ပေါင်းသတ်ဆေးသုံးစွဲရာတွင် သတိပြုရမည့် အချက်များ

ပေါင်းသတ်ဆေးအသုံးပြုရာတွင် ဆေးအမျိုးအစား၊ ဆေးနှုန်းထား၊ ဆေးပက်ဖျန်းပုံနှင့် ပက်ဖျန်းသည့်အခြေအနေ မှန်ကန်ရမည်။ သီးနှံအလိုက် အသုံးပြုရမည့် ပေါင်းသတ်ဆေးမှာ အမျိုးအစားမတူညီပါ။ ထို့ကြောင့် သီးနှံအလိုက် ထောက်ခံညွှန်ကြားထားသော ဆေးအမျိုးအစားကိုသာ ရွေးချယ်အသုံးပြုရမည်။ အသုံးပြုရာတွင် သတ်မှတ်ဆေးနှုန်းထားထက် မြင့်လွန်းပါက ပေါင်းပင်များသာမက သီးနှံပင်များပါ သေနိုင်ပါသည်။ ထို့အတူ ဆေးနှုန်းထားနည်းလွန်းပါက ပေါင်းပင်များကို ကောင်းစွာမနှိမ်နင်းနိုင်ပါ။ ဆေးနှုန်းထား မှန်ကန်ပြီး ဆေးဖျန်းချိန် မမှန်ပါကလည်း ထိရောက်မှုမရှိပါ။ ဆေးနှုန်းထားအမှန်ကို ပတ်ဝန်းကျင်အခြေအနေအမှန်မှာ ဖျန်းသော်လည်း ပေါင်းပင်နှင့် သီးနှံပင်သက်တမ်း သင့်တော်မှသာ ထိရောက်မှုရှိသည်။

ထို့ကြောင့် (၁)ဆေးအမျိုးအစား၊ (၂) ဆေးနှုန်းထား၊ (၃) ပတ်ဝန်းကျင် အခြေအနေ၊ (၄) ပေါင်းပင်နှင့် သီးနှံပင်တို့ အရွယ်အစား မှန်ကန်ကိုက်ညီမှသာ ဓာတုဆေးဖြင့် ပေါင်းနှိမ်နင်းရာတွင် ထိရောက်အောင်မြင်မည် ဖြစ်ပါသည်။

ပေါင်းသတ်ဆေး၏ ဆိုးကျိုးများ

ပေါင်းသတ်ဆေးသည် ဓာတုပစ္စည်းဖြစ်သဖြင့် မှန်ကန်စွာ မသုံးစွဲနိုင်ပါက လူ၊ တိရစ္ဆာန်၊ အပင်နှင့် မြေဆီလွှာတို့ကို ထိခိုက်စေနိုင်ပါသည်။ ထို့ကြောင့် အခြားအပင်ဓာတုဆေးများ သုံးစွဲရာတွင် လိုက်နာရမည့် အချက်များအတိုင်း ဆောင်ရွက်ရန် အရေးကြီးပါသည်။ ဆေးပက်ဖျန်းသူအနေဖြ င့် ထိခိုက်အန္တရာယ် နည်းနိုင်သမျှနည်းစေရန် ကာကွယ်သင့်သည်။ ပေါင်းသတ်ဆေးပက်ဖျန်းထားသော ဧရိယာအတွင်း ကျွဲ၊ နွား၊ တိရစ္ဆာန်များ လွှတ်ကျောင်းခြင်းကို မပြုလုပ်ရပါ။ ပေါင်းသတ်ဆေး၏ ပျံ့လွင့်မှုကြောင့်နှိမ်နင်းလိုသည့် အပင်မှလွဲ၍ အခြားသီးနှံပင်များပေါ် ထိခိုက်မှုမရှိစေရပါ။ မြေတစ်ကွက်တွင် ပေါင်းသတ်ဆေး တစ်မျိုးတည်း အစဥ်အမြဲသုံးစွဲပါက ယင်းပေါင်းသတ်ဆေး မနှိမ်နင်းနိုင်သည့် ပေါင်းမျိုးစိတ်များ ပိုမိုဆိုးရွားလာမည် ဖြစ်ပါသည်။

ထို့ကြောင့်မတူညီသော ပေါင်းသတ်ဆေးကို အလှည့်ကျ ပြောင်းလဲသုံးသင့်ပါသည်။ အချို့ပေါင်းသတ်ဆေးများသည် ဓာတ်ကြွင်းအာနိသင်ရှိသဖြင့် ယင်းပေါင်းသတ်ဆေးများကို မြေတစ်ကွက်တွင် ရေရှည်မသုံးစွဲသင့်ပါ။ ထိုပေါင်းသတ်ဆေးများသည် မြေဆီလွှာ၏ ဓာတုဂုဏ်သတ္တိများကို ပြောင်းလဲကစပြီး မြေဆီလွှာများ ပျက်စီးစေနိုင်ပါသည်။ ထို့အပြင် မြေကြီးအတွင်းပိုင်းသို့ ရွာသွန်းမိုးရေနှင့် သွင်းရေများမှတစ်ဆင့် စိမ့်ဆင်းသွားပြီး မြေအောက်ရေညစ်ညမ်းမှုကို ဖြစ်စေနိုင်ပါသည်။ ပေါင်းသတ်ဆေး၏ ဖြစ်ပေါ်လာနိုင်သော အန္တရာယ်များကြား ပေါင်းသတ်ဆေးဖြ င့် ပေါင်းနှိမ်နင်းခြင်း တစ်မျိုးတည်းကိုသာ အားမကိုးဘဲ ဆေးသုံးစွဲမှုအနည်းဆုံးနှင့် အခြားသော ဘက်စုံပေါင်းကာကွယ်နှိမ်နင်းခြင်း နည်းလမ်းများကို တွဲဖက်ဆောင်ရွက်သင့်ပါသည်။

Crd#ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...