၀ နီးပါး ကွာဟမှု ရှိပါတယ်။

ဆန်ကြမ်းဖြစ်တဲ့ ဧည့်မထကတော့ အဟောင်းလက်ကျန်မရှိတော့ဘူးလို့ သိရပါတယ်။ ဈေးကွက်အတွင်းမှာတော့ တစ်အိတ်ကို ၂၅မှတ်တန်က တစ်အိတ်ကို ၄၁၅၀၀ ကနေ ၄၂၅၀၀ ပေါက်ဈေးရှိနေပြီး ဧည့်မထရိုးရိုးကတော့ တစ်အိတ်ကို ၄၂၅၀၀ ကနေ ၄၄၀၀၀ ကြားပေါက်ဈေးရှိကာ ဈေးငြိမ်နေပါတယ်။

အခြား ငစိန်သစ်၊ မြီးဒုံးသစ် ၊ရက် ၉၀ ဆန် တို့ကတော့တစ်အိတ်ကို ၄၄၀၀၀ ကနေ ၄၆၀၀၀ ကြား ပေါက်ဈေးရှိနေပြီး အဟောင်းနဲ့ ယှဉ်ရင် တစ်အိတ်ကို ၅၀၀၀ ကနေ ၈၀၀၀ ကြားဈေးကွာဟမှု ရှိနေပါတယ်။

ဧရာဝတီတိုင်းဈေးကွက်မှာတော့ ပုသိမ်ပေါ်ဆန်းစပါးက တင်း ၁၀၀ ကို ၁၄ သိန်းကျော်ပေါက်ဈေးရှိနေပြီး ဆန်ကတော့တစ်အိတ်ကို ၅၅၀၀၀ ပေါက်ဈေးရှိနေပါတယ်။ အခြား မြောင်းမြ၊ ဒေးဒရဲ၊ ဖျာပုံပေါ်ဆန်းစပါး တို့ကလည်း တင်း ၁၀၀ ကို ၁၄ သိန်းကနေ ၁၄ သိန်းခွဲကြားပေါက်ဈေးရှိနေပြီး ဆန်ကလည်း တစ်အိတ်ကို ၅၅၀၀၀ ကနေ ၅၈၀၀၀ ကြား ပေါက်ဈေးရှိနေပါတယ်။ အပြင်ပေါက်ဈေးမှာတော့ စပါးဈေးက ယခုထက် များပြားတယ်လို့ သိရပါတယ်။

ဧည့်မထ(မြို့နယ်စုံ)စပါးတွေကလည်း တင်း ၁၀၀ ကို ၁၁ သိန်းကနေ ၁၁ သိန်း ၅ သောင်းကျော်ထိ ပေါက်ဈေးရှိနေပါတယ်။ ဆန်ကလည်း တစ်အိတ်ကို ၄၀၀၀၀ ကနေ ၄၆၀၀၀ ထိ ပေါက်ဈေးရှိနေပါတယ်။

ပြီးခဲ့တဲ့ ၂၀၂၂-၂၀၂၃  ဘဏ္ဏာနှစ် ၉ လတာ ကာလအတွင်းမှာတော့ ဆန်တင်ပို့မှုက တရုတ်နိုင်ငံထံ အများဆုံး ဖြစ်ခဲ့ ပြီး အိမ်နီးချင်းနိုင်ငံတွေထဲက ထိုင်းနိုင်ငံ၊ ဘင်္ဂလားဒေ့ရှ်နိုင်ငံတို့ကလည်း ဝယ်ယူတင်သွင်းခဲ့တယ်လို့ သိရပါတယ်။

မတ်ပဲ၊ ပဲစင်းငုံ

မတ်ပဲကတော့ ပြည်တွင်း ငွေလဲလှယ်နှုန်း ဈေးမြင့်တက်လာမှုနဲ့အတူ ပြီးခဲ့တဲ့အပတ်နဲ့ နှိုင်းယှဉ်ရင် ဈေးကအနည်းငယ်တက်လာပါတယ်။ ပြည်တွင်း ကုန်သည်အချို့သုံးသပ်တာကတော့ အိန္ဒိယမှာ ပွဲတော်ကာလမို့ အဝယ်များနေတာဖြစ်ပြီး သိပ်မကြာခင် ဈေးကျဆင်းနိုင်တယ်လို့ ဆိုပါတယ်။

အတက်ဈေးမှာရှိနေတဲ့ ပဲစင်းငံနီကတော့ ပြီးခဲ့တဲ့အပတ်နဲ့ယှဉ်ရင် ဈေးအနည်းငယ်ထပ်တက်လာပါတယ်။ အိန္ဒိယနိုင်ငံမှာပါ ပဲစင်းငုံနီဝယ်ယူမှု မြင့်လာတဲ့အတွက် ပြည်တွင်းမှာပါ ဈေးမြင့်တက်လာတာ ဖြစ်တယ်လို့ သိရပါတယ်။ မြန်မာပြည်တွင်းမှာတော့ အသစ်တွေ ထွက်ရှိနေပေမဲ့ ကြိုပွိုင့်ဝယ်ယူမှုတွေကြောင့် ဈေးက ကောင်းနေပါတယ်။ ကုန်သည်အချို့ကတော့ လက်ရှိပဲစင်းငုံနီ ဈေးကွက်အခြေအနေဟာ ပြည်တွင်း ငွေ လဲလှယ်နှုန်း မြင့်တက်မှုပေါ် သက်ရောက်မှုမရှိဘဲ ကြိုက်ဈေးကြိုက်ဝယ် အနေအထားရှိနေပြီဖြစ်တယ်လို့ ဆိုပါ တယ်။ အပြောင်းအလဲများတဲ့ အိန္ဒိယရဲ့မူဝါဒတွေကို စောင့်ကြည့်ရမှာဖြစ်ပေမဲ့ ရေရှည်မှာတော့ ဈေးကောင်း ရနိုင်တယ်လို့လည်း ကုန်သည်တွေက ဆိုပါတယ်။

(လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့(AMIA) က ပေးပို့လာသည့် တစ်ပတ်တာအတွင်း ဈေးကွက်သုံးသပ်ချက်ကို ကိုးကားပြီး ပြန်လည်ဖော်ပြခြင်းဖြစ်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်