တောင်သူလယ်သမားအကျိုးပြု မိတ်ဆွေငှက်များ (၁)

ပိုးမွှားကာကွယ်နှိမ်နင်းရေးတွင် တစ်ဖက်တစ်နေရာမှာ ထိထိရောက်ရောက် ကူညီဆောင်ရွက်ပေးနေသည်မှာ မိတ်ဆွေငှက်များဖြစ်ပါသည်။ တောင်သူလယ်သမားများ၏ သီးနှံအစေ့အဆန်ကို ငှက်များဖျက်ဆီးသည်ကို မြင်တွေ့ကြရပြီး ငှက်ဟူသမျှ ရန်သူဟု မထင်ကြပါနှင့်။ ဖျက်စီးသော ငှက်ရှိသကဲ့သို့ ကောင်းကျိုးပြုသော ငှက်လည်းရှိပါသေးသည်။ မိတ်ဆွေငှက်များသည် ပိုးမွှားများကို များများနှင့်မြန်မြန်စားနိုင်၏၊ မိတ်ဆွေငှက်များကို မသိ၍ ပစ်ခတ်သတ်ဖြတ်မိကြသည့်အတွက် ဆိုးကျိုးများစွာ ပေါ်ပေါက်လာနိုင်သည်။ မိတ်ဆွေငှက်များ နည်းပါးသွားသည့်အခါဖြစ်စေ၊ သေကျေပြုန်းတီးသွားကြသည့်အခါဖြစ်စေ ကောက်ပဲသီးနှံများကို ဖျက်စီးလေ့ရှိသော ရန်သူပိုးများသည် တိုးတက်များပြားလာတတ်၏။

ထို့ကြောင့် ပိုးမွှားစားငှက်များကို ဘေးကင်းစေရန်နှင့် လွတ်လပ်စွာ ပေါက်ပွားစေရန် စောင့်ရှောက်ပေးပါက ရန်သူပိုးများသည် သီးနှံများကို ယခုဖျက်ဆီးနေကြသလောက် ဖျက်ဆီးနိုင်စွမ်း ရှိကြတော့မည်မဟုတ်ပါ။

မိတ်ဆွေငှက်များ

ငှက်တော်၊ တစ်တီတူး၊ လင်းနို့၊ ဘီးတောင်ဖိုငှက် (တောင်ပီစူးငှက်) သစ်တောက်ငှက်ထိပ်နီ၊ ပုစဉ်းထိုး၊ ငှက်ကြာချောက်၊ စွေ့၊ ငှက်ရွှေဝါ၊ ငှက်ကျား၊ စာချစ်တီး၊ ဆက်ရက်၊ ဇီးကွက်၊ ငှက်ခါး၊ လင်းဆွဲ၊ ပျံလွှား၊ သောင်တင်းငှက်၊ သပိတ်လွယ်၊ ဗျိုင်း စသည်တို့ဖြစ်သည်။

မည်သည့်နိုင်ငံမဆို လူမျိုးမရွေးစိုက်ပျိုးသူ တောင်သူလယ်သမားကြီးများသည် နည်းအမျိုးမျိူးဖြင့် မိမိတို့စိုက်ပျိုးထားသော ကောက်ပဲသီးနှံများကို လာရောက်ဖျက်ဆီးစားသောက်ကြသည့် ငှက်များ (စာ၊ ခို၊ ကျီး) စသည်ကို ခြောက်လန့်၍ မောင်းထုတ်ကြရသည်။ ဤသည်ကိုကြည့်၍ ငှက်မှန်သမျှ လယ်ယာအတွင်းလာရောက်လျှင် မောင်းထုတ်ကြရမည်၊ နှိမ်နင်းကြရမည်ဟု ယူဆကြလျှင် မှားသွားမည်ဖြစ်သည်။ အဘယ်ကြောင့်ဆိုသော် လယ်ယာကို ဖျက်သည့်ငှက်ရှိသကဲ့သို့ လယ်သမား၊ ယာသမား၊ ကိုင်းသမားတို့အတွက် မိတ်ဆွေငှက်များလည်း ရှိကြသေးသည်။ မိတ်ဆွေငှက်များကို ပွားအောင်ထား၍ များအောင်ပြုလုပ်သင့်သည်။ မိတ်ဆွေနှင့် ရန်သူကိုခွဲခြား၍ သိထားကြခြင်းဖြင့် သီးနှံပင်များ၌ ပိုးမွှားကျရောက်မှုကို များစွာသက်သာစေနိုင်ပြီး ကြိုတင်သိရှိသဖြင့်လည်း မပျက်စီးအောင် ကာကွယ်နှိမ်နင်းသွားနိုင်သည်။

ဗျိုင်း

အမွေးတောင်တို့၏ အရောင်သည် ရာသီဥတုကိုလိုက်၍ ပြောင်းလဲတတ်သည်။ ထို့ကြောင့် အဖြူရောင်မှ မွဲပြာပြာအရောင်၊ အညိုရောင်ထိရှိ၏။ နားနေစဉ်ညိုရောင်သန်း၍ ပျံသောအခါမှ အဖြူရောင်ကိုတွေ့ရ၏။ ဤဗျိုင်းမျိုးမှာ ဗျိုင်းအောက်ဖြစ်သည်။ ဗျိုင်းသည် ဂဏန်း၊ ပိုးတုံးလုံး၊ ငမြှောင်တောင်၊ ပေါက်ဖတ်၊ ခူများကို စားသည်။ ထနောင်းပင်များပေါ်တွင် အသိုက်ပြုလုပ်တတ်၏။ သီးနှံပင်တွင် ကျရောက်တတ်သည့် ပိုးမွှားများကိုသာမက ကျွဲ၊ နွား တို့ကိုယ်ပေါ်ရှိ ပိုးမွှားတို့ကိုပါ စားကြသဖြင့် ကျွဲ၊ နွားတို့၏ မိတ်ဆွေ၊ လယ်သမားတို့၏ မိတ်ဆွေများဖြစ်သည်။ စပါးခင်း၌ ဗျိုင်းအုပ်ကျနေလျှင် ငမြှောင်တောင်ကျနေသည်ကို အသိပေးသကဲ့သို့ရှိသည်။

တစ်တီတူး

နှုတ်သီးနီနီ၊ ခြေထောက်ဝါဝါ၊ အမည်းအဖြူ၊ အညိုရောင်ကျားသည့် အမွေးအတောင်နှင့် လှသောအကောင်ဖြစ်၏။ ဥကိုမြေကြီးချိုင့်ထဲဥတတ်၏။ ပိုးတုံးလုံး၊ တီကောင်နှင့် ပိုးမွှားတို့ကို စား၏။ နှောင့်ယှက်မှုပေးလိုက်လျှင် ကျယ်လောင်စွာအော်မြည်တတ်၏။

ငှက်တော်

သပိတ်ရောင်နက်မှောင်သော အမွေးနှင့်ရှည်သော အမြီးနှစ်ခုရှိ၏။ တစ်နေရာရာတွင် နားနေပြီးပျံသန်းနေသည့် ပိုးကောင်တွေ့သည်နှင့် တစ်ဟုန်ထိုးဆင်းလာပြီး ထိုးသုတ်တတ်၏။ နားပြီးလည်း ပိုးကောင်ကို စောင့်ဖမ်းတတ်ရာ လယ်ယာအတွင်း၌ အကိုင်းအခက်များထိုးစိုက်ပေးခြင်းဖြင့် ငှက်တော်ကို ဖိတ်ခေါ်ရာရောက်သည်။

အပိုင်း (၂) တွင် ဆက်လက်ဖော်ပြပါဦးမည်။

ကိုရဲ (စိုက်ပျိုးရေး) ရေးသားသော 'အသိသတိရှိရှိဖြင့် အသုံးပြုရမည့် ပိုးသတ်ဆေးများ 'စာအုပ်မှကောက်နုတ်ဖော်ပြခြင်းဖြစ်ပါသည်။

စာအုပ်ကို ဝယ်ယူလိုပါက အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

တောင်သူလယ်သမားအကျိုးပြု မိတ်ဆွေငှက်များ (၁)

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

တောင်သူလယ်သမားအကျိုးပြု မိတ်ဆွေငှက်များ (၁)

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}