ငုံးမွေးမြူရေးတွင်အရေးပါသော ငုံးအိမ်တည်ဆောက်ခြင်းနှင့် အကောင်ရေသတ်မှတ်ခြင်း

ငုံးများထားရန် အိမ်များကို အောက်တွင်ဖော်ပြထားသည့်အထဲမှ နှစ်သက်ရာအမြင့်ကို ပြုလုပ်နိုင်ပါသည်။

အခန်းတစ်ခန်းလျှင် အလျား၊ အနံ၊ အမြင့် ၁x၁x၁ ပေ ထား၍ အခန်းတိုင်း ၁ပေပတ်လည် ရှိရပါမည်။ အခန်းအဆင်းပေါင်း ၄ခန်းတွဲမှ ၆ခန်းတွဲအထိ ပြုလုပ်နိုင်ပါသည်။ ထိုအခန်းတွဲအောက်တွင် ၂လက်မ ခြားထားရပါမည်။ ထိုခြားထားသည့်နေရာတွင် ငုံးချေးအံဆွဲထားရန် ဖြစ်သည်။ ငုံးအိမ်၏ အခင်းမှာ ငါးမူးကွက်ခြောက်ထောက်သံဆန်ခါများ ကာရံပေးထားရရပါမည်။

သို့မဟုတ်ပါက ၁လက်မ ပျဥ်ကလေးများအား ၁လက်မခြား ကာရံထားရပါမည်။ အလယ်အတွင်းမှ အခန်းနံရံများကို ပျဥ်များဖြင့် အလုံပိတ်ထားရပါမည်။ ရှေ့တည့်တည့်အပေါက်ကို တံခါးဆုံလည်ဖြင့် တပ်ဆင်၍ တစ်မူးလုံး သံချောင်းကလေးများထောင်၍ ကာထားရပါမည်။ (သို့မဟုတ်) ရိုးရိုးပတ္တာတံခါးလည်း တပ်ဆင်ပေးနိုင်ပါသည်။

ငုံးချေးခံခွက်ထဲတွင် လွှစာမှုန့်များ ခင်းထားပေးပြီး တစ်ပတ်တစ်ခါ အသစ်လဲလှယ်ပေးရပါမည်။ ငုံးစင်အဆင့်တိုင်း၏ ဘေးတစ်ဖက်စီတွင် အစာမှုန့်နှင့် သောက်ရေအား ရေတံလျှောက်ဖြင့် တည်ပေးရပါမည်။သောက်ရေအား တစ်နေ့ ၂ ကြိမ် လဲပေးရမည်ဖြစ်ပြီး လိုအပ်ပါက သောက်ရေတွင် အားဆေးထည့်၍ တိုက်ကျွေးနိုင်ပါသည်။ ငုံးအခင်းကို တစ်ပတ်တစ်ကြိမ် သန့်ရှင်းရေးပြုလုပ်ရန် လိုအပ်ပါသည်။

ငုံးများထားရှိရန် ၄ခန်းတွဲ၄ဆင့် ပြုလုပ်ထားသည့် အိမ်တစ်လုံးတွင် ငုံးကောင်ရေ (၆၀-၈၀)အထိ မွေးမြူနိုင်ပါသည်။ ၆ခန်းတွဲ ၆ဆင့်ပြုလုပ်ထားသော အိမ်တစ်လုံးတွင် ငုံးအကောင်ရေ (၁၄၀-၁၈၀) အထိ မွေးမြူနိုင်ပါသည်။ ဥစားအတွက် ငုံးထီးမပါဘဲ ငုံးမများကိုသာ မွေးမည်ဆိုပါက ၁ပေ ပတ်လည်ရှိ ခြံတစ်ခြံတွင် ငုံးမကောင်ရေ ၅ကောင် မွေးမြူနိုင်ပါသည်။ မျိုးဥများအတွက် မွေးမည်ဆိုပါက ၁ပေ ပတ်လည် ခြံတစ်ခြံတွင် ငုံးအမ ၃ကောင်၊ အထီး ၁ကောင်နှုန်း ထားရှိမွေးမြူရပါမည်။

ငုံးသက်တမ်းမှာ အစာကောင်းစွာ စားသောက်ရပါက ၃နှစ်မှ ၃နှစ်၆လ မျှအထိ အသက်ရှည်သည်။ သက်တမ်းတစ်လျှောက်လုံး ဥများ ဥသွားနိုင်ပါသည်။ ငုံးများသည် ဥမှပေါက်ပြီး ၂၀ရက်သားရှိလျှင် အထီးအမ ခွဲခြားသတ်မှတ်ရနိုင်ပြီ ဖြစ်သည်။ ငုံးအထီးမှာ အသံမြည်ရာ၌ အသံကြီးပြီး ကျယ်သည်။ အထက်နှုတ်သီး အနည်းငယ် ရှည်ထွက်နေပါသည်။လည်ပင်း၏ အရောင်မှာ အနီရောင် သန်းလျက်ရှိပါသည်။

ငုံးမသည် လည်ပင်းတွင် ဘယက်ကဲ့သို့ အပြောက်ကလေးများ ပါရှိပါသည်။ ဤအချက်ကို ကြည့်ခြင်းအားဖြင့် ငုံးထီး၊ ငုံးမ ခွဲခြားနိုင်ပါသည်။

မှီငြမ်း- ဆရာသိပ္ပံသန်းအေး၏ “ငုံးမွေးမြူရေး”အကြောင်းမှ ကောက်နှုတ် ဖော်ပြပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...