"ငါးရံ့ငါး (Snake head murrel)”

ငါးရံ့ငါးဆိုလျှင် ငါးခြောက်ပြုလုပ်ပါက အရမ်းချိုပြီး အတော်စားကောင်းသည့် ငါးလည်းဖြစ်၍ "ငါးရံ့ငါးခြောက်"ကို လူတော်တော်များများ သိကြပါသည်။ ငါးရံ့အူဆီပြန်၊ ငါးရံ့ခေါင်းချဥ်ရည်ဟင်း၊ ငါးရံ့ဒန့်သလွန်သီးချက်၊ ငါးရံ့ပင်စိမ်း၊ ငါးရံ့ဆန်လှော်ဟင်း၊ ငါးရံ့ပေါင်းဟင်းများသည်လည်း လူကြိုက်များသော ဟင်းလျာများဖြစ်ကြသည်။ ထို့ပြင် ငါးရံ့ငါးမှာ ချိုလှသဖြင့် မုန့်ဟင်းခါးပြုလုပ်ရာ၌လည်း အသုံးပြုကြပါသည်။

ငါးရံ့မျိုးစိတ်ပေါင်းများစွာရှိသည့်အနက် မြန်မာနိုင်ငံတွင် ငါးရံ့ (၅) မျိုးရှိကြပါသည်။ (၁) ငါးရံ့ဒိုင်း၊ (၂) ငါးရံ့အောက်၊ (၃) ငါးရံ့ပနော်၊ (၄) ငါးရံ့ခေါင်းတို၊ (၅) ငါးအုံးမတ် တို့ဖြစ်ကြပြီး ငါးရံ့အောက်အမျိုးအစားမှာ ကြီးထွားနှုန်းကောင်းမွန်သဖြင့် ရွေးချယ်မွေးမြူသင့်ကြောင်း သိရပါသည်။

ငါးရံ့မျိုးစိတ်များမှာ ရေချိုတွင်သာ နေထိုင်ကြပြီး ရေချို၌သာ သားပေါက်လေ့ရှိသည့် Potamodromous မျိုးများဖြစ်ကြပါသည်။ အင်္ဂလိပ်ကို Snake head (မြွေဦးခေါင်းငါး) ဟုခေါ်ကြပါသည်။

ငါးရံ့ကိုယ်ထည်မှာ ခပ်လုံးလုံးရှိ၍ အမြီးဖက်သို့ ရှူးသွားသည်။ ခေါင်းသည် မြွေခေါင်းကဲ့သို့ ပြားသည်။ အမြီးထိပ်သည် ဝိုင်းသည်။ အညိုစင်းများနှင့် အမဲကွက်များသည် တစ်ကိုယ်လုံး၌ ထင်ရှားလျက်ရှိ၏။ ငါးရံ့များသည် ငါးပြေမကဲ့သို့ လေထဲမှ အောက်ဆီဂျင်ကို တိုက်ရိုက်ရှူနိုင်၏။ လေရှူငါးမျိုးများဖြစ်ကြသဖြင့် ရေမရှိဘဲ အနည်းဆုံး(၄)ရက်ခန့် အသက်ရှင်နိုင်ကြပြီး အလွန်အသက်ပြင်းသည့် ငါးတစ်မျိုးလည်း ဖြစ်ပါသည်။

ငါးရံ့မျိုးစိတ်များမှာ မြစ်၊ ချောင်း၊ ရေအိုင်ကြီးများ ရေစီးနည်းသော(သို့) ရေသေအင်းအိုင်များ၊ စိမ့်တောများတွင် နေထိုင်လေ့ရှိပြီး အများအားဖြင့် ရေအနက်(၃- ၆)ပေလောက်အထိ တွင်းတူးပြီး နေလေ့ရှိကြသည်။ အခြားငါးများနှင့်မတူသောအချက်မှာ နွေရာသီတွင် ရေခမ်းနေသာအိုင်များ၊ ကန်များ၏ အောက်ခြေတွင် ရွှံ့နွံများ၏အောက်မှာတိုးပြီး အသက်ရှင်နေထိုင်ကြပါသည်။ အကြေးခွံနှင့် လေရှူအင်္ဂါတွေ စိုစွတ်နေသရွေ့ အသက်ရှင်နိုင်ပြီး မိုးရာသီကို စောင့်ဆိုင်းနေနိုင်ကြပါသည်။

ငါးရံ့များ၏ အစာမှာ ငါး၊ ဖား၊ မြွေ၊ အင်းဆက်၊ တီကောင်နှင့် ရေနေအကောင်ငယ်များကို ဖမ်းယူစားသောက်ကြပါသည်။ ငါးရံ့ငါးမှာ ထိုင်း၊ အင်ဒိုနီးရှားနှင့် မလေးရှားတို့မှာ အဓိကအစားအစာဖြစ်ပြီး အာရှတိုက်နှင့် အရှေ့တောင်အာရှမှာ မွေးမြူရေးရော ဖမ်းဆီးရေးမှာပါ အရေးပါသည့် ငါးမျိုးစိတ်လည်းဖြစ်ပါသည်။ သားပေါက်သည့် အလေ့အထမှာ မိုးဦးရာသီတွင် ရေအိုင်များ၊ ရေဝင်ရောက်ရာလယ်ကွင်းများ၊ ကိုင်းကွင်းများမှာ တက်ရောက်မိတ်လိုက်ပေါက်ဖွားကြပါသည်။၊ ငါးသားပေါက်ငယ်များမှာ ရေမျက်နှာပြင်ပေါ်တွင် အုပ်စုလိုက် ကူးခတ်နေလေ့ရှိကြပြီး ငါးအထီးကြီးမှ ရေအောက်ကနေ လိုက်လံစောင့်ရှောက်ပေးတတ်ကြပါသည်။

ငါးရံ့ငါးများမှာ အသားစား (carnivorous)များဖြစ်ကြပြီး မိုးဦးရာသီမှာ အစောဆုံးသားပေါက်သော ငါးမျိုးစိတ်လည်းဖြစ်သည်။ မိုးမရွာမီ သင်္ကြန်ဝန်းကျင်ကာလတွင် ငါးရံ့များ သားပေါက်ကြပါသည်။ အကြောင်းမှာ အသားစား ငါးရံ့သည် သူစားမယ့်အကောင်နဲ့ အတူတူပေါက်လို့ မရ၍ဖြစ်သည်။ စောပြီးပေါက်မှ အရွယ်မတူမှ သူစားမယ့်ငါးလေးတွေကို ဖမ်းယူနိုင်ပါမည်။

ထို့ကြောင့် ရေချိုငါးလုပ်ငန်းဥပဒေမှာ ငါးရစ်/ ငါးသန် တားမြစ်ချိန်ကို ကဆုန်၊ နယုန်၊ ဝါဆိုလဟု သတ်မှတ်ထားပါသည်။ ကဆုန်လမှာ အများအားဖြင့် မိုးမရွာတတ်သော်ငြား ငါရံ့လိုငါးမျိုးစိတ်များ သားပေါက်ကာလဖြစ်လို့ ကြိုတင်တားမြစ်ရခြင်း ဖြစ်ပါသည်။

ငါးရံ့ငါးမှာ Protein (အသားဓါတ်) ကြွယ်ဝစွာပါဝင်သဖြင့် နေမကောင်းသူများ၊ နလန်ထလူမမာများအတွက် 'ငါးရံ့ဆန်ပြုတ်'မှာ အာဟာရများစွာပါဝင်ပါသည်။

ထိုသာမက ငါးရံ့ငါးမှာ နှုတ်ကိုမြိန်စေပြီး ဝမ်းမီးတောက်စေသည့်အပြင် ကြေလွယ်ကျက်လွယ်၏။ ချိုစိမ့်သော အရသာရှိပြီး အနည်းငယ်ဖန်၏။

ငါးရံ့(၁၀)ကျပ်သားနှင့် ဆီးဖြူသီး(၁၀)ကို ရောချက်ပြီး သုံးကြိမ်မျှ စားရုံဖြင့် ဆီးချိုရောဂါ လက်တွေ့သက်သာကြောင်း ဖတ်မှတ်ရဖူးပြီး (၆)လခွဲလောက် စွဲစားပါက ရောဂါအမြစ်ပြတ်ကြောင်း သိရပါသည်။

ငါးရံ့ငါးနှင့်ပတ်သက်၍

Phylum (မျိုးပေါင်းစု) - Chordata

Class(အမျိုးအစား) - Actinopterygii

Order(မျိုးစဥ်) - Anabantiformes

Family(မျိုးရင်း) - Channidae

Genus(မျိုးစု) - Channa

Species(မျိုးစိတ်) - Channa-Striata ဟူ၍ဖြစ်ပါသည်။

ရေချိုငါးဖြစ်သော ငါးရံ့ငါးများမှာ လူကြိုက်များပြီး ဆေးဖက်ဝင်ငါးဖြစ်သည့်အပြင် စီးပွားရေးတွင်လည်း အရေးပါသော ငါးတစ်မျိုးဖြစ်ပါကြောင်း လေ့လာရေးသားလိုက်ရပါသည်။

ပင်လယ်ပြာ(ငါးဦးစီး)

Ref: ဆရာဦးစန်းဝင်း(ငါးဦးစီး)၏ ငါးရံ့အကြောင်းသိကြောင်းစရာဆောင်းပါးမှ အချက်အလက်တချို့ကို မှီငြမ်းပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ