ငှက်ပျောသီးမှာကျတဲ့ မှဲ့ပြောက်စွန်း

မှဲ့ပြောက်စွန်းရောဂါက အရေးကြီးသလား

ငှက်ပျောပင်စိုက်ထားတယ် ငှက်ပျောသီးသီးလာတော့ ဒီလိုရောဂါတွေပါလာတယ်။ အသီးခွံမှာ အကွက်လေးတွေပါလာတယ်။ အဲ့လိုတွေက တစ်ချို့ စားသုံးသူတွေ၊ ပွဲစားတွေက လက်မခံနိုင်ကြပါဘူး၊ အဲ့လိုဆို ပြဿနာရှိပါတယ်။ အသီးကိုင်းတွေ မခုတ်ခင်မှာ အစက်သေးသေးလေးကနေစပြီးတော့ ဖြစ်တာကနေ မရင့်ခင်မှည့်မယ်။ အထားမခံဘူး။ တစ်ဖြည်းဖြည်းချင်း ပုပ်လာမယ်။

မှဲ့ပြောက်စွန်းရောဂါ ဖြစ်နေတယ်ဆိုတာ ဘယ်လိုသိနိုင်မလဲ

လက္ခဏာတွေကိုကြည့်ပြီးတော့ ဆုံးဖြတ်ရပါတယ်။ စစချင်းဖြစ်နေတယ်ဆိုရင်တော့ အမဲရောင် အနက် အစက် သေးသေးလေးကို အခွံပေါ်မှာရော၊ ပန်းပွင့်ပေါ်မှာရောတွေ့နိုင်ပါတယ်။ စစချင်းဖြစ်တဲ့အချိန်ပါ။

နောက်ပိုင်းကျရင်တော့ အဲ့အနက်ကွက်လေးက တစ်ဖြည်းဖြည်းကြီးလာပြီးတော့ ပျော့ပုတ်လေးတွေ ဖြစ်ပြီးတော့ ပန်းရောင်မှိုစပိုးလေးတွေ ထွက်လာတာကိုမြင်ရမှာပါ။

အဲ့လိုဖြစ်ပြီးရင်တော့ တစ်ဖြည်းဖြည်းနဲ့ ပျော့လာပြီးတော့ တစ်ဖြည်းဖြည်းပုပ်လာပြီး အသီးကိုင်းကနေ ကြွေကျမှာပါ။

ရောဂါကျနေတာ သိဖို့ ခက်သလား

မခက်ပါဘူး၊ အစက်အပြောက်သေးသေးလေးတွေကနေ စတဲ့ ရောဂါဖြစ်ပြီးတော့ တစ်ခြားရောဂါတွေကနေ ခွဲခြားရလွယ်ကူတဲ့ရောဂါဖြစ်ပါတယ်။

ရောဂါဖြစ်စေတဲ့သက်ရှိ

Collectotrichum musae ဆိုတဲ့ မှိုကြောင့်ဖြစ်တာပါ။ စိုထိုင်းဆ များခြင်း၊ အပူချိန်များခြင်းနဲ့ မိုးပါစိုနေတယ်ဆိုရင်တော့ ရောဂါဝင်ရောက်ဖို့အတွက် အခြေအနေ ကောင်းကိုဖြစ်သွားတာပါ။ ကော်နီဒီယား လို့ခေါ်တဲ့ သူတို့ရဲ့ မျိုးပွားအင်္ဂါတွေက ဆွေးနေတဲ့ အပင်အကြွင်းအကျန်တွေမှာ အသက်ရှင်နေထိုင်နိုင်ပါတယ်။ ပြီးတော့ ရေအားဖြင့်၊ လေအားဖြင့်၊ အင်းဆက်အားဖြင့် ကူးစက် ပျံ့နှံ့နိုင်ပါတယ်။

တိုက်ခိုက်ပုံ

ကော်နီဒီးယားတွေက အသီးခွံတွေမှာသွားကပ်ပြီးတော့ အသီးစမှည့်တဲ့အချိန်မှာ မှိုမျှင်တွေထုတ်ပြီးတော့ အပင်ကို တိုက်ခိုက်ပါတယ်။ အဲ့လိုကနေ အခွံကနေ အသီးထဲအထိ ဝင်ရောက်ပြီးတော့ ထပ်ပြီးတော့ အညှောင့်တွေပေါက်တယ်။ မှိုမျိုးတွေပွားနိုင်အောင် ကြီးထွားလာကြပြီးတော့ မျိုးပွားအင်္ဂါတွေကို ထပ်မံထုတ်လုပ်ကြပါတယ်။ အဲ့လိုနဲ့ ရောဂါသံသရာက လည်ပတ်ကြပါတယ်။

အကောင်းဆုံး စီမံခန့်ခွဲမှုကို ဘယ်လိုလုပ်ကြမလဲ

၁) ခူးတဲ့အချိန်နဲ့ သိုလှောင်တဲ့အချိန်တွေမှာ အသီးကို ထိခိုက်မှု မရှိအောင် ဂရုစိုက်ပါ။

၂) ဖြစ်နိုင်ရင် အသီးခူးပြီးနောက် ရေသန့်သန့်လေးဆေးပေးပြီးမှ လှောင်ပေးတာကောင်းပါတယ်။

၃) မဖြစ်မနေ ဆေးသုံးရမယ်ဆိုရင်တော့ Indofil M 45 (0.25%) နဲ့ Bavistin (0.05%)တွေကို ဖျန်းပေးပြီးတော့ အသီးကိုင်းတွေကို ပြန်အုပ်ထားပေးရင် ရပါတယ်။ အဲ့လိုနည်းနဲ့ကြိုတင်ကာကွယ်ကုသပေးလို့ရပါတယ်။

ထွန်းဝင်းကျော်

http://farmextensionmanager.com/English/Banana%20technology%20bank/pest%20doctor/Anthracnose.html

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ