အကျိုးပြုတဲ့ နီမတုတ်တွေ

မြစ်ဖု နီမတုတ် ဆိုတာ နာမည်မကြီးဘူးလား။။

ကြီးတာပေါ့။ အမြစ်တွေမှာ အဖုတွေ အဖုတွေဖြစ်ပြီးတော့ အပင်တွေကို တိုက်ခိုက်ကြတာကလား။ အဲ့လို ဖြစ်တာက မြေကြီးထဲက နီမတုတ်တွေ တိုက်ခိုက်တာကြောင့်ဖြစ်ပါတယ်။

နီမတုတ် (Nematode) ဆိုတာဘာလဲ

မြေကြီးထဲမှာ ရှိနေတတ်ကြတဲ့ အနုဇီဝသက်ရှိတွေပါ။ အလွန်သေးငယ်ပြီးတော့ အနုကြည့်မှန်ပြောင်းနဲ့ အဆပေါင်းများစွာ ချဲ့ပြီးတော့မှ မြင်ရတာမျိုးပါ။ မျိုးစိတ်တွေအများကြီး ရှိပြီးတော့ အပင်တွေကို တိုက်ခိုက်တဲ့ မြစ်ဖုနီမတုတ်ဆိုရင်တော့ သိကြပါလိမ့်မယ်။

အကျိုးပြု နီမတုတ်တွေ

အရာအားလုံးမှာ ကောင်းတာနဲ့ ဆိုးတာနဲ့အမြဲဒွန်တွဲပြီး ရှိကြတာပဲ ဆိုတော့ မြစ်ဖု နီမတုတ်တွေရှိသလို လူတွေ အပင်တွေကို ပြန်ပြီးတော့ အကျိုးပြုတဲ့ နီမတုတ်တွေလည်း ရှိပါတယ်တဲ့။ အဓိက (၂)မျိုးပါ။ မျိုးရင်း (၂)မျိုးပါ။ အဲ့အထဲကတော့ မျိုးစိတ်တွေ အများကြီး ရှိဦးမယ်။

(၁) Steinernematidae

(၂) Heterorhabditidae ဆိုတဲ့ မျိုးရင်းဝင် (၂)မျိုးက လူတွေကို ကူညီပါတယ်တဲ့။

သူတို့တွေ ဘာလို့ အကျိုးရှိတာလဲ

အကြောင်းပြချက် (၆)ချက်ရှိပါတယ်။

ပထမအချက်ကတော့ မျိုးရင်းထဲမှာ မျိုးစိတ်တွေမျိုးကွဲတွေ တော်တော်များများပါတာကြောင့် အင်းဆက်မျိုးတော်တော်များများမှာ ကပ်တွယ်ပြီးတော့ ကပ်ပါးအဖြစ်နေထိုင်နိုင်ပါတယ်။ ကပ်ပါးကောင်တွေအဖြစ်နေပြီးတော့ အင်းဆက်တွေဆီကနေ အာဟာရတွေကို ရယူစားသုံးပါတယ်။

ဒုတိယအချက်ကတော့ အကျိုးပြု နီမတုတ်တွေက သူတို့ ကပ်တွယ်လိုက်တဲ့ အင်းဆက်တွေကို (၄၈)နာရီအတွင်းမှာ သေဆုံးစေနိုင်တာပါ။

တတိယအချက် - ဖန်တီးထားတဲ့ မီဒီယာပစ္စည်းပေါ်မှာ ရှင်သန်နိုင်ပါတယ်။ အဲ့ဒါကြောင့်ပဲ သူတို့တွေ ကို များများထုတ်လုပ်နိုင်ပြီး အသုံးချနိုင်ပါတယ်။

စတုတ္ထအချက် - အချိန်ကြာကြာ သိမ်းထားလို့ရပါတယ်။ တာရှည်ခံပါတယ်။ ပုံမှန် အခန်း အပူချိန် (၆၀-၈၀ ဒီဂရီဖာရင်ဟိုက်) မှာဆိုရင် (၃)လလောက် ထားလို့ရပြီးတော့ အအေးခန်းလို အပူချိန် (၂၇-၅၀ ဒီဂရီဖာရင်ဟိုက်)မှာ ထားရင်တော့ (၆)လလောက်အထိ သိမ်းထားလို့ရပါတယ်။ တစ်ချို့မျိုးတွေက ပိုးသတ်ဆေး ပေါင်းသတ်ဆေးနဲ့ မြေသြဇာတွေ အတူတကွ ရောစပ်ပြီး သုံးလို့ရပါတယ်။ ခံနိုင်ရည်ရှိပါတယ်။ လက်ခံကောင်မရှိလို့ အာဟာရပြတ်ပြီးသေတယ်ဆိုတာကလည်း တော်တော်ကြာမှ ဖြစ်တာပါ။ အာဟာရမရှိပဲ တော်တော်ကြာကြာနေနိုင်ပါတယ်။

ပဉ္စမ အချက် - အကျိုးပြု အင်းဆက်ပိုးမွှားလေးတွေဟာ ဘက်တီးရီးယားလို အကောင်လေးတွေကို နှိမ်နင်းရာမှာ အခက်အခဲလေးတွေရှိတတ်ပါတယ်။ အကျိုးပြု နီမတုတ်ကတော့ ဘက်တီးရီးယားတွေရဲ့ ခန္ဓာကိုယ်ကို ထိုးဖောက်ဝင်ရောက်ပြီးတော့ အကျိုးပြုနိုင်ပါတယ်။

ဆဌမ - ပိုးသတ်ဆေးတွေ သုံးရသလို မဟုတ်ပဲနဲ့ အကျိုးပြု နီမတုတ်တွေဟာ ပတ်ဝန်းကျင်ကို ထိခိုက်ပျက်စီးစေတာမျိုး မရှိသလောက်နည်းပါးပါတယ်။

ကဲ အဲ့လောက်ဆို နီမတုတ်မှာ အကျိုးပြုတဲ့ နီမတုတ်တွေလည်း ရှိတယ်။ လူတွေအတွက် ဘယ်လိုတွေ အကျိုးပြုနိုင်တယ်ဆိုတာကို သိသွားလောက်ပြီထင်ပါတယ်။

ထွန်းဝင်းကျော်

Reference - http://www.ladybug.uconn.edu/FactSheets/beneficial-nematodes_7_631898323.pdf

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...