ဇွန် ၁၁ ရက်မှ ၁၃ ရက်အတွင်း မိုးလေဝသခန့်မှန်းချက်

10/06/2022 17:40 PM တွင် အစိမ်းရောင်လမ်း အစိမ်းရောင်လမ်း မှ ရေးသား

- အလယ်ပိုင်းဒေသများ အပူချိန်ဆက်မြင့်နေပြီး မိုးရရှိမှု လျော့နေနိုင်သေး

- ပင်လယ်ပြင်(ဧရာဝတီမြစ်ဝကျွန်းပေါ်ကမ်းနီးရေလုပ်ငန်းလုပ်ကွက်တွေ) မှာဇွန်လ ၁၂ ရက်နေ့က စပြီး လေတိုက်နှုန်းနဲ့ လှိုင်းအမြင့်တွေ လျော့ကျသွားနိုင်

- ကျိုင်းတုံနဲ့ တာချီလိတ်ကြားမှာ အနက်တိမ်တဲ့ ငလျင်ငယ်လေးတွေ အများအပြားလှုပ်သွား

အနောက်တောင်မုတ်သုံလေက ဇွန်လ ၁၁ ရက် ညနေပိုင်းက စ ပြီး အားလျော့လာနိုင်မယ်၊ ဇွန်လ ၁၄ ရက်နဲ့ ဇွန်လ ၁၆ ရက် နောက်ပိုင်းမှာ ပြန်ပြီး အားကောင်းလာနိုင်မယ်၊ မိုးရွာသွန်းတဲ့ အခြေအနေကတော့ ပုံမှာ ပြထားတဲ့အတိုင်း ကမ်းရိုးတန်းဒေသတွေအားလုံးနဲ့ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်၊ စစ်ကိုင်းတိုင်းမြောက်ပိုင်း၊ မန္တလေးတိုင်းမြောက်ပိုင်း၊ ရှမ်းပြည်နယ်မြောက်ပိုင်း၊ ဧရာဝတီတိုင်း၊ ပဲခူးတိုင်း၊ ကယားပြည်နယ်၊ ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်းတွေမှာ မိုးကောင်းနိုင်ပြီး ကျန်တဲ့ဒေသတွေမှာတော့ ပုံမှန်လောက်သာ ရွာသွန်းနိုင်မယ်လို့ Windy, ECMWF model ကြိုတင်ခန့်မှန်းချက်တွေမှာ တွေ့ရပါတယ်။

ပင်လယ်ပြင်(ဧရာဝတီမြစ်ဝကျွန်းပေါ်ကမ်းနီးရေလုပ်ငန်းလုပ်ကွက်တွေမှာ) ဇွန်လ ၁၂ ရက်နေ့က စပြီး လေတိုက်နှုန်းနဲ့ လှိုင်းအမြင့်တွေ လျော့ကျသွားနိုင်မယ်လို့ Buoy Weather ကြိုတင်ခန့်မှန်းချက်မှာလည်း ဖေါ်ပြထားတာတွေ့ရပါတယ်။ ဇွန်လ ၁၁ ရက် နေ့လည်ပိုင်းအထိ လေတိုက်နှုန်း တစ်နာရီ ၂၁ မိုင်အထိ ရှိနိုင်ပြီး လှိုင်းအမြင့် ၇ ပေခန့်အထိ ရှိနိုင်ပါလိမ့်မယ်။ အဲ့ဒီနောက်ပိုင်းမှာတော့ ဇွန်လ ၁၇ ရက်အထိ လေတိုက်နှုန်းနဲ့ လှိုင်းအမြင့်တွေ လျော့ကျသွားမှာဖြစ်ကြောင်း တွေ့ရပါတယ်။

ရှမ်းပြည်နယ် အရှေ့ဘက် ကျိုင်းတုံနဲ့ တာချီလိတ် ကြားမှာ အနက်တိမ်တဲ့ ငလျင်ငယ်လေးတွေကတော့ ဒီနေ့ ဇွန်လ ၁၀ ရက်နေ့အခု post ရေးချိန်အထိ မြန်မာနိုင်ငံအတွင်းမှာ ၈ ကြိမ်နဲ့ ထိုင်းနိုင်ငံ ဇင်းမယ်မြို့အနီးမှာ ၁ ကြိမ်၊ စုစုပေါင်း ၉ ကြိမ်ထပ်လှုပ်သွားတာတွေ့ရပါတယ်။ ဒါကလဲ ဖြစ်လာနိုင်ခြေရှိတဲ့ သဘာဝဘေးအန္တရာယ်တစ်ခုအတွက် သတိထားရမှာဖြစ်လို့ မိုးလေဝသကြိုတင်ခန့်မှန်းနဲ့အတူ တင်ပြပေးလိုက်ပါတယ်။

(ဒီနေ့ညနေ ၄ နာရီ update အရ လှုပ်ခတ်မှု ၁၀ ကြိမ်ရှိပြီဖြစ်)

မြန်မာနိုင်ငံအလယ်ပိုင်းဒေသများ မိုးရနိုင်ခြေရှိမရှိခန့်မှန်းချက်

“ အပူချိန်ကကျတယ်ဆိုပေမယ့်လို့ အလယ်ပိုင်းကတော့ မကျဘူး။ ဆိုပါတော့ ဒီနေ့ ညနေ ၄ နာရီ၊ ၅ နာရီထိုးတာတောင်မှ အပူချိန်က ၂၉ ဒီဂရီနဲ့ ၃၀ ကျော်မှာ ရှိနေတယ်။ ယင်းမာပင်တို့၊ ပုလဲတို့ မြိုင်တို့၊ ပေါက်တို့ နေရာမျိုးပေါ့နော်” 

“ အလယ်ပိုင်းမိုးရနိုင်တဲ့အခြေအနေကတော့ နည်းနည်းတော့ နည်းသေးတယ်။ အဓိကကတော့ အပူချိန်တက်နေတာပေါ့နော်။ Dew point (ငွေ့ရည်ဖွဲ့မှတ်) ရောက်အောင်ပြန်မကျဘူး။ ဒါပေမဲ့ ညပိုင်းနဲ့ မနက်ပိုင်းတွေမှာတော့ အပူချိန် ၂၇ လောက်ထိ ကျသွားရင်တော့ မိုးရွာနိုင်တဲ့အခြေအနေရှိတယ်။ အဲ့ဒီနေရာတွေရဲ့ Dew point က ၂၅ ဖြစ်နေတာကိုး။ အဲ့တော့ ၂၇၊ ၂၆ လောက်ထိ ကျလို့ရှိရင်တော့ ညပိုင်းနဲ့မနက်အစောပိုင်းအချိန်တွေဖြစ်မယ်၊ တိမ်တွေလည်း ဖြစ်မယ်ဆိုရင်တော့ မိုးရွာနိုင်တယ်။ မိုးနည်းရေရှားဒေသအကုန်လုံးပေါ့။ ညောင်ဦးအထက်၊ မကွေးတိုင်းအထက်ပိုင်း၊ စစ်ကိုင်းတိုင်းတောင်ပိုင်း အဲ့ဒီနေရာတွေပေါ့။ စစ်ကိုင်းတိုင်းမြောက်ပိုင်းကတော့ သူ့ဟာသူ မိုးများနေတယ်။ မိုးရှိနေတယ်ပေါ့”  

( နိုင်ငံတကာမိုးလေဝသကြိုတင်ခန့်မှန်းချက်များကို ကိုးကားပြီး အပြည်ပြည်ဆိုင်ရာမိုးလေဝသစောင့်ကြည့်သုံးသပ်သူ ဦးဝင်းနိုင်၏ ကြိုတင်ခန့်မှန်းချက်ဖြစ်ပါသည်။)

Photo Crd - Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်