ဆားကြမ်းကို ပေါင်းမြက်သတ်ရန် သုံးသော်.. (ဘာတွေကောင်းပြီး ဘာတွေဆိုးမလဲ)

ယခုနောက်ပိုင်းမှာ စိုက်ပျိုးရေးလုပ်သူများအနေနဲ့ လက်တွေ့လုပ်ဆောင်ရလွယ်တဲ့ နည်းများနဲ့ မြေဩဇာများ၊ ပိုးသတ်ဆေးများကို ပြုလုပ်လာကြပါတယ်၊ အရေးအကြီးဆုံးတစ်ခုဖြစ်တဲ့ ပေါင်းသတ်ဆေးကိုလည်း အလုပ်သမားရှားပါးတဲ့အတွက် ယနေ့အထိ သုံးစွဲနေမြဲဖြစ်ပါတယ်။

ဩဂဲနစ်ပေါင်းသတ်ဆေး ဆိုပြီး ဆားတွေ ပက်တယ်။ ပေါင်းမြက်နိုင်တယ်ဆိုတဲ့ ကိစ္စကလည်း စိုက်ပျိုးရေးနယ်ပယ်မှာ ခေတ်ထနေပါတယ်။ ဒါကြောင့် ဆားရဲ့ ပေါင်းမြက်ကို သတ်တဲ့ ပုံစံနဲ့ ကောင်း ကျိုး ဆိုးကျိုးတွေကို ပြောပြပေးသွားချင်ပါတယ်။ ပထမအနေနဲ့ ဆားဟာဓာတ်ပစ္စည်း တည်ဆောက်မှုမှာ Sodium chloride ဖြစ်ပါတယ်။

ဆားဆိုတာတော့ အားလုံးသိပြီးသားဖြစ်မှာပါ၊ အငန်ဓာတ်များတယ်။ အရသာတွေကို လေးအောင် လုပ်ပေးနိုင်တယ်။ အဖြူရောင် အမှုန့်တွေပါ။ များသောအားဖြင့် ပင်လယ်ရေကို ကျိုချက်ပြီး ဆားများကိုထုတ်လုပ်ပါတယ်။ တစ်ချို့ကလည်း မြေမှ တူးရသော ကျောက်ဆားများကို အသုံးပြုကြပါတယ်။

ဆားပွင့်တို့ ရဲ့ သမိုင်းထဲက တန်ဖိုး

ဟိုးယခင် ရောမခေတ်အခါတွေမှာ ဆားကို ငွေကြေး အနေနဲ့ ပစ္စည်းတွေဝယ်ယူရာမှာ ပေးသုံးရတဲ့ အဓိ က တန်ဖိုးရှိခဲ့တဲ့အရာ ဖြစ်ပါတယ်။ ဘီစီ သက္ကရာဇ် ၁၄၀ ခန့်က ရောမ စစ်ဗိုလ်ချုပ် စီပီရို (Scipio Aemilianus) ဟာ တူနီးရှားနိုင်ငံရဲ့မြို့တော် ကာသေ့ကို စစ်နိုင်ခဲ့ပါတယ်၊ သူစစ်နိုင်ခဲ့တဲ့ မြို့ရဲ့ မြေတွေမှာ ဆားတွေကို တန်နဲ့ချီပြီး ထည့်ခဲ့ပါတယ်။ ဒီလိုလုပ်ခြင်းအားဖြင့် ဆားတွေကြောင့် ကောက်ပဲသီးနှံတွေ စိုက်မရပဲ အမြဲ အစာအတွက် ဒုက္ခရောက်အောင် တိုင်းပြည် နာလန်မထူနိုင်အောင် လုပ်ခဲ့ပါတယ်။ ဒါမှ စစ်ရှုံးထားတဲ့ နိုင်ငံအနေနဲ့ ပြန်ပြီး မတော်လှန်နိုင်အောင် ဖြစ်ပါတယ်။ စပိန် နိုင်ငံကလည်း တူရကီ နိုင်ငံကို ယခုလို ဆားများနဲ့ နိုင်ငံမြေတွေကို ပက်တာတွေ ရှိခဲ့ပါတယ်၊ အဓိကအကြောင်းတရားကတော့ တူရကီနယ်စား Aveiro က သစ္စာဖောက်တဲ့အတွက် ဖြစ်ပါတယ်။ ဒီလိုအရာတွေကြောင့် ဆားများဟာ ဟိုးတစ်ချိန် သမိုင်းတွေအရ ကြောက်စရာ လက်နက်တစ်ခုလိုဖြစ်ခဲ့ပါတယ်။

မည်ကဲ့သို့အပင်များကို သေစေပါသလဲ ???

အပင်တွေကို အဓိကသေစေတဲ့ အကြောင်းတရားကတော့ ဆားမှာပါဝင်သော ဆိုဒီယမ် Sodium ကြောင့်ဖြစ်ပါတယ်။ အငန်ဓာတ်တွေ များပြားလာမှုကြောင့် လူတွေမှာလို အပင်တွေမှာလည်း ရေငတ်လာပါတယ်၊ ပမာဏများ တဲ့အခါမှာ အပင်ဆဲလ်အမြှေးပါးတွေ ပျက်စီးပြီး အပင်တွေကို ခြောက်သေစေနိုင်ပါတယ်။ အပင်တွင်းမှ အပင်ရည်များ အပြင်သို့ စိမ့်ထွက်ကုန်ပါတယ် (High Osmotic stress)။ ပေါင်းသတ်ဆေး အနေနဲ့ ဆိုရင်တော့ ရွေးချယ်မဲ့ ပေါင်းသတ်ဆေးဖြစ်ပါတယ်။ အပင်အောက် ဆားတွေပုံတာနဲ့ ရေများများစားစားသာ မရှိရင် အပင်က သေမှာပါ။

ကောင်းကျိုးအနေဖြင့် တွေးသော် ...

ဆားကနေ ကလိုရင်းဓာတ် နဲ့ ဆိုဒီယမ်ဓာတ်ကို အပင်တွေအတွက် ရစေပါတယ်။ ကလိုရင်းက အရေးမကြီးပေမယ့် ဆိုဒီယမ်ဓာတ်ကတော့ အပင်တွေရဲ့ အနည်းလို အာဟာရဓာတ် တစ်မျိုးဖြစ်ပါတယ်။ ပေါင်းသတ်ဆေးတွေ ဈေးကြီးနေတယ်၊ အရည်အသွေးကလည်း ပေါင်းတောင် မနည်းသေအောင် သုံးနေရတယ်ဆိုတဲ့ အနေအထားမှာ ဆားက ရွေးချယ်စရာတစ်ခု ဖြစ်ပါတယ်။ ဆားက သဘာဝကနေရတဲ့ စက်ရုံတွေကနေ ဓာတုပစ္စည်းတွေနဲ့ ချက်လုပ်ထားတာမဟုတ်လို့ ပြောမယ်ဆို ဩဂဲနစ်ဖြစ်ပါတယ်။ မိုးစပါး၊ ရေအမြဲ မပြတ်တဲ့ စိုက်ကွင်းတွေမှာ ဆားက ရေမငတ်စေသလို၊ ရေနဲ့ ဆေးချလိုက်တဲ့ပုံမျိုး ဖြစ်စေတဲ့အတွက် တစ်ခါ နှစ်ခါနဲ့တော့ ပြဿနာ မရှိလှပါ။

ဆိုးကျိုးများအနေဖြင့် ..

ဆားကို အရမ်းပူတဲ့ မြန်မာပြည် အလယ်ပိုင်း ဒေသတွေမှာ လုံးဝသုံးလို့မရပါဘူး။ ဆားပေါက်မြေ ပြဿနာတွေတောင် မနည်းဖြေရှင်းနေရတဲ့ ဒေသတွေမှာ ဆားနဲ့ပေါင်းသတ်မယ်ဆိုရင် အတော့်ကို ရင်လေးစရာ ကိစ္စဖြစ်ပါတယ်။ ဩဂဲနစ်စိုက်ပျိုးရေး ဆိုတာဟာ စက်ရုံချက် ဓာတုဆေးတွေ ၊ ဓာတ်မြေဩဇာတွေမသုံးဘဲ သဘာဝကရတဲ့ အရာတွေနဲ့ စိုက်တာ တစ်ခုတည်းမဟုတ်ပါ။ မြေကို ရေရှည်ဒုက္ခမပေးတဲ့ အချက်ကိုလည်း ထည့်စဉ်းစားပါတယ်။ ဒီ့အတွက် ပေါင်းသတ်တိုင်းသာ ဂလိုင်ဖိုစိတ်အစား ဆားကို သုံးမယ်ဆိုရင် ဩဂဲနစ်စနစ် မဟုတ်တော့ပါ။ ပေါင်းသတ်ဆေးအနေနဲ့ဆိုရင်တော့ ရွေးချယ်မဲ့ ပေါင်းသတ်ဆေးသာ ဖြစ်ပါတယ်။ အပင်အမျိုးအစားအလိုက် မထိခိုက်အောင် စနစ်တကျ ဓာတ်ခွဲချက်လုပ်ထားသော ဆေးမဟုတ်ပါ။

တောင်သူဦးကြီးများအတွက် အကြံပေးချက်

တန်ဆေးလွန်ဘေး ဖြစ်ပါသဖြင့် အလွန်အကျွံ မသုံးသင့်ပါ။ မဖြစ်မနေ သုံးမယ်ဆိုရင်..

(၁) ဆားငံဒဏ်ခံနိုင်ရည်ရှိသော သီးနှံများ စိုက်ခြင်း - ဥပမာ ဆားငန် စပါးမျိုးများ၊ အမြစ်ရှည်လွန်းသော အပင်များ မြေငန်တာ (Soil pH) မြင့်တာကို ကြိုက်တဲ့ အပင်အမျိုးအစားများ။

(၂) မိုးများသော၊ ရေအမြဲရနိုင်ပြီး စိုက်ပျိုးရေ သွင်းရလွယ်သော စိုက်ခင်းဖြစ်ရပါမယ်။

(၃) ပမာဏအားဖြင့် တစ်ဧကကို ၂၀ ကီလို အနည်းဆုံး နဲ့ တစ်နှစ်လျှင် ၁ ကြိမ်သာ သုံးသင့်ပါတယ်။

(၄) သုံးပြီးတဲ့အချိန်တိုင်းမှာ သစ်ဆွေးဓာတ် (Organic matter) များတက်အောင် ဟျူးမစ်အက်ဆစ်ပါသော ပစ္စည်းများ၊ မြေဆွေးအမျိုးမျိုး၊ သစ်စိမ်းမြေဩဇာ၊ အီးအမ် ဘိုကာချီ၊ တီကျစ်မြေဆွေး၊ တီကျစ်ရည်၊ ထရိုင်ခိုဒါးမားမြေဆွေး စတာတွေကို များများ ပြန်ထည့် ပေးရပါမယ်။

ကြပ်တည်းနေသော အခြေအနေများကြားအတွင်း စိုက်ပျိုးရေးလုပ်ကိုင် နေသူတိုင်းကို

လေးစားလျက်

ဖုန်းမာန်တိုး (ရေဆင်းရနံ့)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...